Ошто 20 миң сомго бааланган ымыркайдан туугандары баш тартууда

"Ош шаарында 20 миң сомго бааланган ымыркайды туугандары алуудан баш тартты", - деп 27-мартта Ош шаардык социалдык өнүктүрүү башкармалыгынын үй-бүлө жана балдарды коргоо бөлүмүнүн башчысы Гүлзина Раева SUPER.KG порталына билдирди.

Анын айтымында, бала Ош шаарындагы үй-бүлөнү реабилитациялоо борборуна берилген, борбордун кызматкерлери ымыркайды алты айга чейин карашат. Анын саламаттыгы жакшы.

"Баланы таенеси сатканы маалым болду. Ымыркай кыздын төрөлгөнүнө 11 күн болуптур. Апасы Өзгөн районунун тургуну экен. Ал менен сүйлөшкөнүбүздө баланы багууга мүмкүнчүлүгү жок экенин айтты. Бул маселе менен ымыркайдын энесинин эжесине кайрылсак, өзүнүн балдары бар экенин, дагы бир баланы бага албай турганын айтты. Ушундай эле жоопту көз жарган келиндин сиңдисинен да уктук. Бала толук кандуу үй-бүлөдө төрөлгөн эмес деген божомолдор бар, анткени анын атасы тууралуу такыр маалымат жок.

Учурда көз жарган келиндин башка жакын туугандары менен байланышып, сүйлөшүү аракеттери жүрүп жатат. Эгер жакындарынын баары аны багып алуудан баш тартса, ымыркай соттун чечими менен асырап алууну каалаган үй-бүлөлөргө берилет", - деди Раева.

Ал белгилегендей, азыркы тапта ымыркай кыздын таенеси, 59 жаштагы М.Л. убактылуу кармоочу жайда. Буга чейин Ички иштер министрлигинин басма сөз кызматы Ош шаарында небересин 20 миң сомго сатканга шектелип аял кармалганын маалымдаган.

жаңыланды 07:33 28-03-2018
кошулду 14:53 27-03-2018

Ошто 20 миң сомго бааланган ымыркайдын туугандары аны багып алуудан баш тартышууда

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

22:37 2024-05-02 | Коом жана турмуш

Сузактагы кырсыктан жабыркагандардын саны 32ге жетти 621 0

22:18 2024-05-02 | Саясат

Садыр Жапаров шейх Мухаммад бин Заед Аль Нахайянга көңүл айтты 531 0

21:54 2024-05-02 | Коом жана турмуш

Жума күнгө карата аба ырайы 346 0

21:47 2024-05-02 | Коом жана турмуш

ИИМ Сузактагы окуя боюнча билдирүү таратты 1450 0

20:27 2024-05-02 | Коом жана турмуш

Студенттер жана окуучулар арасында сынак жарыяланды 389 0

20:00 2024-05-02 | Маданият, шоу-бизнес

Эстрада ырчысы Клара Алибекованын концертинен репортаж (видео) 1768 0

Архив

Комментарийлер (11)

Makedonia

2018-03-27 14:58:09

Бироого кор дуйно, бироого зар дуйно... Бала жытына зар болуп жургондор канча.

Paprikafm

2018-03-27 15:34:07

Иииий жаман журогум ооруп жатат, бакпаса ХХХХХХХ тородунбу, айта берсе соз коп жатышы жатып алып, куноосуз наристени кыйнайсынар, ХХХХХХХХХХХХ

NURSAPAR

2018-03-27 15:40:27

Аттиң бейкүнөө наристеге боорум ооруп жатат. ... Ата сөрөйү кайда жүрөт болду экен

Asyl10

2018-03-27 16:47:45

NURSAPAR,Ата соройун таптыртып ДНК менен мойнуна койдуртуп туруп,жоопко тартыш керек, баланын торолушуно бир эле эне жоопту эмес да. Ал энеси (сойку эле болбосо)билет да атасы ким, кайда жургонун, ошол энеси аркылуу атасын таптырыш керек,жооп берсин энеси да атасы да. Ортодо наристенин тайнесин жоопко тартпай.Балким ал энеси озу кардаал таап апасын жоноткондур сатып келиниз деп. Эгерде ал эне сойкулук менен алектенсе, анда кайсы эркектен боюна бутконун билбей деле калса керек.

+10

Akshumkar

2018-03-27 15:42:08

Урматтуу Супер Инфо мага тел номурун дарегин бере аласыздарбы. Мен багып алам толук мумкунчулугум бар 2 кыздын атасымын.

+19

dilbara5

2018-03-27 16:21:37

Akshumkar,
Ошол аймактын соц кызматка кайрылып корсонуз, кайсы документтерди даярдаганды айтат

Mirlan27011987

2018-03-27 15:46:58

Бироо жете албай журсо, бироо кутула албай журот.

Missing-u

2018-03-27 16:09:49

Биз бала таппай жургонбуз багып алганы кантип байланышса болот?

Tentek1

2018-03-27 16:36:51

Эгер берсе мен деле багып алат элем,жубайым экообуз кичинекей наристенин жытына ото зар болуп турган кезибиз.

Eduardobema1989

2018-03-27 16:46:40

Мен багып алмакмын. Кандай жолдун бар

Pamirlan

2018-03-27 16:57:59

Мен деле багып алмакмын . Балама шерик кылып

Комментарий калтыруу үчүн өз ысымыңыз менен кириңиз же каттоодон өтүңүз.