Садыр Жапаровдун жубайы: "Соттор жолдошум менен жолугууга 1 жарым айдан бери уруксат бербей жатат"

Бишкек шаардык соту Садыр Жапаров менен жубайынын жолугушуусуна уруксат бербей жатат. Бул тууралуу бүгүн, 14-сентябрда SUPER.KG порталына Жапаровдун жубайы Айгүл Асанбаева билдирди.

"Буга чейин Садыр Жапаровдун иши Биринчи Май райондук сотунда каралып жатканда райондук сот жолугушууга уруксат бербей келген. Акыркы жолу июль айынын аягында жолдошума жолугуп абалын сурап, үй-бүлө, балдарыбыз жөнүндө сүйлөшкөнбүз. Август, сентябрь айында арыз жазып жактоочу менен биргеликте сотко кайрылгам, бирок жолугууга таптакыр уруксат бербей коюшту. Эми Бишкек шаардык соту да эч негизсиз уруксат бербей жатат. Негизи бир айда эки жолу жолугууга мыйзам жол берет", - деп билдирди Айгүл Асанбаева.

Белгилүү болгондой, Жазык аткаруу кодексинин 61-беренесинин негизинде соттолгон жаран менен жакын тууганы жолугууга уруксат берилет. (Туугандары же башка адамдар менен кыска мөөнөттүү жолугушуулар түзөтүү мекемесинин администрациясынын өкүлүнүн катышуусу менен берилет. Жубайы же жакын туугандары (ата-энеси, балдары, асырап алуучулар, асыранды балдар, уялаш ага-ини жана эже-сиңди, чоң ата, чоң эне, неберелер) бирге жашоо укугу менен, ошондой эле алардын чөйрөсү түзөтүү мекемелеринин ички тартибинин эрежелери менен аныкталуучу башка адамдар менен жолугушууларга уруксат берилет).

Маалыматка ылайык, Садыр Жапаров учурда Бишкек шаарындагы №1-СИЗОдо кармалууда.

Эске салсак, Садыр Жапаров 2013-жылы 7-октябрда Каракол шаарында "Кумтөр" боюнча нааразычылык акциясындагы баш аламандыкты уюштурууга күнөөлөнүп, ушул жылдын 25-мартында кыргыз-казак чек арасынан кармалып, камакка алынган. Ал "бейбаштык", "бийлик өкүлүнө карата зордук-зомбулук көрсөтүү", "барымтага алуу" жана башка беренелер боюнча айыпталып, Бишкек шаарынын Биринчи Май райондук сотунун чечими менен 11 жыл 6 айга эркинен ажыратылган.

Автор: Акназар Сулайманкулов

13:03 14-09-2017

Жазылуу

Тектеш кабарлар:

Соттун алдында Жапаровдун тарапташтары нааразычылык акциясын уюштурду

Садыр Жапаровдун жубайы: "Садыр өзүн-өзү өлтүрө турган адам эмес"

Эмилбек Каптагаев: "Садыр Жапаров акталышы керек"

Садыр Жапаровду колдоо митингинде кармалгандардын сотунда фото, видео тартууга уруксат берилген жок

Шаардык сот Садыр Жапаровго чыккан өкүм боюнча апелляциялык арызды карап жатат

Жабырлануучу: "Барымтаны уюштурган адам эркин жүрөт, анын ордуна бейкүнөө Садыр Жапаров отурат"

Садыр Жапаровдун жубайы: "Баламдын абалы оор деп уктум, көрөйүн десем киргизбей жатышат"

Сот Садыр Жапаровдун тарапташы Айдынбек Шамшидин уулун үй камагына чыгаруу өтүнүчүн канааттандырган жок

Садыр Жапаровду камакта кармоо мөөнөтү узартылды

Бүгүн Жогорку Сотто Садыр Жапаровдун эки жактоочусу сөз сүйлөйт, андан соң чечим чыгары күтүлүүдө

РУБРИКАДАГЫ СОҢКУ КАБАРЛАР

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 32 0

20:42 2025-04-30 | Коом жана турмуш

Өлкөдө окуучулар 11 күнгө канукулга чыгат 91 0

20:01 2025-04-30 | Кылмыштар, кырсыктар

Таласта токтоп турган унааны айдай качкан киши кармалды 255 0

19:10 2025-04-30 | Саясат

"Украинадагы согушта атыңыз чыгып жатат". Элвира Сурабалдиева алдамчылардын жаңы ыкмасын айтты (видео) 1021 0

18:43 2025-04-30 | Бизнес-Инфо

Bakai Bank менен Кыргыз футбол союзу кызматташтык тууралуу келишимге кол коюшту 160 0

18:28 2025-04-30 | Коом жана турмуш

Ошто мыйзамсыз ташылып бара жаткан ташбакалар аныкталды 742 0

Архив

Комментарийлер (4)

rysik79

2017-09-14 13:16:43

Свиданка жок жаман эле да.

-1

Rifle_I

2017-09-14 13:21:31

Ушул саясий куугунтукка алынып , жалган жалаа менен соттолгондорду чыгара турган президент келсе экен.
Бакыт Төрөбаев депутаттардын санын азайтам дегени жакты. Ошону колдойт окшойм,өтпөсө да.

Begmat1992

2017-09-14 14:59:02

Rifle_I,бычакка сап боло турган талапкер жок

-1

dysha

2017-09-17 23:15:41

саруунун элин башаламандыка турткону учун камаганы туура, бирок свидание кылдырып коюшса болмок

Комментарий калтыруу үчүн өз ысымыңыз менен кириңиз же каттоодон өтүңүз.