"Чек ара маселесин чечүүдө коңшулар менен Кыргыздын атынан тең ата болуп сүйлөшөйүн". Экс-депутат Турсунбай Бакир уулу президентке кайрылуу жолдоду

Жогорку Кеңештин экс-депутаты Турсунбай Бакир уулу бүгүн, 17-сентябрда Кыргыз-Тажик чек арасындагы окуя боюнча президент Сооронбай Жээнбековго кайрылуу жолдоду. Анда минтип жазылат:

"Кыргыз өлкөсүнүн Баткен облусундагы чек арабызда кайра-кайра болуп жаткан атышуулар, жаңжалдар боюнча «ЭрК» партиясынын атынан Кыргыз Жумуриятынын президенти Сооронбай Жээнбеков мырзага кайрылам.

Коопсуздук жана чек ара маселеси өлкөнүн түштүк аймагында курч болуп жатат. Жылуу жерде жатып алып, ордунан козголгусу келбей жаткандарга айта турган сөзүм: Баткен, Лейлек, Ош менен Жалал-Абад да жалпы мекенибиз. Аларсыз Кыргызстан деген мамлекет жок! 20 жыл мурда "Өзбекстандын ислам кыймылы" уюмунун моджахеддери Кыргыз өлкөсүнүн түштүк аймагына кол салганда «сакалчандар келип жатат!» деп алыскы Нарын менен Таластын да тургундарынын жүрөгү түшкөн. Ал эми бүгүн болсо, Лейлекте атышуу болуп жатат деп мамлекеттин ал аймагына кайдыгер кароо, кош көңүлдө болуу - кечирилгис чыккынчылык!

1999-жылы мамлекетибиздин биримдиги, бүтүндүгү, элибиздин коопсуздугу, тынч жашоосу үчүн деп өлкөбүздүн эң артта калган аймагын Баткен облусу деп түзүшкөн.

Бүгүн ар бири өз колотун эмес, жалпы мекенин ойлонуусу абзел! Бара-бара түштүк аймагын алдырып жиберсек, өлкөбүздү алдырып жибергенге барабар болуп калат. Мамлекетибиздин түндүк аймагында көп эле жерлерибизди коңшу өлкөлөргө алдырып жибергенбиз. Эми жер таратуу жарманкени жаппайлыбы?! Анан мамлекети жок элдер сыяктуу бечара болуп жүрүүдөн Аллахым өзү элибизди сактасын!

Урматтуу ажо, туптуура 20 жыл мурда ажобуздун берген ыйгарым укуктарынын негизинде Ооганстан менен Тажикстанга чейин барып сүйлөшүүлөрдүн негизинде Баткен согушунун токтотулушуна, "Өзбекстандын ислам кыймылынын" моджахеддеринин Кыргыз жергесинен чыгып кетүүсүнө, туткундагы генералыбыз баш болгон жоокерлерибиздин жана Япониянын жарандарынын аман-эсен бошоп келүүсүнө Аллахымдын буйругу менен себепкер болгонмун.

Азыр деле ошондой ыйгарым укуктарды сизден сураймын, урматтуу Шарип уулу Сооронбай! Кыргыз өлкөсүнүн атынан коңшулар менен чек ара маселесин жана чек арада жашап жаткан элдин тынч жашоосун чечүүдө тең ата болуп сүйлөшөйүн. Мекенди сүйүү ыймандан. Аллахымдын буйругу жана сиздин чечимиңиз менен мекенчилдигимди иш жүзүндө далилдөөгө даярдыгымды билдиремин".

«ЭрК» партиясынын лидери, Кыргыз мамлекетинин атайын жана толук ыйгарымдуу элчиси, Мамлекеттик кызматтын 1-класстагы мамлекеттик кеңешчи Турсунбай Бакир уулу.

Автор: Кызжибек Раимова

12:39 17-09-2019

Жазылуу

Тектеш кабарлар:

Баткен: Эвакуацияланган жарандар үйлөрүнө жөнөтүлдү (сүрөт)

Улукбек Марипов Ошко келди, эми Баткенге жөнөп кетет

ЭЛДИК КАБАР: Окурман: "Максат айылындагы чек араны кайтарган жоокерлерге эл азык-түлүк берүүдө"

Кыргыз-Тажик чек арасындагы жаңжалдын кесепеттерин жоюу боюнча аткарылып жаткан иштер боюнча өкүлчүлүктүн маалыматы

Кыргыз-Тажик чек арасындагы ок атышуудан жабыркагандардын арасында 14 жаштагы өспүрүм бар

Депутат: "Кыргыз-Тажик чек арасындагыдай кырдаал жаралганда өкмөт толугу менен отставкага кетиши керек болчу"

Президент: "Баткен облусунун чек ара аймагындагы кырдаал менин жеке көзөмөлүмдө турат"

Министрлик: "Чек арада ок тийген жоокерлердин бири каза болду деген маалымат калп. Ал жандандыруу бөлүмүндө, абалы туруктуу оор"

Чек ара кызматы: "Баткенде абал салыштырмалуу туруктуу, ок атуулар токтоду"

Чоң-Алай: "Талаш деген жерди кайтарып алуу айласын издеп жатабыз" дейт жергиликтүү тургун

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 111 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 556 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 689 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 288 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 417 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 700 0

Архив

Комментарийлер (14)

Avrora2017

2019-09-17 12:49:37

Сен жон эле койчу шут гороховый, раньше суйлошпой бок жеп жаттын беле

-9

taalai1008

2019-09-17 14:09:49

Avrora2017,Тукеники жөн эле пиар, шайлоо болот жакында. Ушул күнгө чейин унчукпай жатып эми ойгондубу?

maralum93

2019-09-17 12:55:29

Ой сиз катындарды эле эптеп ала бериң!!!!

-10

Sagyn.91

2019-09-17 12:56:27

Кыйратат ушул, ушул эле калды эле сүйлөшпөгөн!

-11

meni_kut

2019-09-17 13:16:27

Кокмээлер колунар б.к келбесе жазбай эле койгулачы, 94 - жылдары пленге тушкондорду суйлошуу жолу мн чыгарган.Бул киши Кыргызстандын жараны барып суйлошсун, алыста отуруп алып жаза бербегиле

Avrora2017

2019-09-17 13:45:54

meni_kut,сеникинен бок келип атыптырбы ким не жазат озу ойунду жазып отуп кет былжырабай коп, же турсунбай коп айалдарынын бирисинби

-8

Mister-X

2019-09-17 14:08:09

Тен ата болуп суйлошуп келейин-десе коп окурмандарга жакпай калган го.Жогору тараптан эч ким козголбосо,жата берели анда чек араны ачып коюп..

Bektur2011

2019-09-17 15:09:12

Чырдан саясий упай топтогондор, пиар жасагысы келген Турсунбай Бакир уулу аман эле болсун!

-2

Absamat-90

2019-09-17 15:10:34

Сен ал жакка барсан тажичкалардан гарем курап аласын.

altyn-kumush

2019-09-17 15:12:26

Турсунбай Бакир уулун ким тосуп турат. Барса барып маселени чече берсин десең аны ким угат.

-1

barakcha

2019-09-17 16:27:51

Убара болбочу.Баары бир кресло жок сага)))

-2

katerina.li

2019-09-17 17:51:46

Суйлошойун.антейин,минтейин дебей эле бара бербейби

-1

bekov01

2019-09-17 19:51:13

Дурайндар жаш баланы дагы согунтосунорда. Саясий упай топтосо дагы топтобосо дагы ушундай мекенчилдер суйлоп турган учун чек ара сакталып туратго ее агалар. Карышкыр уулуса чоолор каншылайт болбой колдоп койбойсунарбы. К.т екенсинерго

al-abu-kinesz

2019-09-18 12:44:39

bekov01, мен да ушул ойду жазайын деп аткам

Комментарий калтыруу үчүн өз ысымыңыз менен кириңиз же каттоодон өтүңүз.