Жактоочу Нурбек Токтакунов тууралуу интернетке тараган видео талкуу жаратты

19-февралда интернетке жактоочу Нурбек Токтакунов тууралуу видео жарыяланды. Анда айтылган кептер социалдык тармактарда талкуу жаратты.

Видеодо Нурбек Токтакунов "Прецедент" бейөкмөт уюмунун жетекчиси экени, психикалык жактан жабыркай турганы, ошондой эле 2010-жылдагы Июнь окуясына күнөөлөнүп өмүр бою эркинен ажыратылган Азимжан Аскаровдун жактоочусу болгону айтылат.

Мындан сырткары жеке жашоосу жөнүндө да кеп козголот. Жашыруун камерага тартылган видеодон жактоочуга окшош киши менен белгисиз аялдын бөлмөдө кучакташып тургандыгын көрүүгө болот.

Жактоочу видео боюнча түшүндүрмө берүүдөн баш тартты.

Нурбек Токтакунов - учурда мурдагы премьер-министр Сапар Исаковдун жактоочусу. Сапар Исаковго карата Бишкек ЖЭБине байланыштуу козголгон "коррупция" беренеси боюнча айып тагылган. Ал эми Токтакунов Бишкек ЖЭБин жаңылоо боюнча келишимди ратификациялоодо Жогорку Кеңештин ошол кездеги төрагасы, азыркы депутат Асылбек Жээнбеков жана тиешелүү комитет төрагалары жоопко тартылышы керектигин талап кылып келет.

Өткөн жылдын ноябрь айында ал "кара касса" - 2017-жылкы президенттик шайлоодо талапкер Сооронбай Жээнбеков шайлоо кампаниясына расмий суммадан 10 эсе көп, башкача айтканда, 1,7 миллиард сомдун тегерегинде акча жумшаган делген файлды жарыялаган эле.

23:42 20-02-2019

Автор: Айпери Ганыжан кызы

Жазылуу

РУБРИКАДАГЫ СОҢКУ КАБАРЛАР

21:34 2024-04-29 | Коом жана турмуш

"Заряддагычтын зымы менен сабап..." Кара-Жыгачта эркек киши аялды урган окуянын чоо-жайы 2743 0

20:46 2024-04-29 | Коом жана турмуш

Эртең Оштун кээ бир аймактарында убактылуу электр жарыгы берилбейт (Тизме) 832 0

20:13 2024-04-29 | Коом жана турмуш

Кантты ашыкча колдонуу кайсы ооруларга алып келет? Эндокринологдун жообу 1259 0

19:40 2024-04-29 | Саясат

Садыр Жапаров тоо лыжа кластерин өнүктүрүү боюнча жыйын өткөрдү 487 0

19:04 2024-04-29 | Коом жана турмуш

Унаа мекемеси майрам күндөрдө иштеген бөлүмдөрүнүн графигин жарыялады 602 0

18:41 2024-04-29 | Коом жана турмуш

Өзгөндө сел каптаган жол тазаланды 616 0

Архив

Комментарийлер (3)

Erik2018

2019-02-21 15:00:09

Нурбек Токтакунов деген чуунун үстүндө эле жүрөт экен. Азимжан Аскаровдун адвокаты деген кабарды уккандан бери бул кишини улутун саткан киши деп айтыш керек.

Bektur2011

2019-02-21 15:01:58

шамал болбосо теректин башы кыймылдабайт бирдемеси барда нурбектин ошто кыргыздарды кырган Аскаровго жактоочу болсон туура эмес кылыпсын

filis

2019-02-21 17:06:37

Кандай болгон кундо до Жээнбековтор акыры тубу жооп бере турган куну келет.

Комментарий калтыруу үчүн өз ысымыңыз менен кириңиз же каттоодон өтүңүз.