Райондук сот ЖЭБдеги кырсыкка байланышкан ишти кароону улантууда

Тектеш кабарлар: Бишкек ЖЭБи боюнча соттук иштер (254 материал)

Бүгүн, 15-ноябрда Бишкектин Биринчи Май райондук сотунда Бишкек ЖЭБдеги кырсыкка байланыштуу козголгон кылмыш иштердин бирин кароо уланууда.

Учурда сот залына "Улуттук энергетикалык холдингдин" мурдагы башчысы Айбек Калиев, "Электр станциялары" ишканасынын жетекчисинин мурдагы орун басары Бердибек Боркоев, “Электр станцияларынын” мурдагы директору Узак Кыдырбаев жана ЖЭБди модернизациялоо долбоорунун аткаруучу директору Темирлан Бримкулов алынып келди.

Аларга Кылмыш-жаза кодексинин 221-беренеси (коммерциялык уюмдарда иштегендердин кызмат абалынан кыянаттык менен пайдаланышы) менен козголгон кылмыш иштин негизинде айып тагылууда. Аталган кылмыш иш боюнча чогултулган материалдар 15 томго жакын.

Ушул жылдын 26-январында Бишкек ЖЭБинде өндүрүштүк кырсык болуп, шаардагы үйлөргө берилген жылуулук 7 күнгө төмөндөгөн. Андан кийин ЖЭБди жаңылоого Кытайдан алынган 386 миллион доллар насыя туура эмес пайдаланганы ачыкка чыгып, 4 кылмыш иши козголгон. Анын негизинде энергетика тармагындагы ишканалардын жетекчилеринен тышкары мурдагы өкмөт башчылар Жантөрө Сатыбалдиев, Сапар Исаков, депутат Осмонбек Артыкбаев кармалган. Алар учурда УКМКнын тергөө абагында.

14:35 15-11-2018

Автор: Жамалидин Парманкулов
Фото: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

09:58 2024-05-03 | Коом жана турмуш

Чолпон-Атадагы балдардын реабилитациялык борборунун курулушу аяктап калды 0 0

09:46 2024-05-03 | Түркүн дүйнө

Түркия Израиль менен болгон бардык соода алакаларын токтотту 100 0

09:25 2024-05-03 | Коом жана турмуш

ТИМ кыргызстандыктарды зарыл болбосо Орусияга барбай турууга чакырды 389 0

09:21 2024-05-03 | Кылмыштар, кырсыктар

Сузактагы кырсык: Hyundai Porter'дин айдоочусу камакка алынды 323 0

09:19 2024-05-03 | Саясат

Акылбек Жапаров энергетикалык “EDF” жана “Masdar” компанияларынын жетекчилери менен жолукту 110 0

22:37 2024-05-02 | Коом жана турмуш

Сузактагы кырсыктан жабыркагандардын саны 32ге жетти 2457 0

Архив

Комментарийлер (2)

bekmirzach

2018-11-15 14:51:53

Бир гана Бишкек ЖЭБдеги чыр гана эмес, Тарых музейи, түндүк-түштүк альтернативдүү жолу, башка ички жолдордогу ызы-чуулар чыгып жатпайбы. Булардын баарына бир эле команданын тийешеси бар экенине көзүм жетип турат. Бир эле адам команданы берип, финансылык агымдардын көпчүлүгүн өзүнүн чөнтөгүнө уруп, жеп-ичкендеринин баары тастыкталат деп ойлойм. Ошондуктан азыр эле соттоп жибергиле дебестен, күнөөлүүлөрдүн баарын тапкыла деп айтсак туура болот

Erik2018

2018-11-15 14:55:41

Соттор эми элдин байлыгын тоногон аткаминерлерге жазаны катуу бериш керек.

Комментарий калтыруу үчүн өз ысымыңыз менен кириңиз же каттоодон өтүңүз.