Депутат ЖЭБди жаңылаган "ТВЕА" компаниясы менен эмне үчүн тендерсиз, шашылыш чечим кабыл алынганын айтып берди

Мурдагы энергетика жана өнөр жай министри, Жогорку Кеңештин депутаты Осмонбек Артыкбаев Бишкек жылуулук электр борборун жаңылоого бөлүнгөн 386 миллион доллар насыя эмне себептен тендерсиз, шашылыш чечим кабыл алынганын SUPER.KG порталына айтып берди.

"Кыргыз мамлекети эгемендүүлүк алгандан бери Бишкек ЖЭБ жаңыланбай, оор абалда турган. Ошол учурда ЖЭБди жаңылоо боюнча өкмөт "Электр станциялар" ачык акционердик коомуна тапшырма берген. Анын негизинде компаниялар менен сүйлөшүүлөр башталган. Буга көп компаниялар кызыкдар болуп келишкен. Бирок алар накталай акча сурашкан. Ал эми "Электр станциялар" ишканасында акча жок болчу. Анткени бул ишкана өзү чыгым менен иштеп турган. Ошондо өкмөт ЖЭБде азыркыдан да жаман авария болуп кетпесин деп, насыясы менен компания тапкыла деген тапшырма койгон. "Электр станциялар" ишканасы 2-3 компания менен сүйлөшүп, "ТВЕА'га" токтолгон. Андан кийин сүйлөшүүлөр башталып, техникалык параметрлер айтылган.

Башында "ТВЕА" 396 миллион доллар сунуш кылган. Андан соң өкмөт мекемелер аралык комиссия түзүп, баасын 386 миллион долларга түшүргөн. Ошол убакта Кытай башчысы Кыргыз өлкөсүндө өтүп жаткан Шанхай кызматташтык уюмунун жыйынына келмек болуп, бул долбоорду шашылыш бүтүрүү зарыл болгон. Анткени бул ШКУнун алкагындагы насыяга кириш керек болчу. Мына ушул себептер менен долбоор тендерсиз, шашылыш кабыл алынган", - деди Артыкбаев.

Белгилей кетсек, 386 миллион доллар кантип жумшалары Эсептөө палатасы 2015-жылы ЖЭБ карамагына кирген “Улуттук электр станциялары” ишканасына карата жүргүзгөн аудиттин жыйынтыгында айтылат. Анда жабдуулар үчүн 164 миллион 600 доллар, курулуш иштерине 66 миллион 700 миӊ доллар, монтаж иштерине 64 миллион 200 миӊ доллар жумшалары көрсөтүлгөн. Ал эми кызматкерлерди жана техникаларды жеткирүүгө 12 миллион 400 миӊ доллар коротулары көрсөтүлүп, бирок бул акчага конкреттүү эмне иштер жасалары айтылган эмес. Бишкек ЖЭБин оӊдоого 4 жыл жумшалып, 2017-жылы августта жаӊыланган ишкананын расмий ачылышы болгон.

Автор: Мунарбек Жоргомов

16:49 02-02-2018

Жазылуу

Тектеш кабарлар:

386 миллион долларга ЖЭБди жаңылоо боюнча жети адамдан турган жумушчу топтун эки мүчөсү ата-бала болушкан

УКМКнын өкүлү Бишкек ЖЭБдеги авариядан келип чыккан чыгымдын суммасын айтты

Улуттук энергетикалык холдинг: "ЖЭБдеги камералардын баасы 14,5 миң доллар эмес, 300 доллар. Аларды орнотууга 1 миллион доллардан ашуун каражат кеткен"

ЖЭБ боюнча депутаттык комиссия жыйынга чогулат

Айбек Калиев "600 долларлык кычкач" тууралуу түшүндүрмө берди

"ТВЕА" Калыс-Ордо конушундагы курган мектепке 2 миллион доллар жетпей, Бишкек мэриясы 104 миллион сом бөлүп берген" дейт Өмүрканов

Шыкмаматов: "ЖЭБге алынган акчанын 100 миллион долларын энергомафиянын 3 өкүлү жеп кеткен"

"ЖЭБдеги өндүрүштүк кырсык боюнча Осмонбек Артыкбаев жооп бериши керек" дейт Нурбек Токтакунов

Бишкек ЖЭБди жаңылоодо вулканизатор 9 миң 500 долларга алынган

Депутат: "Бишкек ЖЭБинин жетекчиси кырсык кайталанбайт деп кепилдик бере алган жок"

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2781 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 329 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1521 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 3266 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1435 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1359 0

Архив

Комментарийлер (3)

grace

2018-02-02 17:22:42

Ууру тойгончо жеп өлгөнчө актанат. Жемкорлор, актанып баштадыңарбы?

arena2014

2018-02-02 18:08:21

Жеп буткондор эми депутаттарга бир нерсе деп койгула деп атат окшойт чагымда)

jbolotov

2018-02-02 19:28:16

ТBEA ТЭЦ куруу боюнча тажрыйбасы жок башка тармакта иштеп жургон экен, анысына эмне шылтоо айтат эми? ГЭСти куруп берем деп айнек идиштерди чыгарган Лиглаас деген цехтин башчысындай ТВЕА да аферистер окшойт. Тендери жок берилгени учун жоопкерчиликти созсуз тийиштуулору алыш керек.

Комментарий калтыруу үчүн өз ысымыңыз менен кириңиз же каттоодон өтүңүз.