Түштүк Кореядагы кыргыз күйөрманы Нурсултан Алтыбаев Кыргыз-Мьянма беттешиндеги сезимдерин бөлүштү

Бүгүн, 22-мартта Түштүк Кореянын Инчон шаарында өткөн футбол боюнча Кыргыз улуттук курама командасы Азия Кубогунун тандап алуу оюндарынын алкагында Мьянма курамасын жеңип алды. Бул жеңиш менен Кыргыз футболчулар 2019-жылы Бириккен Араб Эмираттарында өтө турган Азия Кубогунун финалдык этабына жолдомо камсыздай алды.

Кыргыз курама командасына колдоо көрсөтүш үчүн жолдун узактыгына карабай Сеул шаарынан Инчон шаарына келген Нурсултан Алтыбаев Кыргыз-Мьянма беттеши жана оюн учурундагы сезимдери тууралуу SUPER.KG порталына айтып берди.

Нурсултан Алтыбаев менен күйөрмандар жана Кыргыз курама командасынын оюнчусу Даниэль Тэго

"Мен Сеул шаарында жашайм. Инчон бизден 1 сааттан ашык алыстыкта жайгашкан. Активдүү студент катары башка студенттер менен чогулуп, Сеулдан жана башка шаарлардан Кыргыз футболчуларын колдоо үчүн бардык. Чынын айтсам мен футбол ойнобой же кызыкпай калганыма быйыл туура 5 жыл болуптур. 5 жылдын аралыгында волейболго кызыгып ойноп жүрөм. Бирок бүгүнкү күн башкача болду. Тамагыбыз бүтүп, үнүбүз чыкпай калганча кыйкыруу менен бирге футболго болгон сүйүү сезимдер ойгонгондой болду. Же бул өз улутуңдун намысыбы билбейм.

Түштүк Кореядагы Кыргыз Республикасынын элчиси Кылычбек Султан күйөрмандардын сап башында туруп, жарандардын чогулушуна жана стадионго барып колдоо көрсөтүшүнө чоң салым кошту. Элчи өзү баш болуп Кыргыз курамына колдоо көрсөтүп жүрсө, биз болгон дилибиз менен жан үрөп колдобой эмне кылмак элек? "Алга, Кыргыз! Алга, Ак Шумкар!" деген ураандарды көп айтып жаттык. Аз болсок дагы саз колдоо көрсөттүк. Бир дем, бир күч менен Кыргыз футболчуларды колдоп жаттык. Биздин колдоо командага жеңиш алып келсе, алардын жеңиши бизге аябай чоң кубаныч тартуулады. Чынында мыкты даярданышып, мыкты оюн көрсөтүштү.

Кыргыз курамасынын күйөрмандары, алардын арасында Кореядагы Кыргыз Республикасынын элчиси Кылычбек Султан.

Кыргыздар Кореяда Мьянманын жарандарына салыштырмалуу кыйла эле азбыз. Бүгүн дагы стадионго аз бардык. Бирок биздин колдоо бизден төрт эсе көп келген мьянмалыктардыкынан дагы күчтүү болду. Алардын командасы жеңилсе дагы, беттеш аяктаган соң бизге куттуктоо сөздөрүн айтканга жарашты. Жеңилүү ызасын татыктуу кабыл алышты.

Мамлекетибизде футбол өнүгүп жатканы, команданын аракети биздин жүрөгүбүздү жылытпай койбойт. Оюн бүткөн соң ар бир оюнчу менен жолугууга мүмкүнчүлүк алдык. Бири-бирибизге куттуктоолорду, ыраазычылык билдирип кайтып келдик", - дейт Нурсултан Алтыбаев.

Айта кетсек, футбол боюнча Кыргыз курама командасы 5 оюндун жыйынтыгында "А" тайпасында 10 упай менен 2-орунда жайгашса, Мьянма 5 упай менен 3-орунда жайгашты. Ал эми 1-орунда 13 упайга ээ болгон Индия курамасы жайгашса, 4-орунда упайсыз Макао жайгашкан.

Автор: Нурсултан Нурболот уулу

20:44 22-03-2018

Жазылуу

Тектеш кабарлар:

Азамат Байматов: "Футбол аянты жакшы болсо, сентябрда Мьянма менен болчу беттеште жакшы оюн көрсөтөбүз "

Азия Кубогу: Кыргыз курамасын утуп алган БАЭ курамы жарым финалда ири эсепте жеңилди

Футбол боюнча Кыргыз-Индия беттешин арабиялык калыстар тейлейт

Азия Кубогунда тарыхый гол киргизген кыргыз футболчу Өзбекстандын футбол клубуна өттү

Александр Крестинин: "Биз чоң жумушту аткардык. Ушундай жол менен алдыга умтулушубуз керек"

Бириккен Араб Эмираттарында футбол боюнча Кыргыз улуттук курама командасы алгачкы машыгуусун өткөрдү

Филиппин дарбазасына 3 гол киргизип, күндүн каарманына айланган Виталий Люкс (өмүр баяны)

Азамат Байматов 2019-жылкы Азия Кубогуна катышпайт

Бүгүн Бириккен Араб Эмираттарында футбол боюнча Азия Кубогу старт алат

Азия Кубогу: БАЭ-Кыргыз беттешинде калыстык милдетти кытайлык адистер аткарат

РУБРИКАДАГЫ СОҢКУ КАБАРЛАР

12:29 2025-05-01 | Спорт

Атактуу мушкер Ислам Махачев кыргыз балбандарына сый көрсөттү (видео) 303 0

12:12 2025-05-01 | Супер-Инфо

Калысбек Айтбаев, ырчы: «Автордук ырларым убагы келгенде бааланат» 59 0

12:02 2025-05-01 | Түркүн дүйнө

АКШ менен Украина жаратылыш ресурстары боюнча келишимге кол коюшту 294 0

11:38 2025-05-01 | Коом жана турмуш

Жеңишбек Токторбаев Оштогу мечитте намаз окуп, мечит башка жакка жылдырылмай болду (фото) 727 0

11:19 2025-05-01 | Коом жана турмуш

АКШ өлкөдө мыйзамсыз жүргөн кыргызстандык мигранттарды депортациялады 704 0

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 718 0

Архив

Комментарийлер (5)

Mamiev

2018-03-22 21:57:45

Кылычбек мырза аябай жакшы иштейт да.Рахмат сизге колдоо корсотконунуз учун.Келечекте сиздин президент болушунузду кутом.Футболчулар азаматсынар ийгиликтер боло берсин

jaka92

2018-03-22 23:54:54

Ушул элчинин иштегени аябай жагат. Башка бир элчинин ушундай иштегенин уга элекмин. Буюрса дагы коп ийгиликтерди каалайм. Сыйлайм

rysik79

2018-03-23 00:06:43

Бул тарых, кимдин ким экени биринчи. Землянухинден мьянма спорт менен намысты талашпай эле койсун.

tatynam_88

2018-03-23 01:41:43

rysik79,жардыныз го

-1

stepboy

2018-03-23 07:18:36

rysik79,ха ха ха ха эми бул прикол болот го

-1

Комментарий калтыруу үчүн өз ысымыңыз менен кириңиз же каттоодон өтүңүз.