Шыкмаматов УКМКдан сурактан чыкты: "Мен өзүмдүн күнөөлүү эмес экенимди мыйзам чегинде далилдейм"
19:55 Алмамбет Шыкмаматов УКМКдан сурактан чыкты: "Баарыңыздарга чоң рахмат. Кудай буюрса, тергөө дагы көпкө чейин болот. Мен өзүмдүн укугумду коргоп, күнөөлүү эмес экенимди мыйзам чегинде далилдейм. Баары мыйзам чегинде, адилеттүүлүк менен болот."
19:42 Шыкмаматовду колдогон митингчилер "Боштондук", "Абдил Сегизбаев чыксын" деп кыйкырып жатышат.
19:20. Милиция кызматкерлери митингчилерди улам артка түртүп жатат.
19:15 Митингчилер милиция кызматкерлерин жөөлөп УКМКга кирүүгө аракет кылышты.
19:09 УКМКнын басма сөз кызматы: "Шыкмаматов козголгон кылмыш иши боюнча сурак берип жатат. Азырынча башка маалымат бере албайбыз".
18:51. Алмамбет Шыкмаматовдун жубайы Ж.Турдакунова (ыйлап): "Жети жылдан кийин ушундайды ойлоп табышты. 20 жыл жашаган мен билем да. Чындык чырылдап жатканын баарыңар түшүнүп турасыңар. Мен Алмамбеттин актыгына ишенем. Ак ийилет бирок сынбайт. Эч кандай мыйзам бузуучулук кылган жокпуз. Ушинтип тура беребизби? Сегиз сааттан бери эзип сурап атасың деп аларга мыйзам иштебейби? Калыстык кайда? Эл деле чындык үчүн турат."
18:45 Митингге чыккан аялдар "Шыкмаматовду саат 10дон берип кармап отурушат, жообун айтып коюшсун" деп УКМКнын дарбазасын каккылап жатышат.
18:33 Асия Сасыкбаева "Башаламандыкты токтоткула! Сегизбаев чыксын" деп кыйкырып жатат
18:30 Аида Салянова "Көп саат суракка алуу кыйноо катары бааланат"
18:27 Митингге чыккандар "Атамбаев кетсин" деп жатышат.
18:25 Митингчилер УКМКнын төрагасынын отставкасын талап кылышууда.
18:15 Шыкмаматовду колдогон митинг уланууда. Милиция кызматкерлеринин саны көбөйдү.
16:57 Депутат Каныбек Иманалиев эл чарчап, аларды башкара албай жатканын айтты.
16:59 Митингге чыккан эл арасында "Боштондук" деген кыйкырыктарды угууга болот. Учурда кошумча күч катары милиция кызматкерлери келишти.
16:50 Эл өкүлүн колдоп келген митингчилердин чыдамы түгөнүп, милиция кызматкерлери менен жөөлөшө баштады.
Жогорку Кеңештин депутаты Алмамбет Шыкмаматов бүгүн, 24-февралда УКМКга чакырылып, 6 сааттан бери сурак берип жатат.
17-февралда Алмамбет Шыкмаматовго "коррупция", "кызматтык жасалмалуулук" беренелери боюнча кылмыш иши козголгон. Материалдарга караганда, 2011-жылы 20-сентябрда Эсептөө палатасынын төрагасы С.Молдокулов кызматтык унааларды сатып алуу боюнча комиссия түзүүгө буйрук чыгарган. Комиссияны Ж.Иманалиев жетектеген. Тендердик комиссиянын мүчөлөрүнүн арасында атайын дайындалган адистердин бири А.Шыкмаматов да болгон. Бирок тендер өткөрүлбөй эле кызматкерлер өздөрү унааларды сатып алышканы аныкталган.
кошулду
Митингчилер менен милициянын тиреши (24.02.17)
Шыкмаматовду колдогон митингчилер менен милициянын тиреши-2 (24.02.17)
Депутат УКМКда: митинг уланууда
Шыкмаматов УКМКда суракта. Митинг уланууда
Алмамбет Шыкмаматов сурактан чыкты
А.Шыкмаматов 9 саатка созулган сурактан кийин УКМКдан чыкты
Эгер кылмыш кылса жети жыл мурда а эмнеге ошо кезде суракка алып камашпады? Бул жон эле атамбаевдин саясатына былыгына каршы турган чындыкты айткан адамдарды оздуктоо.
+13
salimbek87.kg
2017-02-24 19:56:14
Аша кетмейинче иштер каша боло берет.
+13
momun74
2017-02-24 20:38:38
Урматтуу ченовниктер Аллахтан коркунуздар жана бир сол жак жонтокту толтураарда ойлонунуздар сиздердин таза иштегениздер уй булоо жана тууган туушкандарды элди ойлогонуздар ал эми сиздер тескери иш жасасаныздар уй булоонор жана силерге ишенген адамдар жабыр тартат мооминтип 10 саат кочодо кыйкырып колдоп анан аягында куноонуздор далилденсе ушунча эл уят болот жана сиздерге ишеним жоготот
+4
bakulya2015
2017-02-24 21:12:33
Негизи элди алакысытып жатышат. Неге кырсык тууралу сотко кайрылып,ошону далилдебейт.
+8
Zynk.kg
2017-02-24 21:28:56
Эх элим аман болгулачы ушинтип журуп эгемендуулугубузду жоготуп албасак экен деп корком.
-2
Malik92
2017-02-24 22:17:09
Атамбаев дүйнөгө түркүк болуп калбайсың бийликтен да кеткен күнүң келет көрөсүң ошондо УКМКдагы иштегендердин баары Атамбаевдин адамдары силер да кетесиңер акыретте жооп бересиңер!!!
+7
Baiko128
2017-02-24 22:30:08
Койгулачы эй эн кучтуу чиновниктер да мен андай иш кылбагам деп айта алышпайт!!! Себеби баары кылган
-2
erlist
2017-02-24 23:26:50
Атамбаевдин командасынын духу жетпей атат камаганы.Журоторунун сары суусун текебаев алып койгон го откондо силер да камаласынар деп...
+8
Mers124
2017-02-25 00:28:55
Мен да чыкмакмын. Тажатты бийлик. Бийлиги күчтүү болсо эле мыйзамды уруп ойнобой камай береби. Өзүнүн душмандарын бийлик менен эмес өз алдынча чечпейби.
0
oska91
2017-02-25 01:24:19
Ушул Депутатты 50% элдер тааныбаса керек. Аялдарга тан каласын ошолорду коргон кыздары, эжелер, синдилери кандай болот анан. Тооба кылдым бир депутатты деп ошончо эл чогулса анда.... Аллахка шугур кылалы туугуандар, боштондук деп кыйкырбай эле уйунордо олтургулада. Ал Шыкмаматов боштондукта журуп эмне кылып берди силерге? Дача суу айылындагы проблеманы чечип бер деп кыйкырсанар болмок, жакындарынан айрылган элди ойлоп, каяктагы бир депуттатын боштондугун сурабай.
0
saltanat2015
2017-02-25 03:41:26
Мен дагы чыкмакмын, алыстамын, Аксакалдын куну буткону калды окшойт, эми кандай китти ойлоп табасынар
+1
basyz-kaman
2017-02-25 07:47:41
Улуттук коопсуздук кызматындагылар абдан изилдеп араң дегенде Шыкмаматовдон бир кылмыш ишин таап чыгышыптыр. Шыкмаматов кандай кылмыш кылыптыр десек мыйзамсыз өткөрүлгөн деген тендердин мүчөөсү экен. Азыркы учурда мамлекеттик кызматта бир жыл иштеген адамдан жүздөгөн кылмыш ишин тапса болот баардыгы чекеден уурдашат. Шыкмаматовго келсек бул киши таза иштеген чыныгы кыргызга күйгөн инсан экен.
+4
basyz-kaman
2017-02-25 07:59:56
Шыкмаматовду элдин 50% тааныбаса керек деп жогоруда бирөө жазыптыр туура көпчүлүк тааныбайт болчу, ушул окуядан кийин 80% эл таанып калды.
+2
mahabat.
2017-02-25 11:04:40
урса керек.сол козу кызарып шишип кетиптир
0
aidartegin
2017-02-25 14:24:51
Канча сомдон берип атышыптыр, азыркы митинке? Тарифин билгендер барбы????
0
Комментарий калтыруу үчүн өз ысымыңыз менен кириңиз же каттоодон өтүңүз.
