Өмүрбек Текебаевди 60 жылдык мааракеси менен куттуктаганы кимдер келишти? (тасма, фоторепортаж)

Өмүрбек Текебаев укук коргоочу Динара Ошурахунова, БШКнын мүчөсү Гүлнара Журабаева, экс-депутат Асия Сасыкбаева

Өмүрбек Текебаевдин адвокаттары

Мурдагы депутат Болот Шер да ооруганына карабай саясатчыны куттуктап келди

Өмүрбек Текебаев Камчыбек Ташиев менен

Мурдагы башкы прокурор Азимбек Бекназаров жана экс-депутат Исмаил Исаков

Депутаттар Каныбек Иманалиев жана Умбеталы Кадыралиев

Осмонакун Ибраимов баш болгон аксакалдар бата беришүүдө

Саясатчы Феликс Кулов каалоо тилегин айтууда

"Ата-Мекен" фракциясынын лидери - Алмамбет Шыкмаматов (калпакчан)

Солдон оңго: Депутат Бахадыр Сулейманов, саясатчылар Камчыбек Ташиев, Эмилбек Каптагаев, Абдыганы Эркебаев, Жолборс Жоробеков, Исмаил Исаков

Бүгүн, 22-декабрь күнү Бишкек шаарынындагы ресторандардын биринде саясий ишмер Өмүрбек Текебаевдин 60 жылдык мааракесине карата иш-чара болуп өттү.

Ага саясатчынын партиялаштары, жакындары жана санаалаштары катышып, Текебаевдин кыргыз саясатындагы орду, эмгектери тууралуу сөздөр сүйлөндү. Мааракенин жүрүшүндө Өмүрбек Текебаевдин өмүр жолу чагылдырылган тасма көрсөтүлдү.

Ресторандагы иш-чарадан кийин катышуучулар Улуттук кардиология борборунда дарыланып жаткан саясатчыны куттуктоо үчүн барышты. Өмүрбек Текебаев аларды жылуу кабыл алып, куттуктап келгендерге ыраазычылыгын билдирди.

Мурдагы депутаттын 60 жашын куттуктап келген 30дай саясатчы Өмүрбек Текебаевге ден соолук каалап, эртерээк эркиндикке чыгышына тилектеш экенин билдирип, бата тилеп кайтышты.

Белгилей кетсек, Өмүрбек Текебаев "Орусиялык ишкерден 1 миллион доллар пара алды" деп айыпталып, 2017-жылы камакка алынган. Жогорку Кеңештин 6 жолку депутаты бүгүн 60 жашка толду.