"Баарыбыз кооз жашообузду көрсөткөнүбүз менен жашоодо андай эмес да". Ырчы Гүлзада Рыскулованын коомдогу көйгөйлөрдү чагылдырган эмгеги жарык көрдү

Клипке идея сунуштаган Сумсарбек Мамыралиев.

Клиптен кадрлар.

Кыргыз Республикасынын Эмгек сиңирген артисти, ырчы Гүлзада Рыскулованын коомдогу көйгөйлөрдү чагылдырган клиби жарык көрдү. Ырчы айым жаңы чыгармасы аркылуу элди артта калган жашоосуна, бүгүнкү күнүнө саресеп салып, ой-таанымды өзгөртүүгө чакырык жасаганын айтат.

"Мага жакпайт" деген жаңы ырымда адамзатынын бири-бирине болгон кайдыгерлиги, коомдогу жасалмалуулук, элдин эң аярлуу, алсыз жана аруу катмары болгон наристелерге физикалык, моралдык жактан көрсөтүлүп жаткан зомбулук тууралуу айткым келген. Ар бирибиз жашоого чоң сүйүү, мээрим менен мамиле кылуубуз керек. Карантин ар бирибизге айлана-чөйрөдө болуп жаткан окуяларга маани берип, туура ой жүгүртүүгө чоң мүмкүнчүлүк түзүп берди. Азыр биз каалайбызбы, каалабайбызбы, келечекте бизди кандай жашоо күтүп турат, эмне кылышыбыз керек, ошону ойлонушубуз керек.

Ал эми клиптеги образ боюнча, чачымды мен бир ай мурун алдыргам. Экинчи жолу алдырып, клипте өсүп калган болчу. Клиптин идеясы Сумсарбек Мамыралиев деген жигитке таандык. Чыгармачылык чөйрөдө экөөбүз көп жылдан бери иштешип келебиз. Клиптин мааниси эски нерседен арылып, жаңыланууга умтулуу дегенди билдирет. Чачты алдыруу ар кимдин колунан келе бербейт. Ал үчүн да чоң эрк, күч талап кылынат. Чыгарма аркылуу жалпы эле элге "жок дегенде, бири-бирибизге чын дилден мамиле кылалычы" деген өтүнүчүмдү жеткиргим келген. Баарыбыз кооз жашообузду, кооз кийимдерибизди көрсөткөнүбүз менен чыныгы жашоодо андай эмес да", - дейт Гүлзада айым.

Гүлзада Рыскулова сөзүнүн аягын төмөнкүдөй ой толгоосу менен жыйынтыктады.

"Мага жакпайт өзүмө-өзүм кыянаттык кылганым,
Мага жакпайт мээрими жок жалган күлкү, жылмаюу.
Бул сезимдер мени ууландырып жатат...
Карагылачы, айланабызда канча зомбулук, алсыз наристелер биздин жоопкерчиликсиз кадамдарыбыздан жабыркап жатат. Мен баары сыяктуу жаралгандагы мага багышталган багытымды унутуп калдым. Мен өзгөрүшүм керек... Өзүмдөн баштоом керек... А сизчи?..."

Мага жакпайт

Автор: Гүлжамал Абылкасымова

17:26 07-05-2020

Жазылуу

Тектеш кабарлар:

Биринчи вице-премьер: "Коронавирус жуктурган адамдар менен байланышы болгондордун саны 7 миң кишиден ашуун"

Бир суткада 53 бейтап коронавирустан сакайып чыкса, 41 адам илдетти жуктуруп алды

Кытай салттуу медицинасы менен батыш медицинасынын айкалышы коронавирустан айыгууну тездетет

Пекинден келген 40 студент убактылуу обсервациялык жайга жайгаштырылды

Биринчи вице-премьер: "Бишкекте 15 атайын текшерүү посттору орнотулду"

Москвада бир сутка ичинде коронавирустан 55 бейтап каза болду

Орусияда акыркы бир сутка ичинде 10 миң 559 адамдан коронавирус аныкталды. Жарымынан көбү Москвада (тизме)

Мэрия: "Бишкек шаарында санитардык талаптарды аткарбай каттап жүргөн автобус муниципалитетке тиешелүү эмес"

Беларуста коронавирус менен жабыркаган 29 бейтап каза болду. Лукашенко алардын бири да коронавирус менен оорубагандыгын билдирди

Акыркы суткада 327 жаран ооруну жуктуруп алса, 447 бейтап илдетти жеңип чыкты

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (5)

Zhanybek88

2020-05-07 17:59:48

Мм

Noon

2020-05-07 18:03:09

Клиптин акырында жазылган сүйлөмдү эже карап койсо болмок экен. Жанын кыйат эмес, кыят болот. Ыр жакшы жазылыптыр, бирок клип жаккан жок. Тарбиялуу мааниде тартылса болмок. Аял кишинин чачын кырдырып салуусунан эч кандай жакшы идеяны, чакырыкты көрө алган жокмун. Жөн гана Нурлан Насиптин челенжин аткарып коюпсунар.

gitaris93

2020-05-07 19:07:05

Кылычтын көркү курчунда, аялдын көркү чачында дейт. Клип жакпады аял киши чачын алдырганы жакшы эмес.

Dani

2020-05-07 21:32:41

Мага жакпайт чачынды алганын,мага жакпайт не балаа клип

Asem89

2020-05-07 22:29:38

Чачты алуу менен эмнени айткысы келген?Эркек балдарга боло берет,а кыздарга эмне жок? Чачы ашыкча болуп,көйгөй жаратып жатабы,чач башкы маселеби?
Кыздардын чачы жок болгону жаман эле көрүнөт да,жарашып турабы? Клип жаккан жок.

Комментарий калтыруу үчүн өз ысымыңыз менен кириңиз же каттоодон өтүңүз.