Саат сайын өзгөргөн саясат. 14-октябрдагы окуялардын топтому
Бүгүн, 14-октябрда кандай саясий окуялар орун алды?
Президент Сооронбай Жээнбеков парламенттин бүгүнкү жыйынында Садыр Жапаровго байланыштуу маселени кайра карап чыгууну сунуштаган.
Садыр Жапаров мамлекеттик кызматка жаңы кадрларды тартууну баштоону жарыялаган.
Жогорку Кеңештин көпчүлүк коалициясы Садыр Жапаровдун талапкерлигин бир добуштан колдошту. Анын талапкерлигин парламентке көрсөтүштү.
Жогорку Кеңеште анын талапкерлиги жана өкмөтүнүн курамы каралып колдоо тапты. Өкмөттүн курамын төмөнкүлөр түздү.
Биринчи вице-премьер-министр - Артём Новиков;
Вице-премьер-министр - Равшан Сабиров;
Вице-премьер-министр - Максат Мамытканов;
Вице-премьер-министр - Аида Исмаилова;
Экономика министри - Санжар Муканбетов;
Каржы министри - Кыялбек Мукашев;
Саламаттыкты сактоо министри - Алымкадыр Бейшеналиев;
Айыл чарба министри - Эркинбек Чодуев;
Юстиция министри - Марат Жаманкулов;
Тышкы иштер министри - Руслан Казакбаев;
Маданият жана маалымат министри - Нуржигит Кадырбеков;
Өзгөчө кырдаалдар министри - Бообек Ажикеев;
Ички иштер министри - Уланбек Ниязбеков;
Транспорт жана коммуникация министри - Бакыт Бердалиев;
Эмгек жана социалдык коргоо министри - Улукбек Кочкоров;
Билим берүү жана илим министри - Алмазбек Бейшеналиев.
Жогорку Кеңештин комитетинин жыйынында шайлоо жөнүндө мыйзамына өзгөртүү киргизүү боюнча маселе каралмак. Кворум жок болгондуктан жыйын өтпөй, тийиштүү комитеттин төрагасы Канат Керезбеков менен Алтынбек Сулаймановдун пикир келишпестиги мушташка жетти.
Депутаттар жана премьер-министр Темирлан Султанбековдун камактан чыгышы керектигин айтышты. 9-октябрда Бишкекте болуп өткөн митингден кийин кармалган Темирлан Султанбеков үй камагына чыкты.
Президент Сооронбай Жээнбеков Садыр Жапаровду премьер-министр кылып дайындоо тууралуу жарлыгына кол койду.
Сооронбай Жээнбеков Жогорку Кеңештин төрагасы Канатбек Исаев жана өлкөнүн премьер-министри Садыр Жапаров менен жолугушту.
Жолугушууда Садыр Жапаров президент бүгүн кечинде отставкага кетүүсү боюнча талабын айтты. Президент азыркы учурда бул кызматты таштап кете албай турганын билдирди. Жээнбеков өлкө укук талаасына келгенде, парламенттик шайлоо өтүп, жаңы президентти шайлоо жарыяланганда кетерин белгиледи.
