Кожобек Рыспаев 386 миллион долларга Бишкек ЖЭБин жаңылоо келишими түзүлүп жатканда эмне үчүн каршы болгонун айтып берди

Жогорку Кеңештин депутаты Кожобек Рыспаев 386 миллион долларга Бишкек жылуулук электр борборун жаңылоо келишими түзүлүп жатканда эмне үчүн каршы болгонун SUPER.KG`ге айтып берди. Эл өкүлү ЖЭБди жаңылоо демилгесине эмес, кытайлык "ТВЕА" компаниясы менен келишим түзүүгө каршы болгонун айтты.

"Мен Бишкекте ЖЭБ курганга каршы болгон эмесмин. "ТВЕА" менен келишим түзүүгө каршы болгом. Анткени ал убакта техникалык-экономикалык негиздемеси, долбоору жок, менчик компанияны алып келип жатканына, бул эл аралык келишимге да жатпай турганын айтып, 386 миллионду алуу процедураларына каршы болгом. Аны азыр да айтып жатам. Бүгүн ЖЭБ курулуп бүткөнүнө карабастан, биз жалпы отчётторду талап кылып жатабыз", - деди Рыспаев.

Эл өкүлү техника-экономикалык негиздемеси жок, долбоору жок келишим кандай шартта Жогорку Кеңештен өткөнүн да жашырган жок.

"Ошол убакта бизге ЖЭБ керек болгон. Ошол ЖЭБ модернизацияланбаганда бүгүн тоңуп калмакпыз. Ал убакта баары суранып туруп калышты. Ошончо каражатты Кытай тарап берип жатат дегенден айла жок макул болдук. Бүгүн анын жообун мезгил талап кылып жатат. Биз ЖЭБге кетирилген каражат боюнча тийиштүү жоопторду алгандан кийин маалымат беребиз", - деп кошумчалады Рыспаев.

Белгилей кетсек, 386 миллион доллар кантип жумшалары Эсептөө палатасы 2015-жылы ЖЭБ карамагына кирген “Улуттук электр станциялары” ишканасына карата жүргүзгөн аудиттин жыйынтыгында айтылат. Анда жабдуулар үчүн 164 миллион 600 доллар, курулуш иштерине 66 миллион 700 миӊ доллар, монтаж иштерине 64 миллион 200 миӊ доллар жумшалары көрсөтүлгөн. Ал эми кызматкерлерди жана техникаларды жеткирүүгө 12 миллион 400 миӊ доллар коротулары көрсөтүлүп, бирок бул акчага конкреттүү эмне иштерге жасалары айтылган эмес. Бишкек ЖЭБин оӊдоого 4 жыл жумшалып, 2017-жылы августта жаӊыланган ишкананын расмий ачылышы болгон.

Автор: Мунарбек Жоргомов

18:19 30-01-2018

Жазылуу

Тектеш кабарлар:

"Улуттук энергетикалык холдинг": "Айбек Калиевдин эжелери, карындашы ага түз баш ийбейт"

Расул Умбеталиев, эксперт: "ЖЭБ боюнча комиссияда коррупцияга малынган депутаттар бар"

Депутат Бишкек жылуулук электр борборунда Кытай жарандарынын иштеп жатканы улуттук коопсуздукка коркунуч келтирет деп кабатырланды

Жантөрө Сатыбалдиев: "ЖЭБдеги кырсык боюнча күнөөм жок, далилдей алам"

Курманкул Зулушев: "ЖЭБди жаңылоого жумшалган каражаттар боюнча чекит коюшубуз керек"

Депутат ЖЭБ боюнча: "Кытай тарап 386 миллион доллар насыяны тез арада кайтарып берүүнү талап кылышы мүмкүн"

Бүгүн Жогорку Кеңеште Бишкек ЖЭБиндеги авария тууралуу маселе каралат

Жогорку Кеңеш ЖЭБдеги авария боюнча депутаттык комиссия түздү (курамы)

"Кызматтар иштеп жатат..." "ЖЭБди модернизациялоо боюнча айыпталгандардан мыйзамсыз мүлк табылдыбы?" деген суроого башкы прокурор так жооп бере алган жок

Бишкек ЖЭБинде парламенттик комитеттин көчмө жыйыны өттү

РУБРИКАДАГЫ СОҢКУ КАБАРЛАР

23:32 2025-06-16 | Кылмыштар, кырсыктар

Базар-Коргондо милицияга мэриянын кызматкери пара берип жатып кармалды 619 0

22:15 2025-06-16 | Түркүн дүйнө

Си Цзиньпин Астанага Казакстандын согуштук учактарынын коштоосунда келди 1684 0

21:37 2025-06-16 | Түркүн дүйнө

Алып баруучу түз эфирде отурган... Израил Ирандын мамлекеттик телеканалын жардырды (видео) 3923 0

20:58 2025-06-16 | Коом жана турмуш

"Кичинекей жерде 18 адам жашайт". Оштун мэри үйлөрү бузулгандарга түшүндүрүү иштерин жүргүздү (видео) 1453 0

20:35 2025-06-16 | Саясат

Садыр Жапаров Астанага “Борбор Азия – Кытай” экинчи саммитине катышууга барат 545 0

20:22 2025-06-16 | Саясат

Садыр Жапаров Германиянын Кыргызстандагы элчисин кабыл алды 429 0

Архив

Комментарийлер (4)

Jelezo

2018-01-30 19:02:18

Атанар хан сарай салып алса кантип чукуйсунар уят жоо кеткенден кийин кылычынды ташка чап

Jelezo

2018-01-30 19:04:58

С.Жээнбковдон коп умут бар эле бирок колхоздун раиси да эмдигиче жаны команда тузуп козго корунорлук бир иш жасамак .Жасаганы Атамбаевге баатыр наамын ыйгарганы болду

Ruslan_d

2018-01-30 19:15:57

Мадумаровтун айткандары туура экен булар оз башы менен иштебейт Аша айтканын кылып журо берген. Эми сокенин айтканынан чыкпайт койлор

Omurbek998

2018-01-30 19:16:01

Тецти ондобойле банкта жатат акчалар

Комментарий калтыруу үчүн өз ысымыңыз менен кириңиз же каттоодон өтүңүз.