Камакта отурган депутаттын агасы: "Парламентте чындыкты айткан депутаттар аз"

Талантбек Исаев

Жогорку Кеңештин депутаттары соттолгон саясатчылардын жакындары, жактоочулары жана сот тарабынан айыпка жыгылган журналисттер менен жолугушуп, алардын үнүн угуп жатышат.

Жолугушууга депутаттар: Каныбек Иманалиев, Жанар Акаев, Алтынай Өмүрбекова, Алтынбек Жунус Уулу, Мирлан Бакиров катышууда. Учурда жолугушууга келгендер депутаттарга камактагы саясатчыларга карата соттук чечимдер саясий буйруктун негизинде мыйзамсыз кабыл алынганын, сотторго саясий буйрук берүүнү токтотуу керектигин сунушташууда.

Абакта жаткан мурдагы депутат Канат Исаевдин агасы Талантбек Исаев аларды кабыл алган депутаттарга ыраазычылык билдирди.

"Парламентте чындыкты айткан депутаттар аз. Сиздер коркпой туруп, бизди кабыл алып жатканыңар үчүн ыраазыбыз. Менин иним Канат Исаев да сот системинде болгон кемчиликтерди айтып чыгып, анын кесепетинен кысымга кабыла баштаган. Акыйкаттык Ак Үйдүн 7-кабатынан башталат. 7-кабаттагылар сот ишине кийлигишүүнү токтотуусу керек. Сот далилдерге гана таянуусу зарыл. Менин иним далили жок 12 жылга камакка алынды", - деди Талантбек Исаев.

Айта кетсек, Бишкек шаарынын Биринчи Май райондук соту ушул жылдын 4-январында Канат Исаевди 2008-2010-жылдар аралыгында Токмок шаарынын мэри кызматын аркалап турганда "пара алууга жол берген жана кызмат абалынан пайдаланган" деп 12 жылга эркинен ажыраткан. Ошондой эле мүлкүн конфискациялоо менен бирге жазасын өтөгөн соң 3 жылга чейин мамлекеттик кызматтарда иштөөгө тыюу салган.

Автор: Жамалидин Парманкулов

13:01 11-04-2018

Жазылуу

РУБРИКАДАГЫ СОҢКУ КАБАРЛАР

20:44 2025-06-29 | Түркүн дүйнө

Белградда миңдеген адам митингге чыгып, мөөнөтүнөн мурда шайлоо өткөрүүнү талап кылышууда (видео) 1309 0

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1689 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 1251 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 1260 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 743 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 670 0

Архив

Комментарийлер (2)

zhaku2017

2018-04-11 13:11:09

Айткандын оозу жаман, ыйлагандын козу жаман болуп, акча суйлоп турган жерде, чындык унчукпай турат.

altyn7776

2018-04-11 13:16:17

эми онолоорбуз.. АШАнын доору бутуп, кесепеттеринин баары озу менен кошо кетсе экен ылайым！ Чындыкты суйлогондордун баарын соттоп камап, же анысы аныкталбай аябай саясаттын акмагын чыгарды. АШАнын иши каша деп бекер айтылбайт экен элибизде

Комментарий калтыруу үчүн өз ысымыңыз менен кириңиз же каттоодон өтүңүз.