Кечээ, 25-сентябрда ырчы Дайыр Исмадияров үйлөнүү тоюн Ош шаарындагы кафелердин биринде өткөрдү. Үлпөт тойго кыргыз шоу дүйнөсүндөгү көптөгөн ырчылар катышкан.
"Той абдан жакшы өттү. Мен чакырган жакын сахналаш досторумдун баары келип, кубанычымды тең бөлүштү, андыктан аларга да ыраазычылык билдирем. Ал эми тойго катышпай калгандар таарынбасын дейт элем, алдыда дагы көп жакшылыктар бар. Тойдо коноктор, сахналаш досторум куттуктоо сөздөрүн айтып, ыр десте тартуулап жатышты. Той түнкү саат бир жарымда аяктады. Ошондо да атайын даярдалган "Love story" ("Сүйүү баянын") көрсөтүүгө жетишкен жокпуз", - дейт
Д.Исмадияров.
Эскерте кетсек, Дайыр Исмадияровдун ата-энеси жана туугандары 25-июлда сүйлөшкөн кызы Жанарага сөйкө салышкан. Ал эми 31-августта ырчы сүйүктүү кызынын кыз узатуу тоюнда концерт өткөргөнү маалымдалган.