Эрдоган Стамбулдагы жер титирөө боюнча билдирүү жасады

Стамбулдагы бир катар жер титирөөлөрдөн кийин көйгөйлүү кырдаал жок. Бул тууралуу бүгүн, 23-апрелде Түркиянын президенти Режеп Тайып Эрдоган билдиргенин чет элдик басылмалар билдиришти.

"Биз процессти кылдаттык менен көзөмөлдөп жатабыз, учурда эч кандай көйгөй жок", - деп билдирген өлкө башчысы.

Ошондой эле түрк лидери өзгөчө кырдаалдар кызматы күчөтүлгөн тартипте иш алып барып жаткандыгын кошумчалаган.

Белгилей кетсек, буга чейин Стамбулда жер титирөө болгондугу айтылып, жаратылыш кырсыгы кайталагандыгы белгилүү болгон. Мындан улам 240 жаран жабыркап, 12 үйдүн жашоочулары коопсуз аймакка көчүрүлгөн.

Автор: Замира Ниязбекова