Маалыматка ылайык, буга чейин Азиз Батукаевдин мыйзамсыз бошотулушу боюнча сотко чейинки өндүрүштө Атаханов камакка алынган эле.
7-июнда тергөөнүн жүрүшүндө Атаханов Бишкектеги 1-тергөө абагынан ИИМдин Тергөө кызматына жеткирилген. Анда адвокатынын катышуусунда тергөө амалдарын жүргүзүү учурунда тергөө менен кызматташууга ниети бар экенин билдирген, буга байланыштуу анын баш коргоо чарасы өзгөртүлдү. Бирок ИИМ Атахановдун үй камагына чыгарылган же чыгарылбаганын белгилеген жок.
Батукаевдин бошотулушу боюнча тергөө иштери уланууда.