"Артында чиедей 3 баласы калды". Банкта иштеген Алтынбек Каработоев жабыркагандарга жардам берүүгө бара жатканда окко учкан

Баткендеги тажик тараптын агреcсивдүү кол салуусунан кыргыз тараптан 36 адам каза болуп, 189 адам жаракат алды. Мындан сырткары түзүлгөн кырдаалдан улам 100дөн ашуун турак үй, 100гө чукул объект талкаланып өрттөлдү. Расмий тараптар тактаган агрессивдүү кагылышууда каза болгон 36 жарандын ичинде 39 жаштагы Алтынбек Каработоев дагы бар.

Ал үй-бүлөсү менен Кадамдай шаарында жашап, банктардын биринде иштечү. Анын артында үй-бүлөсү жана чиедей балдары калды. Маркумдун атасы Жалил Каработоев менен байланышканыбызда, ал муңканып жооп берди.

Алтынбек Каработоев атасы Жалил Каработоев жана уулу менен

Балам балдардан башкача элпек, түйшүкчүл жана мекенчил эле деген ал уулунун өмүрүн алган каргашалуу окуя кандай болгонун баяндады.

Айтымында, баласы атасына чалып, Кадамжайдан Баткен тарапка бара турганын кабарлаганда, атасы ага көнгөн эмес. "Бирок анын мекенчилдик сапаты кармап, менин каршы болгонума карабай, жолго чыккан экен" - деген Жалил Каработоев окуянын чоо-жайына төмөнкүдөй токтолду.

"29-апрель күнү балам банкта кадимкидей эле иштеп жаткан. Мен Көк-Таш айылында турам, балам болсо үй-бүлөсү менен Кадамжай шаарында жашап келген. Ошол күнү уулум мага чалып, "ата, эмне кылып жатасыздар, сиздер жакта абал кандай, мен Баткен жакка барайын дедим эле" деп чалды. Мен "балам, биз жакка келбей эле кой, баары бир жолдон өтө албайсың, абал курч, ок атылып жатат, жолдор жабык" деп жооп бердим. Ошентип айтсам, уулум макул деген. Бирок жүрөгү чыдабай, жөнөп кеткен экен. Андан кийин уулум кызыма чалып, "Баткенге келип калдым" деп айткан экен. Ал жакка келип, унаасы менен аскер кызматкерлерине жардам берип жүрүптүр. Балам 1982-жылы туулган, ушул айдын 18инде болгону 39 жашка чыкмак.

Ал ошол жердеги абалга кайдыгер карай албаптыр. Анан эле тажик тарап Көк-Таштан Баткенге кетип бара жаткан унааны атышкан экен. Балам жүргөн жерге "жолдо бир унаа жатат, анын ичинде бирөө жардам беригиле деп кыйкырып жатат" деген кабар келет. Ошондо ал жердегилер менин баламдын унаасына отуруп, алты бала болуп айтылган тарапка жөнөп кетет. Балам менен кошо дагы бир Toyota унаасы жөнөптүр. Булар унаанын кулап жаткан жерине жетип-жете электе эле тажик тараптын аткылоосуна кабылат. Ок алгач рулду башкарып бара жаткан балама тийген. Балам жанындагылардын айтымында, ок тиери менен ошол жерден жан берген. Унаанын ичиндеги балдардын арасынынан бирөө тирүү калса, бирөө жарадар болуп, калган 4өө каза болуп калган.

Тажик тарап муну менен эле жөн калбай, унаа менен жарадар жоокерди алып келе жаткан унааны да атып салышкан. Бирок алардын саны канча экенин так билбейм. Бул маалыматтар мага ал жактагылардан келип жатат. Азыр кан жутуп, баламдын элеси эстен кетпей, сай-сөөгүм сыздап турат.

Баламдын үй-бүлөсү бар. Анын артында чиедей 3 баласы калды. Алар да жаш болчу. Бир баласы 6-класста, экинчиси 4-класста окуса, кичүүсү бала бакчага барат", - деди ыйы угулуп турган Каработоев.

SUPER.KG порталынын эмгек жамааты Алтынбек Каработоевдин мезгилсиз дүйнөдөн кайтканына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.

Автор: Гүлшат Ысамамат кызы

17:18 05-05-2021

Жазылуу

Тектеш кабарлар:

Чек арадагы абалга нааразы болгон тургундар Ак Үйдүн алдына топтолушту. Милиция 10 чакты митингчини кармап кетти (видео)

Тажик тараптын кол салуусунан уулун жоготкон эне: "Эң улуу баламдан ажырагандан кийин уулдарымды жоготуудан коркуп жашап жүргөм. Эми дагы бир уулумдан ажырадым"

Өкмөт башчы мамлекеттик чек араны коргоо жана кайтаруу чарасын күчөтүүнү тапшырды

Кыргыз өлкөсүнүн вице-премьери менен Тажикстандын премьеринин орун басары чек ара маселеси тууралуу сүйлөшүштү

Рахмон Путин менен сүйлөшүүдө Кыргыз-Тажик чек арасындагы жаңжал маселесин көтөрдү

Депутат: "Убагында чек арада абал тынч деп маалыматты берген тийиштүү кызматтын өкүлдөрү жоопко тартылсын"

Ак-Сай айылынын тургуну: "Чек арада дагы бир Кыргыз жараны октон жаракат алды"

Кыргыз-Тажик чек арасындагы кырдаал өзгөргөн жок. Исфана-Баткен жана Исфара-Ворух жолдору жабык бойдон турат

Кыргыз-Тажик чек арасында жабыркагандардын тизмеси

"Баткен эч качан Тажик тарапка тиешелүү болгон эмес жана болбойт". Тажик генерал-майорунун сөзүнө Чек ара кызматынын төрагасынын биринчи орун басары жооп берди

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 266 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1187 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1194 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 475 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 593 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 932 0

Архив

Комментарийлер (5)

PFC-CSKA

2021-05-05 18:12:46

Акмак таджиктер жооп берер кунунор келет!!! обязательно жооп бересинер !!!!

+13

Mr.altynbek

2021-05-05 20:15:13

Шейиттерибиздин жайы бейиш болсун. Молодец эркек бала тарбиялаган атасына рахмат

Nina.alex

2021-05-05 20:17:19

Кудай жазанарды ушул жашоодо эле берсин азаппка салып тажиктер ди

aslan_akjol89

2021-05-05 21:14:33

Уулунуздун жаткан жери жайлуу болсун аксакал.Сизди тартып мекенчил жигит болгон экен уулунуз.Сизди фейсбуктан коруп,патриоттуулугунузга баа бергем.

ainura220888

2021-05-06 11:32:49

Тажиктер карангы сабатсыз эле, элинин 70-80% жогорку билими жок тамганы аран тааныгандар. Бир нерсеге тушунушбойт кок мээлер. Эгер биздикилер ок атканда Россиянын воздушная войскасы ош баткен жалабадты кулун чыгарып коймок. Биздикилер курал албай курсагы тойбой журушотда. Эгер Россия бизди колдоп алса анда кытай зорго турат сразу тажиктерди колдоп бизди 2 саатка жеткирбей тегиздеп кетет. Садыр жапаровдун на этот раз кислородун по полной бууп коюшту. Саясат сассык!!! Ошол учун Ташиев тилди абайла

Комментарий калтыруу үчүн өз ысымыңыз менен кириңиз же каттоодон өтүңүз.