Владимир Кличко легендарлуу мушкердин өлүмүнө реакция кылды

Бокс боюнча оор салмактагы мурдагы чемпион Владимир Кличко атактуу америкалык мушкер Жорж Формандын өлүмү тууралуу маалыматка реакция кылды.

"Чоң Жорж" дүйнөлүк бокс үй-бүлөсүндө жана андан тышкары жашоодо чоң из калтырып кетти. Ал биздин эң жаркын барактарды жазып, укмуштуудай рекорд койду. Биз аны эч качан унутпайбыз. Анын үй-бүлөсүнө, досторуна жана күйөрмандарына көңүл айтабыз. Кош бол, чемпион", - деп жазды Кличко Instagram баракчасына.

Легендарлуу мушкер Жорж Форман 21-мартта жакындарынын көз алдында бул дүйнө менен кош айтышкан. Анын эмне себептен каза болгондугу айтылган жок.

Автор: Азат Бейшенбеков