Экс-мэр Албек Ибраимовдун жубайы: "Соттун адилеттүү чечим чыгарышына көзүбүз жетпейт"

Бүгүн, 20-мартта Бишкек шаарынын Ленин райондук сотунда экс-мэрлер Кубанычбек Кулматов менен Албек Ибраимовго козголгон кылмыш иши боюнча соттук отурум улантылды. Албек Ибраимовдун жубайы Айнура Ибраимова журналисттердин суроолоруна жооп берип жатып, бул иш боюнча сот адилеттүү чечим чыгарарына көзү жетпей турганын айтты.

"Бүгүнкү отурумда да буга чейинки соттук отурумдардай эле көп эл залга кире албай эшикте калды. Залдын ичинде дем жетпей, демибиз кысылып сыртка чыгууга туура келди. Болгону бүгүнкү соттук отурумда айыпталуучулардын жубайларына жана 1-2ден жакын туугандарына залга кирүүгө уруксат берилди. Калгандары минтип коридордо жаңылык күтүп турууга аргасыз болууда. Мурункудай эле эч кандай шарттар каралган эмес. Азыр сыртка чыгып алып, эми кайра кире албай турабыз. Залдын ичинде 12-13 күзөт кызматкери турат, андан сырткары жактоочулар, айыпталуучулардын туугандары, прокурорлор болгондуктан дем жетпей калды.

Мындан 1 ай мурун Кубанычбек Кеңешовичтин (ред. Кулматовдун) жубайы экөөбүз жолдошторубуз менен жолугушуу үчүн уруксат сурап кайрылганбыз, кийин уруксат берилген. Мен жолдошум менен жолуктум, сүйлөштүм, абалы өзүңүздөр көргөндөй...

Негизги айта турган нерсе - бул соттук иш адилеттүү чечилет дегенге ишене албай турабыз. Ишти карап жаткан судьянын өзүнө кылмыш иши козголгондугун билгенде аябай таң калдык. Буга байланыштуу судьяга ишенбестик көрсөтүлдү", - деди ал.

Окуянын чоо-жайына кайрылсак:

Кубанычбек Кулматовго карата 2018-жылдын май айында "коррупция" беренеси боюнча кылмыш иши козголуп, июнь айында камакка алынган. Ал Бишкек шаарынын мэри болуп турган кезде Калыс-Ордо конушундагы мектеп жана бала бакчага бөлүнгөн акчаны мыйзамсыз колдонгон деп айыпталууда.

Албек Ибраимовго карата 2018-жылдын май айында “ишенип берилген мүлктү ыйгарып алуу же жок кылуу” беренеси боюнча кылмыш иши козголуп, бул иш экс-мэрдин “Дастан” ишканасын жетектеп турган мезгилге байланыштуу экендиги айтылган. Июль айында ал ушул эле кылмыш ишинин негизинде камакка алынган. Кийинчерээк Ибраимовго карата “коррупция” беренеси боюнча жаңы айып угузулган. Анда ал Бишкек шаарынын түштүк аймагында жайгашкан муниципалдык жер тилкелерин мыйзамсыз сатууга айыпталууда.

Ушул жылдын 6-мартынан тартып Кулматов менен Ибраимовдун иштери бириктирилип, сотто карала башталды. Эки экс-мэрдин ишине байланыштуу жалпысынан 14 адамга айып коюлган.

Автор: Мальвина Уметбекова
Фото: Мальвина Уметбекова

18:03 20-03-2019

Жазылуу

Тектеш кабарлар:

Экс-мэрлер камакта калтырылды

Кулматов менен Ибраимовдун кылмыш иши боюнча соту. Журналисттер жана туугандары сот залына кирбей калышты

Укук коргоочу: "Сот отурумунда Кубанычбек Кулматов, Албек Ибраимовго аялдары жана балдары менен учурашууга уруксат берилген жок"

Бут коёрго орун жок. Албек Ибраимовдун жактоочусу сот отуруму өтүп жаткан залдын тардыгына нааразы болду

Сот экс-мэрлер Кулматов менен Ибраимовду СИЗО-1ге которуу сунушунан баш тартты

Кубанычбек Кулматов менен Албек Ибраимовго козголгон кылмыш иши боюнча соттук отурум 3 аптадан бери жылдырылууда

Экс-мэрлердин соттук иши: Соттук отурум жактоочу келбей калгандыгына байланыштуу жылдырылды

Экс-мэрлер Кулматов менен Албек Ибраимовдун иши Бишкек шаардык сотунда карала баштады

Жактоочу: "Бишкек шаардык сотунда экс-мэрлердин иши боюнча процесс 16-апрелде өтүшү керек"

Албек Ибраимовдун жактоочусу сотко ишенбөөчүлүк жарыялады

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (10)

nurka_85

2019-03-20 18:26:54

Конечно, ал силерден калган нерсе да. Убагында ошол сотторду каалагандай калчайт эленер го, эми ошолор озунорго каршы иштейт. Жашоо -Бумеранг

+10

bessmertiy

2019-03-20 18:40:14

nurka_85,туура. Убагында көрсө да көрмөксөн болушчу эле. Эми эле адилеттик издеп калышканын.

+10

kyrgyz.kg83

2019-03-20 18:37:01

Кантип канча жегенин билесинерда,ошон үчүн көзүнүз жетпейт чыгышына

+11

Skarlett-Skarlett

2019-03-20 20:37:00

Жакшы аял болсонуз коп жебе деп айтсаныз болот эле.Элдин коз жашы жаман болот.Аллах бар,ал баарын коруп турат.

Mister-X

2019-03-20 20:45:00

Элди эч нерсе билбеген,көрбөгөн кемпай ойлойт окшойсунар.Сот адилеттүү өтсө А.Ибраимов менен Кулматов камалышы керек.Алар камалбаса анда адилетсиз болуп калат.

tilek121277

2019-03-20 22:55:01

супер инфо көп сөз жазгым келет коментарийлерге силер да адилетуу болсонор коп жердеги талкууларды жаап коесуңар

madrid7000

2019-03-21 14:02:46

tilek121277,ооба.Жакпаса комент.ди очуруп салышат.Супер инфо биринчи озунор онолуп алгылачы анан адилеттулукту суйлогуло.
Супер инфону жапса адилетту болот,ушакчы гезитти.

Jarma

2019-03-20 23:53:37

Тойгончо жеп олгучо актангыла

Paprikafm

2019-03-21 01:42:12

Камалсын, 250мин$ түшкө кирбеген акчаны да паралап алса, мага демек өмүр бою камалсын

zhigitaly

2019-03-21 02:06:30

Ишенбейсиңер да.Силер ишенген убак өткөөн.

Комментарий калтыруу үчүн өз ысымыңыз менен кириңиз же каттоодон өтүңүз.