Ренат Самудинов АКШдан кайрылуу жасап, ал саясий коркутуулардан улам өлкөдөн чыгып кеткенин айтты

АКШдан саясий башпаанек сурап, жубайы менен чек арадан кармалган жарандык активист Ренат Самудинов 30-июнда социалдык тармак аркылуу кайрылуу жасады.

Кайрылууда алар миграциялык лагерде 8 ай жашап, ал жактагы соттон утуп чыкканын жана легалдуу түрдө Американын Чикаго шаарында жубайы экөө жашап жатканын айтты.

"Биз азыркы учурда АКШнын Чикаго шаарындабыз. Сиздердин "эмне себептен шашылыш түрдө Кыргыз жеринен чыгып кетти?" деген сурооңуздарга кыскача түшүндүрмө берейин деп чечтим. Мен 13 жылдан бери саясий майданда Кыргыз мамлекетинде демократияны өнүктүрүү максатында ар дайым өз салымымды кошуп келчүмүн. Ошондой эле менин келинчегим да ар кандай коррупциялык схемалардын жүзүн ачып, коомчулукта чуулгандуу репортаждарды жасап келген. Акыркы убакта биздин үй-бүлөгө карата коркутуу-үркүтүүлөр болуп жатты. Эң негизги коркутуу Фарид Ниязовдун жана Данияр Аттокуровдун тарабынан болду. Өзгөчө коркутуулар Фарид Ниязовдун телефон чалуусунан кийин күчөгөн. Бул коркутуулардын аягы менин келинчегиме кол салуу аракетине чейин жетти. Буга чейин мага да кол салуулар болгондо мен жеңил кабыл алгам. Бирок менин үй-бүлөмө акыркы кол салуу болгондон кийин өлкөдөн чыгып кетүүнү туура көрдүк. Негизи Кыргыз өлкөсүнөн чыгып кетүү оюма да келген эмес. Биз өлкөдөн чыкканда Мексика аркылуу АКШга келдик. Чек арадан АКШ мамлекетинен жардам сурадык. Миграциялык лагерде 8 ай жашадык. Ал жерде жүргөндө сот процесстери болуп, акыры биз утуп чыктык. Бүгүнкү күндө биз легалдуу түрдө АКШда жашап жатабыз. Бизге колдоо көрсөткөндөргө рахмат", - деди кайрылууда Ренат Самудинов.

Айта кетсек, буга чейин Ренат Самудинов менен Элнура Молдокадырованын Америкага кирүү үчүн визасы жок болгондуктан кармалганы маалым болгон. Белгилүү болгондой, кармалгандан кийин алар АКШдан саясий башпаанек сураган.

Учурда жарандык активист Ренат Самудиновдун кайрылуусу боюнча экинчи тарап менен байланышуу аракети болууда.

жаңыланды 07:30 01-07-2018
кошулду 15:38 30-06-2018

Ренат Самудинов АКШдан кайрылуу жасады

Автор: Айсалкын Качкынбекова

Жазылуу

РУБРИКАДАГЫ СОҢКУ КАБАРЛАР

22:17 2024-04-18 | Саясат

Садыр Жапаров менен Касым-Жомарт Токаев Казакстанда эки өлкөнүн өнөрпоздорунун концертине катышты 713 0

21:55 2024-04-18 | Коом жана турмуш

Астанада активдүү жаштардын катышуусунда II Казак-Кыргыз жаштар форуму өтүүдө 422 0

21:36 2024-04-18 | Спорт

Бишкекте төрт күнгө созулган бокс боюнча эл аралык мелдеш башталды 352 0

20:45 2024-04-18 | Коом жана турмуш

"Манас" театрынын жаңы имаратын ачуу аземинен ирмемдер (сүрөт) 782 0

20:20 2024-04-18 | Коом жана турмуш

Орусия Таластагы билим берүү мекемелерине компьютер жана робототехника берди 515 0

19:11 2024-04-18 | Саясат

Садыр Жапаров расмий сапары менен Казакстанга барды. Президентти аэропорттон Токаев өзү тосуп алды (сүрөт) 1619 0

Архив

Комментарийлер (4)

maks94.kb

2018-06-30 09:42:02

Аман болсонор болду алакандай кыргыз элим тентип журуп жок болуп кетбесин болду бийликтегилердин айынан

+12

jbolotov

2018-06-30 10:21:19

Атамбаев кетсе келесинерда эми.

-2

Shanson

2018-06-30 21:11:11

Келбейт. Өзү башынан эле ошону максат кылып кеткен да :) Эптеп эле липовый угроза менен политическое убежищеге арыз берип. Мындай ХХХХ

surgeon777

2018-07-02 01:01:23

Уйронуп алгыла туугандар!Америкада жашап калуунун эн оной жолу политубежищеге тапшыруу,ал учун бир аттуу-баштуу инсанга тийишесин,ал реакция кылбаса кайра-кайра чукулайсын,акыры тигинин согуп-сагып коркутканына жетсен болду ошол жетиштуу,Американын жараны болуп каласын))) Озгочо жарандык активисттер менен журналисттер тез жетет максатына...

Комментарий калтыруу үчүн өз ысымыңыз менен кириңиз же каттоодон өтүңүз.