Александр Крестинин: "Кыргыз-Түштүк Корея беттешинде "Тоттенхэм" футболдук клубунун оюнчусу Сон Хын Миндин ойнобой турганы өкүндүрөт"

Кыргыз-Түштүк Корея беттешинде "Тоттенхэм" футболдук клубунун оюнчусу Сон Хын Миндин ойнобой турганы өкүндүрөт. Бул тууралуу Кыргыз улуттук курамасынын башкы машыктыруучусу Александр Крестинин Түштүк Корея менен оюндун алдындагы маалымат жыйынында айтты.

Жыйында Крестинин ЖМК өкүлдөрүнүн суроолоруна жооп берди:

Кыргыз-Түштүк Корея беттешинде курамыбыздын катарында алмашуулар орун алабы?

- Албетте, алмашуулар орун алат, анткени Түштүк Корея менен Кытай курамалары башкача деңгээлде ойношот. Ошондуктан курамда дагы, оюндун тактикасында дагы алмашуулар орун алат.

Кыргыз-Түштүк Корея беттешинде Түштүк Корея курамасынын жылдызы Сон-Хын Миндин ойнобой турганы белгилүү болду. Биздин курам үчүн бул жакшыбы же жаманбы?

- Албетте, биз Түштүк Корея курамасынын лидери Сон Хын Миндин деңгээлин билебиз. Ал курамда болгондо ар бир командага оор болот. Бирок Корея курамында андан башка тажрыйбалуу оюнчулар дагы бар. Хын Минди алмаштыра турган оюнчулар көп. Ал жок болгону менен биз үчүн оюн оңой болбойт. Бир четинен анын оюнга катышпаганы бизди өкүндүрөт. Мындай ири мелдештерде мыкты футболчуларга каршы ойногуң келет. Ушундай тажрыйбалуу командалар менен ойноп, биздин деңгээлибиз өсөт.

Дарбазачы Павел Матяш кийинки беттешке чыгабы?

- Албетте, дарбазачынын катачылыгы оюндун жыйынтыгына таасирин тийгизди. Бирок ар бир дарбазачы катачылык кетирет, мындай каталар мындан дагы ири мелдештерде кетет. Биз учурда оюнчуну сындабай, ага колдоо көрсөтүшүбүз керек.

Ошондой эле бул маалымат жыйынга катышкан улуттук кураманын коргоочусу Тамирлан Козубаев журналисттердин суроолоруна жооп берди.

Кыргыз-Кытай беттешинен кийин ЖМКдагы жана социалдык тармактагы жаңылыктарды окуп жатасыңарбы?

- Жок. Биз эч жактан маалымат албай элебиз.

Азия Кубогунун алкагында биринчи беттеште жеңилип калдык. Учурда командадагы атмосфера жана оюнчулардын абалы кандай?

- Командадагы атмосфера жакшы. Дагы 2 оюн бар. Азырынча тайпалык баскычтан чыгууга мүмкүнчүлүк бар, бардыгы бизден көз каранды.

Автор: Нурсултан Нурболот уулу
Фото: Наталья Угрюмова

20:21 10-01-2019

Жазылуу

Тектеш кабарлар:

Азия Кубогу: Кыргыз улуттук курама командасы БАЭге каршы беттештин алдында машыгууларды өткөрдү

Азия кубогунда БАЭ курамасы Австралияны 1:0 эсебинде жеңип алды

Бүгүн футбол боюнча Кыргыз улуттук курама командасы Японияга каршы жолдоштук беттеш өткөрөт (акыркы оюндардын жыйынтыгы)

Футбол боюнча Кыргыз улуттук курама командасынын машыктыруучусу жана оюнчулары мамлекеттик сыйлыктар менен сыйланды

2019-жылы Азия кубогунун алкагындагы Кыргыз өлкөсү - Мьянма футболдук беттешине билеттер сатыкка чыкты (баалар)

Азия Кубогу: Жарым чейрек финалда кайсы командалар беттешет? Оюндардын тизмеси жана убактысы

Азия Кубогу: Жарым финалга чыккан алгачкы эки команда белгилүү болду

Азия Кубогу: Кыргыз курама командасы ачык машыгууларды өткөрдү

Азия кубогунун алкагындагы Кыргыз өлкөсү-Индия футболдук беттешине билеттер 22-мартта сатыкка чыгат (баалар)

Азия кубогунун алкагында Кыргыз курама командасы алгачкы беттеште Кытай курамасы менен кез келет

РУБРИКАДАГЫ СОҢКУ КАБАРЛАР

12:29 2025-05-01 | Спорт

Атактуу мушкер Ислам Махачев кыргыз балбандарына сый көрсөттү (видео) 303 0

12:12 2025-05-01 | Супер-Инфо

Калысбек Айтбаев, ырчы: «Автордук ырларым убагы келгенде бааланат» 59 0

12:02 2025-05-01 | Түркүн дүйнө

АКШ менен Украина жаратылыш ресурстары боюнча келишимге кол коюшту 294 0

11:38 2025-05-01 | Коом жана турмуш

Жеңишбек Токторбаев Оштогу мечитте намаз окуп, мечит башка жакка жылдырылмай болду (фото) 727 0

11:19 2025-05-01 | Коом жана турмуш

АКШ өлкөдө мыйзамсыз жүргөн кыргызстандык мигранттарды депортациялады 704 0

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 718 0

Архив

Комментарийлер (7)

warcaw

2019-01-10 20:28:39

Группадан чыгыш 70/30 % өтө өтө кыйын түштүк кореяны жеңиш кыйын.

kyrgyzstan_93

2019-01-10 20:44:02

Билбейм калдым, оздоруно оздору гол киргизип журсо кайда чыгат.

nurbek11

2019-01-10 21:36:42

Достор жакшы ниет кылыт аларды колдоп дем берип турайлы. Алга ак шумкарлар ийгилик биз тарапта болсун.

TalaCSKA

2019-01-10 23:19:28

От греха подальше Матяшты чыгарбай эле койгулачы сураныч . кийинки ойундар Матяш бир нерсе доказать эте турган ойун эмес конгонундой дагы детский жанылса ким жооп берет ???байкуш Матяшты таш баранга алып салышыбыз мумкун )))

Boha1

2019-01-10 23:43:52

Ийшилик дейли. Буйруса утуп алгыла. Дарбазачынар алмашса болмок

Dembele84

2019-01-11 00:34:57

Кореядан женилсе да кобуроок гол киргизип учунчу орун менен да группадан чыгып кетсе болот.Главно Кореядан кийинки команданы жениш керек и Кытайлар ошол команданы утуш керек.

Jelezo

2019-01-11 02:03:30

Кудай буюрса биздин команда корейлерди женет.

Комментарий калтыруу үчүн өз ысымыңыз менен кириңиз же каттоодон өтүңүз.