Бишкекте унаа сүзүп кеткен 27 жаштагы жөө жүргүнчү каза болду

Тектеш кабарлар: 2019-жыл ичиндеги адам өмүрүн алган жол кырсыктары (155 материал)

Бишкектин А.Токомбаев көчөсүндө жөө жүргүнчүнү унаа сүзүп кеткен окуя катталды. Анда 27 жаштагы жөө жүргүнчү каза болду. Маалыматты Жол кыймылынын коопсуздугун камсыздоо башкы башкармалыгынын басма сөз кызматы билдирди.

"Окуя 24-февралда, болжол менен түнкү саат 23:00 чамасында катталган. Анда 27 жаштагы Н.Д. аттуу жаранды Фольксваген Гольф-5 үлгүсүндөгү унаасы менен күн батыш тарапты көздөй бара жаткан айдоочу сүзүп алган. Жаракат алган жаран Травматология жана ортопедия илим-изилдөө борборуна жеткирилип, бирок алган жаракатынан улам каза болуп калган", - деп билдирет кызмат.

Окуя боюнча тиешелүү материалдар топтолуп, тергөөгө жиберилди.

Автор: Гүлжан Асанкожоева