Менин жерим: Аты кеткен далайга, куш келипсиз Алайга! Дары сууларга келип, шыпаа таап кетиңиз

SUPER.KG порталы сиздин айылыңыз тууралуу кызыктуу баяндаманы чагылдырууга даяр. Сиз жашаган айылда же шаарда кооз жаратылыш, тарыхый баалуу жай, өнөрлүү адамдар барбы? Балким, эл уга элек, көрө элек көп кызыктар сиздин айылыңызда бар чыгар. Аны бардык окурмандарга бөлүшүүнү, жумурай журтка жарыялоону сунуш кылабыз.

"Менин жерим" рубрикасынын кезектеги чыгарылышында Ош облусундагы Алай районунун Жошолу айылы жөнүндө сөз болот. Аталган айыл кооз жаратылышы жана дары cуулары менен даңкталып келет.

Айыл тууралуу бизге Орусиянын Тыва жергесинде жашаган Уулкан Капарова айтып берди. Ал айылынан акыркы 7-8 жылдан бери алыста жүргөндүктөн, айылын бир чети сагыныч, бир чети сыймык менен баяндап бергиси келгенин айтат.

- Ош облусуна караштуу Алай районунун Жошолу айыл өкмөтү жети айылдан турат. Айылда үч жарым миң түтүн жашайт. Айылдын өзгөчөлүгү анын табиятынын кооздугунда. Ак кайыңдар көп өскөндүктөн, жазуучу Чыңгыз Айтматовдун "Кыямат" романынын негизинде тартылган "Акбаранын көз жашы" фильми аталган айылда тартылган.
Айылга Кыргыз жеринин жети дубанынан жана башка мамлекеттерден коноктор көп келет. Кыз-келиндер ар кандай буюм тайымдарды жасоо менен бирге чет элден келген туристтерге сатуу менен алектенишет. Айылдын дагы бир касиети - дары суулары. Дардаң-Көл, Айгыр-Булак, Мазар-Көл деген дары суулар бар. Аларга ар кандай оорулар менен келген адамдар шыпаа таап, ырымдап дарыланышат.

Жошолу айылынын тоолору бийик жана карагайларга бай. Андыктан бул жакка келген коноктор жаратылышка суктанып бүтүшпөйт.

"Менин айылымда асфальтталган жол, бөтөн көздөн сактаган чеби, кечкисин жарыгы, күндүзү атайын кайтарган кароолуу жок. Бирок коктунун ичине 8 миң адамды батырган айылымда көк шибер талаасы, топуракта тапталган көчөсү, жаштардын жаңырган ыры, айдын тийген жарыгы бар. Айылдын берекеси тоолордо, чаң учурган шамалда жана барга да, жокко да топук кылган элинде. Сенден бир канча алыс болсом дагы сенин таза абаң, көк кашка сууң мени жакшылыктарга, кайрылып сенин кучагыңда болууга үмүт берип келет", - деген алыста жүргөн Уулкан Капарова айылына болгон сагынычын арнап алды.

Айылдын тургундары дыйканчылык жана мал чарбачылыгы менен алектенишет. Айылда 5 мектеп, 2 ФАП, 3 спорт зал, 1 маданият үйү жана 3 бала бакча бар. Айылдын эли сабырдуу жана жөнөкөй.

Урматтуу окурман, сиз да айылыңыз тууралуу сыймыктанып айтып бергиңиз келеби? Анда SUPER.KG порталына +996 557 473 939 номерине WhatsApp аркылуу маалымат, сүрөт, видео жөнөтүңүз.

Ар бир айыл атак-даңкка татыктуу!

“Менин жерим": Аты кеткен далайга, куш келипсиз Алайга!

Автор: Айсалкын Качкынбекова

23:57 16-05-2018

Жазылуу

Тектеш кабарлар:

Менин жерим: Мамлекеттик ишмер Медет датка жердеген Кочкордун айтылуу Ак-Талаа айылы тууралуу баян

Менин жерим: "Айыл санжырачынын ысымын алып жүрөт". Чүйдүн Бала айылчы айылына саякат (сүрөт, видео)

Менин жерим: Суусу тунук, абасы таза айтылуу Токтогулдун Кызыл-Ураан айылы тууралуу баян

Менин жерим: Жамал Сейдакматова жарык дүйнөгө келген, Кайрат Иманалиев атындагы китепканасы бар, карагат, картошканы чет өлкөгө экспорт кылган Ысык-Көлдүн Кашат айылы

Менин жерим: "Суу алдында калган айыл". Токтогулдун айтылуу Кара-Жыгач айылы тууралуу баян кылабыз

Менин жерим: Буурчак өспөгөн, ак кайыңдын суусун ичүү үчүн алыстан дагы эл келген Таластын Көпүрө-Базар айылы тууралуу баян кылабыз

Менин жерим: Шамалдуу шаар аталып, тогуз жолдун тоомунда жайгашкан Ысык-Көлдүн Балыкчы шаары тууралуу баян

Менин жерим: Айгүл гүлү гүлдөгөн алыскы Кара-Булак айылы тууралуу баян

Менин жерим: Төө багып, сүттөп куюлган чайды сүйүп ичкендер жашаган Орто-Саз айылы

Менин жерим: Жылкы дээрлик багылбаган, дары суулары бар Кайыңды айылы тууралуу баян (видео)

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 478 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 481 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3402 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 709 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1611 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 442 0

Архив

Комментарийлер (17)

azia9393

2018-05-15 09:52:46

Алайым... Сагындым...

aralbek

2018-05-16 10:25:24

azia9393эн башкысы таза кыргызча суйлошот экен анан жанагы кара-суу районунда создорунун жартысы эле озбекче экен го,

Azat.97

2018-05-15 10:43:41

Чындыгында кооз айыл экен.Куйоо бала болуп алсамбы?Негизи эле Кыргызстанымдын 7 областы тен керемет.

+10

Samina007

2018-05-15 10:59:41

Azat.97,күйөө бала болгуң келсе жошолунун баш жагынан үйлөнбө.Кырнайза деген жеринен өтүшүң кыйын.Ал жердин жашоочулары тее союз мезгилинен бери бөтөн элге кыз беришин жактыра бербейт

Blackmoon

2018-05-15 14:43:01

Azat.97,эч кыжаалат болбой Жошолунун баш жагына күйөө бала боло бер. Жошолунун эң кооз жери ошол жакта. Көрө албагандар жаза беришет.

Samina007

2018-05-15 11:02:05

Эки жеңелүү болгом,чоңу кара токту айылынан экинчиси коммунизмден.

uran98

2018-05-16 11:35:50

Samina007,Кара токтудан болом мен аты ким жеңеңиздин

bond02

2018-05-15 11:03:25

чындап эле озгочо айыл экен чопту жигулиге жуктоп алган.

mega777

2018-05-15 12:16:39

Жошолу айылы чындап кооз жер.Окуучулар учун лагерь бар болчу.Ошол лагердин акыркы доорлоруна илешип калганбыз.

ozgeldi

2018-05-15 14:41:20

Жаны-Турмуштан болом Ошол Базарбайды учура аткан жердеги уй дагы деле бар

aika2015

2018-05-16 00:22:34

Алайдын кыздары тын болот,балдары балбан болот.

Djal1987

2018-05-16 03:00:51

Алай деген создун озу эле авторитет. Алайдын эли жакшы сапаттары менен айрымаланып турушат башкалардан. Берээрге ашын таппай жол журуп бараткан машинелер бузулуп калса жургунчулоруно тамак беришет очередтешип.Таштап коюшпайт. Ичинде кирлери жок берешен, чыныгы кыргыздар болушат. Кыздары да уй турмушуна жумушуна тын болушат. Айран кымыз сут эт каймак сары май чучук таза суу булактары коп болот. Эшиктен келген конокко чын дилинен жакшы мамиле кылышат. Хитрый калк эмес.ак конулдор.

Jyluusuu1991

2018-05-16 08:12:57

Чындыгында Жошолу абдан кооз айыл. Алдагы суроттордун арасында биздин Жылуусуу айылынын жайлосунун суротторун кошуп койуптур

amirrus

2018-05-16 08:58:32

Алайга барсан кой соет
Колунда жилик койкоет

uran98

2018-05-16 11:37:39

Ох менин бала чагым ушул жерде өттү Жошолунун так ортосунан
Кооз жерлер көп админ рахмат

Samina007

2018-05-16 19:34:09

Ааламга жол Алайдан башталат :)

meku89

2018-05-17 00:16:25

Мен коруп билген Алайлыктар ото жонокой, кыргыз тилинде да так суйлогон элдер. Озбекче кошкон сенямдары жок. Бар болгула урматтуу Алай эли. Жеринер да ото кооз экен. Буюрса барып коробуз деген ниеттебиз.

Комментарий калтыруу үчүн өз ысымыңыз менен кириңиз же каттоодон өтүңүз.