Менин жерим: Бул дүйнөгө келбепсиз, Маргун айылынын килемдерин көрбөпсүз!

SUPER.KG порталы сиздин айылыңыз тууралуу кызыктуу баяндаманы чагылдырууга даяр. Сиз жашаган айылда же шаарда кооз жаратылыш, тарыхый баалуу жай, өнөрлүү адамдар барбы? Балким, эл уга элек, көрө элек көп кызыктар сиздин айылыңызда бар чыгар. Аны бардык окурмандарга бөлүшүүнү, жумурай журтка жарыялоону сунуш кылабыз.

"Менин жерим" рубрикасынын алгачкысы Баткен облусундагы Лейлек районунун Маргун айылы жөнүндө болот. Аталган айыл килемдин мекени катары даңкталат.

Айылындагы бул уз-чеберчилик тууралуу жергиликтүү тургун Роза Базарбаева айтып берди.

- Биздин айыл Баткен шаарынан 245 чакырым алыстыкта Лейлек районунда жайгашкан. Айылда 700дөй кожолук, 2 миң 500дөн ашык тургун жашайт. Менин айылымда көпчүлүк килем согуу менен тиричилик өткөрүшөт. Ошондуктан Маргун айылын килемдин мекени деп аташат. Килем согуу - айылыбызда муундан муунга өтүп келе жаткан өнөр. Айылдагы кыздар 12-13 жашынан тартып чоң энелерден килем согууну үйрөнүп өсөт. Башка жактан келген келиндер да бул өнөрдү өздөштүрүп алышат.

- Биздин килемдердин баалуулугу эч качан сапатын жоготпогонунда. Айрым үй-бүлөлөрдө 100 жылдан бери сакталып келе жаткан килемдер бар. Жадакалса, алардын өңү да өзгөргөн эмес. Мына, бул килемге 45 жыл болду.

- 2005-жылдан бери Бишкекте жана Чолпон-Ата шаарында "Оймо" фестивалы өткөрүлүп турат. Маргунда токулган килемдер фестивалдын көркүн ачып, аны Америкага, Орусияга, Японияга алып кетишет. Мындан тышкары 2006-жылдан бери жыл сайын Бишкек шаарындагы Тарых музейинде "Лейлек килеми" көргөзмөсү өткөрүлүүдө. Айылдаштарыбыз ага да катышып турушат.

- Килем согууга койдун жүнү колдонулуп, ал тазаланып, жыты кеткиче жуулат. 1 килем 1 жумада, кээде 15 күндө даяр болуп, сатыкка чыгат. Ага түстү да өзүбүз берип, оюуларын түшүрөбүз. Мунун баары килем согуучунун тажрыйбасынан, фантазиясынан көз каранды.

Килемдер 25 миң сомдон 40 миң сомго чейин, кээде андан да жогору баага көлөмүнө жараша сатылат. Килемдерден тышкары унааларга салына турган чакан килемчелерди, кыздарга сеп жасагандар да бар.

Айыл тууралуу айта турган болсом, 1 мектеп, 1 бала бакча, маданият үйү, токой чарбасы бар. Айылыбыз тынч, жашоочулар ынтымактуу.

Урматтуу окурман, сиз да айылыңыз тууралуу сыймыктанып айтып бергиңиз келеби? Анда SUPER.KG порталына, +996 557 473 939 номерине WhatsApp аркылуу маалымат, сүрөт, видео жөнөтүңүз.

Ар бир айыл атак-даңкка татыктуу!

“Менин жерим": Килемдер менен атагы чыккан Маргун айылы

Автор: Кызжибек Раимова

09:00 11-05-2018

Жазылуу

Тектеш кабарлар:

Менин жерим: Ажайып тоосу жашыл төр, Нарындын көркү Салкын-Төр! Жаратылыш паркына келип мээ сергитип кетиңиз

Менин жерим: Жылкы дээрлик багылбаган, дары суулары бар Кайыңды айылы тууралуу баян (видео)

Менин жерим: Ленинград блокадасынан келген 150 баланы асырап алган апа жашап өткөн, асыл тукум кой, уй багып киреше тапкан Түптүн Күрмөнтү айылы

Менин жерим: Бугу, марал багылган Нарындын айтылуу Таш-Башат айылы тууралуу баян

Менин жерим: Шоколад жыттанган гүл, коон-дарбыз өскөн, хандын "алтыны" сакталган Нарындын Өрнөк айылы жөнүндө баян

Менин жерим: "Жүрөк дегдеп Кош-Дөбөмө кайтканда, Тосуп алат Ак-Текемдин карааны". Ак-Талаанын Кош-Дөбө айылы тууралуу баян

Менин жерим: Тамшанткан "таза" балы менен атагы чыккан айтылуу Токтогулдун Бел-Алды айылы тууралуу баян

Менин жерим: Эки суунун ортосунда жайгашкан айтылуу Эки-Нарын айылы тууралуу баян

Менин жерим: Жыл сайын тонналаган алмалары чет өлкөгө экспорттолгон Ноокаттын Көк-Жар айылы

Менин жерим: "Нарындын чүйү" аталган, касиеттүү Кара-Суусу менен даңкталган Куланак айылы

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 478 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 481 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3402 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 709 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1611 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 442 0

Архив

Комментарийлер (15)

ashamkan

2018-05-09 13:24:06

Сонун килемдер соз жок.....

+17

Kg.paren

2018-05-09 13:32:43

биздин айылга соз жокта

+11

salimbek87.kg

2018-05-09 14:00:01

Өнөрүңүздөр өркүндөй берсин маргунүк туугандар буйруса менда жакын арада айылым тууралы жөнөтөм .биздин айыл кызыктуу жер жана кол өнөрчүлөр бар.

+10

jai

2018-05-09 16:07:01

Ыньымактуу айылынар бар экен,колунарга береке!
Кыргыз элин дуйного тааныта бергиле!

Nevestkaa

2018-05-09 20:45:01

Супер инфо ушундай макаланы көптөн бери күткөнмүн и бир нече жолу сунуштаганмын силерге.Эч болбосо да кеч чыкканына кубанычтамын.Айылдагы кары картаңдардан,келин кесектердин да ойлорун интервьюларын жазсаңар.ФАП,мектеп жана ошондой эле мамлекеттик жана мам.к эмес мекемелер жетишккндиктер кемчиликтер жөнүндө да жазып гезитиңердин бир бетин айылга арнасаңар.Бекеринен айтылбайт "Ааламга кеткен жол айылдан башталат"деп.Менин айылымы дагы күтөм .Биздин айыл,Менин айылым,Айылдагы жашоо ж.б.у

+16

Janna07

2018-05-09 21:37:19

Чыныгы кол эмгек

aibars

2018-05-10 00:09:03

Ааламга жол айылдан башталат, 12-13 жашында чон энелердин насаатын осуп чонойгон кыздар, келечекте таза кандуу тарбиялуу уул кыздарга мыкты эне, жолдошуна татыктуу аял болушат. Эн улгулуу айыл экен. Ошол жакка барып жашагым келип кетти кандай соонун айыл элдери дагы ынтымактуу.

+11

BarsBaatyr

2018-05-10 10:17:54

Колуңарга береке!!!

aerforce

2018-05-10 10:49:21

Азаматсыңар чынында сонун килемдер экен колуңарга береке бирок айлыңардын атын кыргызчага которгула эртең анан жер эле деп таджиктер талашат чынында коп айыл шаарчалардын аты тадикче экен даргаз дархум

mira.turdueva1991

2018-05-10 17:32:02

Азаматсын Роза аябай соонун баяндап берипсин! Чындыгында мактанаарлык,сыймыктана турган жерибиз бар,элибиз бар! Маргун айылы жонундо канчалык мактап жазсакда аздык кылат.

anandi

2018-05-11 01:10:45

Ат-Башы районундагы Баш-Кайыңды айылына баргыла кызыктар бар сопсуз менин айылым

-1

aszyma

2018-05-11 08:53:40

anandi,сен озун барып тартып баяндап супер кжге жонотосун тууганым

Baku88

2018-05-11 10:12:58

Бул дүйнөгө келгенбиз маргун айылынын килемдерин көргөнбүз

raykray

2018-05-11 20:21:38

Соонунго

Sarinakg

2018-05-11 23:51:54

Канча гилем сокконум эсимде жок коп соктум

Комментарий калтыруу үчүн өз ысымыңыз менен кириңиз же каттоодон өтүңүз.