Ала-Арчада каза болгон өспүрүм боюнча текшерүү иштери башталды

Ала-Арча жаратылыш паркындагы Электро чокусунун аймагында каза болгон өспүрүмдүн өлүмү боюнча текшерүү иштери башталды. Маалыматты Чүй облусунун ички иштер башкы башкармалыгынан тастыкташты.

Маалым болгондой, аталган окуя боюнча соттук-медициналык экспертиза дайындалды.

Эскерте кетсек, 2011-жылы туулган өспүрүм 7-ноябрда Ала-Арча жаратылыш паркына чуркоо үчүн барып, Адыгене капчыгайын көздөй кеткен бойдон дайынсыз болгон.

Издөө иштерине куткаруучулар, милиция кызматкерлери жана тик учак тартылган. Бүгүн, 9-ноябрда саат 16:00дө Өзгөчө кырдаалдар министрлиги өспүрүмдүн сөөгү табылганын билдирди.

Автор: Меерим Кабылова