Бишкек-Ош жолунда эки унаа сүзүшүп, эки адам каза болду

Тектеш кабарлар: 2019-жыл ичиндеги адам өмүрүн алган жол кырсыктары (155 материал)

Бишкек-Ош унаа жолунун 155-чакырымында (Париж тилкеси) Хонда-Степвагон жана Дэу-Нексия үлгүсүндөгү унаалар сүзүшкөн. Жол кырсыгынын кесепетинен 2 эркек киши каза болуп, 5 адам (3 эркек жана 2 аял) жабыркаган. Бул тууралуу Өзгөчө кырдаалдар министрлигинин басма сөз кызматынан билдиришти.

Чүй облусуна караштуу Жайыл районунда катталган жол кырсыгында куткаруучулар каза болгон жарандардын жансыз денелерин унаадан чыгарышып, ИИМ кызматкерлерине өткөрүп беришкен. Ал эми жабыркагандар "Тез жардам" кызматы тарабынан Жайыл райондук ооруканасына жеткирилген. Учурда каза болгондордун жана жабыркагандардын аты-жөнү такталууда.