Өмүрбек Текебаевдин соттук ишиндеги негизги күбө Леонид Маевский Москвада камакка алынды

Москва шаарынын Тверь райондук соту Мамлекеттик Думанын экс-депутаты Леонид Маевскийди 14-январга чейин камакка алуу чечимин чыгарды. Маевский жабырлануучуну каралаган маалыматты жарыялап салам деп коркутуп, андан 37 миллион 500 миң доллар талап кылган деп күнөөлөнүүдө. Мындай маалыматты "Интерфакс" басылмасы жазды. 16-ноябрдагы соттук отурумда анын баш коргоо чарасы каралды.

"Эки тараптан келтирилген жүйөлөрдү угуп жана тиешелүү материалдарды карап чыгып, сот Маевскийди 2019-жылдын 14-январына чейин камакка алуу чечимин чыгарды", - деп жазат басылма.

Леонид Маевский ири өлчөмдөгү мүлктү өзүнө ыйгаруу максатында опузалап талап кылуу (Орусия Федерациясынын Жазык кодексинин 163-беренесинин 3-пункту) беренеси менен айыпталууда. Анын күнөөсү далилденсе, Маевский 15 жылга чейин эркинен ажыратылышы ыктымал. Тергөөнүн берген жыйынтыгына таянсак, Маевский ушул жылдын 31-октябрынан 8-ноябрына чейин белгисиз адамдар менен биргеликте жабырлануучулардан 37,5 миллион доллар талап кылып келген. Эгерде жабырлануучу аталган суммадагы акчаны бербесе, аны каралаган маалыматты таратам деп коркуткан. Бул факты боюнча 14-ноябрда кылмыш иши козголуп, 15-ноябрда Маевский колго түшүрүлүп, айыбы угузулган.

Соттук отурум жабык өттү. Экс-депутаттын жактоочусу соттон отурумдун жалпыга маалымдоо каражаттарынын өкүлдөрүнөн жашыруун өтүшүн өтүнгөн. "Мен соттун жабык тартипте өтүшүн каалайм. Анткени мамлекеттин коопсуздугуна да байланыштуу маалыматтар айтылышы мүмкүн", - деген Маевский.

Эске салып өтсөк, Леонид Маевскийдин ысымы Кыргыз коомчулугунда кеңири белгилүү. Ал экс-депутат Өмүрбек Текебаевдин үстүнөн алдамчылыкка айыптап арыз жазган.

2017-жылдын 25-февралында Кыргыз Республикасынын Башкы прокуратурасы тарабынан "Ата Мекен" фракциясынын лидери Өмүрбек Текебаевге "коррупция" жана "алдамчылык" беренелери боюнча кылмыш иши козголуп, ошол эле күнү УКМКнын Тергөө башкармалыгына өткөрүп берилген. 26-февралда козголгон кылмыш ишинин алкагында Текебаев менен мурдагы элчи Дүйшөнкул Чотонов камалган.

Башкы көзөмөл органдын берген маалыматы боюнча, аларга орусиялык ишкер Леонид Маевскийдин арызынын негизинде иш козголгон. Маевский өз арызында Текебаев "Мегаком" иши боюнча 1 миллион доллар алып, аны кайтарбай койгонун айткан.

Леонид Маевский 1999-2003-жылдар аралыгында Орусиянын Мамлекеттик Думасынын үчүнчү чакырылыштагы депутаты болгон.

Автор: Гүлжан Асанкожоева

09:30 17-11-2018

Жазылуу

Тектеш кабарлар:

ЖАМК: "Өмүрбек Текебаевди абактан алып чыгып, ооруканадан ден соолугун текшерүүгө уруксат берүү маселеси каралууда"

Сотто Өмүрбек Текебаев менен Дүйшөнкул Чотоновдун баш коргоо чарасы каралды (фото, видео)

Өмүрбек Текебаев Улуттук кардиология борборуна медициналык кароодон өтүү үчүн чыгарылды

Өмүрбек Текебаев, Садыр Жапаров, Дүйшөнкул Чотоновду колдоо митингине бийиктиктен көз чаптырганда

Текебаевге ырайым кылуу өтүнүчүн президенттик аппарат дале карап жатат

"Ата Мекен": "Текебаев өзү отурган камерага видеобайкоо орнотууга каршы. Ал онлайндагы видеобайкоо болгондуктан аны кимдер көрүп жатканы белгисиз"

Өмүрбек Текебаевди 60 жылдык мааракеси менен куттуктаганы кимдер келишти? (тасма, фоторепортаж)

КСДПнын саясий кеңеши Өмүрбек Текебаевдин иши кайра каралуусун колдоду

Таласта "Ата Мекен" фракциясынын жыйынына катышкан тургундар Өмүрбек Текебаевдин маселесине кызыгышты

Текебаев судья Адис Момуналиевге кылмыш иши козголушу керектигин айтып, прокуратурага арыз жазды

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 31 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 196 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3316 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 407 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1518 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 312 0

Архив

Комментарийлер (15)

Shekeev969798

2018-11-17 01:30:32

Текебаевке жалка, кайдагы бир аферисти деп камалып кетти

+23

RusMos76

2018-11-17 02:26:41

Текебаевди жон эле разминка кылган окшойт бул аферист, Текебаевдикин дагы кошуп 30жыл бериши керек, Текебаев акталыш керек да 1млн. Долл компенсация толоп бериш керек!

+16

aman0296

2018-11-17 02:33:43

Бул бумеранг!!! Текабаевти каматып коюп жыргап жашайм деп жургон да. Эми озунун башына келди. Бекеринен бироого ан казсан озун тушосун деп айтылган эмес.

+28

Zaina

2018-11-17 05:20:12

aman0296,негизи ошондой. Баары бир кайтып келет.

+17

Aitik

2018-11-17 05:04:56

Арам киши ылацым ооруп кыйналып өл.

+10

uli1234

2018-11-17 09:39:26

Атамбаев да ушунун шериги ХХХХ

+12

Kylym.85

2018-11-17 09:49:31

Атамбаевдин башына да тушот бироону какшатып жыргап жашамак беле,

+15

taalay25

2018-11-17 11:54:17

Понятно жакында Текебаевдин иши кайра каралат экен

Mikra

2018-11-17 11:57:50

Текебаевге боштондук.урааа.Буйурса эми акталат бул киши.Омурбек Чиркешович сабыр сабыр жакында чыгасыз.Жаны жылды уйбулонуз менен чогу тосушунузду каалайм.

isarti

2018-11-17 12:12:57

Ушул Текебаевге жалган көрсөтмө бергенин жарыялайм деп АШАдан акча талап кылбады бекен. Ал иш үчүн да Маевский акысын алып, бекер жасабаса керек. АША дагы дүйнөлүк деңгээлдеги аферду таап алганын кантесиң.

+14

Take_men

2018-11-18 13:13:37

isarti,ойлоно турган нерсени айтып салдың го

33SUUN

2018-11-17 12:35:34

Бул ххххх акчаган жалданып иш кылганы эми айдан ачык болду.Кара кожа берцы менен кочуко экини жегенде баардыгын токпой чачпай божурап айтып берет эми.

Kgda

2018-11-17 15:01:29

Текебаевта жакшы адам эмес бул менин жеке пикирим. Канчасын каматты убагында парламентте 20 жыл журду без тольк.

-2

brentfo

2018-11-18 03:29:57

Эх туугандар бирок денег созбар э, мисалы текебаевдин ищи калпболсо алкамалмак эмес, себеби маеевский туура айтканын. А Эми мен Текебаевдин мамлекеттик кызматта иштеп байыдыбы же бизнесинен байыдыбы билбейм, себеби мамлекеттик кызматта иштегендердин копчулугу жалганчы декларациясын ачык айтпат.

Take_men

2018-11-18 13:15:41

Текеге чооң мүйүз өсүп чыга турган көзүр болду Маевскийдин аферист экени

Комментарий калтыруу үчүн өз ысымыңыз менен кириңиз же каттоодон өтүңүз.