Сутка ичинде коронавирус жуктуруп алгандар оорулуулар менен байланышта болгондор (видео, хронология)

Бүгүн, 24-майга карата саламаттыкты сактоо министринин орун басары Нурболот Үсөнбаев онлайн маалымат жыйын берди. Анда өлкөдөгү коронавирус пандемиясына байланыштуу сутка ичиндеги жаңы жагдайлар айтылды.

2020-05-24 10:18:00

"Ысык-Көлдө эс алуу сезону башталгандыктан ал жактагы пансионаттарга да чаралар кадимки мүнөздө болот. Бул боюнча текшерүүлөр жана көзөмөлдөр жүрөт".

2020-05-24 10:16:00

"Сасык тумоого байланыштуу эмдөөлөрдү жүргүзөбүз. Коронавирустун экинчи толкуну башталган болсо, ыңгайга жараша чараларды көрөбүз. Бул боюнча чоң иштер жүрүп жатат".

2020-05-24 10:15:00

"Бет кап, керектүү антисептикалык, гигиеналык каражаттар жарандардын жанында болуш керек. Айрыкча имараттардын ичинде, адамдар көп жүргөн жерде адамдар бет каптарын чечпей тагынуусу зарыл", - деди Нурболот Үсөнбаев.

2020-05-24 10:09:00

"Акыркы сутка ичинде жүргүзүлгөн изилдөөлөр – 2 миң 234.
COVID-19 лабораториялык тастыкталган оорулуулар менен байланышта болгон жактардын саны 6 миң 775 (байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал).
Кыргыз өлкөсү боюнча обсервацияда 1 901 адам жатат".

2020-05-24 10:08:00

"Ошол эле учурда бир сутка ичинде 2 миң 234 лабораториялык тастыктоо жүргүзүлүп, тастыкталган жаңы 38 адам катталды. Алар Бишкек шаарынан 5, Оштон 2, Жалал-Абад облусу 1, Баткен облусунан 1, Нарын облусу 25", - деди Үсөнбаев.

2020-05-24 10:04:00

"Соль-Илецктен жалпы 108, Санкт-Петербургдан келгендерден 28 оору аныкталды. Азыр да өлкөбүздө чыңалуу күч".

2020-05-24 10:03:00

"Статистикалык маалымат жалпы 23 адам бейтапканадан чыкты. 24-майга карата Кыргыз өлкөсүндө COVID-19 вирусун жуктурган жалпы 1 403 адам катталды. Алар:

Стационарда – 409 (алардын ичинен жандандыруу бөлүмүндө – 4);
Ооруканадан чыгарылды – 980;
Каза болгондор – 14",- деди Нурболот Үсөнбаев.

2020-05-24 10:02:00

"Ал эми Соль-Илецктен келген дагы 3 жарандан жана Санкт-Петербургдан келген 1 жарандан вирус аныкталган. Ошентип, Кыргыз өлкөсүндө тастыкталгандардын жалпы саны 1 403 адамга жетти. Алар Жалал-Абад облусунда 157, Ош облусунда 206, Ош шаарында 132, Чүйдө 109, Бишкек шаарында 356, Баткен облусунда 26, Нарында 267, Ысык-Көлдө 14"

2020-05-24 10:01:00

Алгач саламаттыкты сактоо министринин орун басары Нурболот Үсөнбаев кыргыз элин Орозо айт майрамы менен куттуктап, ар бир үй-бүлөгө ден соолук каалады.

Автор: Гүлшат Ысамамат кызы