Нарын облусуна караштуу Жумгал районунун Кызыл-Жылдыз айылында катталган кырсык үч адамдын өмүрүн алды. Бул тууралуу Нарын облусунун жол кыймылын камсыздоо башкармалыгынын басма сөз катчысы Калыс Өмүрзаков SUPER.KG порталына билдирди.
“Кызыл-Жылдыз айылында катталган кырсык 22-августта эртең мененки 5:40тар чамасында болгон. Volkswagen үлгүсүндөгү автоунаа үйдүн тосмосун сүзгөн. Авто унаанын ичинде 5 адам болгон. Алардын үчөө каза болуп, эки адам Жумгал райондук ооруканасында дарыланууда. Учурда каза болгон жарандардын аты-жөнү такталып жатат”, - деп билдирди ал.