Райондук сот Сапар Исаковду камакта калтырууну эки айга узартты

Бишкектин Биринчи Май райондук соту мурдагы өкмөт башчы Сапар Исаковду камакта калтыруу мөөнөтүн эки айга узартты. Мындай чечимди ишти караган сот Айбек Эрнис уулу кабыл алды.

Сапар Исаковдун жактоочуларынын бири Замир Жоошовдун айтымында, соттун чечимине ылайык, Исаков 5-октябрга чейин УКМКнын тергөө абагында болот. Ал эми тергөө иши 13-октябрга чейин узартылганын кошумчалады.

Эскерте кетсек, 26-апрелде Сапар Исаков Бишкек ЖЭБи боюнча козголгон кылмыш ишинин негизинде күбө катары УКМКда сурак берген. "Бишкек ЖЭБи боюнча менин күнөөм бар деген сөздөр чындыкка дал келбейт" деп билдирген. 14-майда Сапар Исаков экинчи жолу суракка барган. Анда УКМКга кирип баратып "саясий куугунтук болуп жатат" деп айткан.

29-май күнү Исаковго "коррупция" беренеси менен айып тагылган. 5-июнда Сапар Исаков УКМКга бешинчи ирет суракка чакырылып, ошол күнү соттун чечими менен тергөө абагына камакка алынган.

Ал эми 13-июнда Бишкек шаардык соту мурдагы өкмөт башчы Сапар Исаковдун ишин карап, аны 2 айга камакта калтырган. 24-июлда Жогорку Сот шаардык соттун камакта калтыруу чечимин күчүндө калтырган.

Айта кетсек, 26-январда Бишкек ЖЭБинде өндүрүштүк кырсык болуп, шаардагы үйлөргө берилген жылуулук 7 күнгө төмөндөгөн. Мындан улам бир жыл мурун Кытайдан алынган 386 миллион доллар менен жаңыланган ЖЭБге карата сын-пикирлер күчөгөн. Бул факты боюнча кылмыш иштери козголуп, тергөөнүн жүрүшүндө бир топ жооптуу кызматкерлер кармалган.

Сот Сапар Исаковду камакта калтырууну эки айга узартты

Автор: Жамалидин Парманкулов
Фото: Жамалидин Парманкулов

07:30 01-08-2018

Жазылуу

Тектеш кабарлар:

Сапар Исаков: "Камаламынбы же камалбаймынбы, аны тергөө чечет"

Сапар Исаков УКМКга суракка чакырылды (фото)

Сапар Исаков: "Менин соттук ишимди Сооронбай Жээнбеков өзү көзөмөлдөп жатат"

КСДП Исаков, Кулматов, Артыкбаевдин камалышы боюнча билдирүү даярдап жатат

УКМК: "Сапар Исаков тергөөчүлөрдүн суроолоруна гана жооп берди. Эч кандай тыюу салуучу чаралар болгон жок"

Карамушкина: "Сапар Исаков, Кубанычбек Кулматов, Осмонбек Артыкбаев менен жолугуп келдик. Алар мыйзам бузган болсо жооп берүүгө даяр экендигин айтып жатышат"

Райондук соттун Сапар Исаковду 5-январга чейин камакта калтыруу чечимин шаардык сот колдоду

Сапар Исаковдун адвокаттары Нурсулуу Ахметованы суракка чакырууну өтүнүштү

Сапар Исаковдун апасы: "Биз балабызды эч кимдин акысын жебе деп тарбиялаганбыз"

Сапар Исаковдун УКМКда сурак берип жатканына 4 сааттан ашты

РУБРИКАДАГЫ СОҢКУ КАБАРЛАР

14:54 2025-05-02 | Спорт

Денис Петрашов АКШда өткөн мелдеште алтын медаль утуп, Кыргызстандын рекордун жаңылады 30 0

14:30 2025-05-02 | Коом жана турмуш

Кыргызстандык окуучулар Балкан математика олимпиадасында 5 медалга ээ болушту 117 0

13:58 2025-05-02 | Коом жана турмуш

Көк өрүктүн базарда каптарга салынып сатылып жаткан видеосу тарады (видео) 607 1

13:21 2025-05-02 | Түркүн дүйнө

Май айында беш күн магниттик бороон болору айтылды 545 0

12:47 2025-05-02 | Кылмыштар, кырсыктар

Бишкекте оюн-зоок унаасы менен самокат сүзүштү (фото) 515 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 485 0

Архив

Комментарийлер (6)

Kylychisa

2018-07-31 21:28:02

Сапар толуп. . . кулуп жайнааап журот ко. . .

asash

2018-07-31 23:27:13

Адамдар уялбайт, ушунчада болушат экен тооба, "таза коом"деп, ага "кырк кадам" деп, жакшы ошол таза коомуна жетпей калдык, ушул прогаммаларыныз эмне болду деп сурап коруш керек экен, жаш экенсин, булганып алдын го, эээ чиркин дуйно, качан адамдык саппаттарыбыз, оорчуп, аларды пайдаланып адамдарга мамиле жасай алабыз ......

i1urp

2018-08-01 00:19:15

Сапар Исаков таза адам. Бул жерде Жээнбековдун саясаты болуп жатат.

-4

Bekboloooot

2018-08-01 02:09:09

i1urp,убагында Сапарыңдын деле саясаты жүргөн бүттү Сапарың чирийит эми...

-2

fora

2018-08-01 07:12:01

АША атан колдонуп туруп таштап салдыбы.Кускула эми жеген акчанардын баарын 20 жылды беретго эми ошол жактан пенсияга чыгасын

talaa11

2018-08-01 07:27:30

Камагыла болгон мулкторун баарын окмоттун эсебине кайтарып алгыла

Комментарий калтыруу үчүн өз ысымыңыз менен кириңиз же каттоодон өтүңүз.