Кара-Көлдө эки унаа сүзүшүп, 3 адам ар кандай жаракаттарды алды

Тектеш кабарлар: 2019-жыл ичиндеги адам өмүрүн алган жол кырсыктары (155 материал)

Бишкек-Ош унаа жолунун 420 чакырымында жол кырсыгы катталып, 3 адам жаракат алды. Бул тууралуу Жалал-Абад облустук жол кыймылынын коопсуздугун камсыздоо бөлүмү билдирди.

Маалыматка ылайык, жол кырсыгы 14-февраль күнү 09:30 чамасында Кара-Көл шаарында болгон. Анда Мерседес Бенц үлгүсүндөгү унаа менен Тойота Камри унаасы сүзүшкөн.

Кырсыктын кесепетинен Тойота Камри унаасындагы жүргүнчү катары кетип бара жаткан 3 аял киши жаракат алган. Алар Таш-Көмүр шаарындагы ооруканага жеткирилген. Ал эми унаа жарактан чыккан. Учурда териштирүү иштери башталды.

Автор: Айсалкын Качкынбекова