Сотко нааразы болгон Текебаев менен Чотонов сот залынан чыгарылды

Бүгүн, 27-июлда Бишкек шаарынын Биринчи Май райондук сотунда Өмүрбек Текебаев менен Дүйшөнкул Чотоновдун иши боюнча соттук отурум уланды. Соттук отурумдун башында Текебаев 3 жактоочусу тең ооруп келбегендиктен мамлекет тарабынан берилген жактоочуга каршы экенин айтты.

"Менин 3 жактоочум бар. Алар 5 айдан бери менин соттук иштерим боюнча иштеп келе жатышат. Мага караганда материалды алар жакшы билишет. Нөөмөттөгү жактоочу менин укугумду коргомок болуп бүгүн келип жатат. Атын да билбейт экенмин. Менин соттук материалдарым менен таанышып койгон жок. Кантип анан менин укугумду коргосун. Эгерде соттолуучунун жактоочуга төлөп бергидей акчасы жок болгондо гана мамлекеттик жактоочу жардамга келет. Анда да соттолуучунун макулдугу менен гана. Мени жактоочу кечирип койсун, мен ишенбейм ага. Ошондуктан ишенбөөчүлүк көрсөтөм. Кечээ түштөн кийин мага жөнөтүп, калп болсо да жолуктуруп койбойт белеңер. Азыр келип алып мени менен саламдашкан да жок. Прокурорлор менен сотту карап отурат", - деди Текебаев.

Сот тарабынан дайындалган жактоочу болсо "Текебаевдин мага ишеним көрсөтпөгөнү жалпы адвокатура тармагына шек келтирет. Мен кечээ түнү 23:00гө чейин материалдар менен таанышып чыктым. Ишенбесеңер соттун имаратындагы видеокөзөмөлдөрдөн көрүп алсаңыздар болот. Ал эми өтүнүч боюнча соттун кароосуна калтырам" деди.

Текебаевдин өтүнүчүн сот четке какты.

Ал эми Өмүрбек Текебаев "кайсы мыйзамдарга таянып өтүнүчүмдү четке кагып, сотту улантам деп жатасыңар? Мен соттун улануусуна өз жактоочуларым жок каршымын" дегенде сот Айбек Эрнис уулу отуруусун талап кылды. Ага ачууланган Текебаев "отурбасам эмне кылып аласың, дагы 2 жыл кошосуңбу? Мага 15 жылдан ашык бере албайсың. Сени менен керек болсо соттор кеңешинде сүйлөшөм. Керек болсо отурган кызматыңдан алдырам" деди.

Сот "эгерде менин талабыма макул болбосоңуз сот залынан чыгарып жиберем" деген учурда Текебаев "чыгар анда мени" деп конвойлордун коштоосунда залдан чыгып кетти. Анын артынан Чотонов да чыгаруусун талап кылды. Сот ага "сизди чыгарам деген жокмун отуруңуз" дегенде Чотонов колуна суу куюлган желим бөтөлкөнү алып "мен эмне, чыгып кетүү үчүн мыйзамды бузуп, колумдагы бөтөлкө менен прокурорду урушум керекпи, чыгаргыла мени" деп талап кылды. Андан соң Чотонов да сот залынан чыгарылды.

Айыпталуучулар жок ишти улантам деген сотко Чотоновдун жактоочулары ишенбөөчүлүк келтирди. Мамлекеттик айыптоочулар болсо ишти уланта берүүсүн сотко айтышты. Эки тараптын пикирлерин уккан сот тыныгуу жарыялап, кеңешме бөлмөсүнө чыгып кетти.

Автор: Илязбек Балташев
Фото: Илязбек Балташев

10:52 27-07-2017

Жазылуу

Тектеш кабарлар:

Өмүрбек Текебаевдин иши боюнча биринчи сот отуруму башталууда

Текебаев менен Чотоновдун соту жактоочунун жоктугуна байланыштуу башка күнгө жылдырылды

Текебаевдин сотунда күбө катары көрсөтмө берүү үчүн Убактылуу өкмөттүн мүчөлөрү келишти

Өмүрбек Текебаев менен Дүйшөнкул Чотоновдун соту 2-октябрда уланмай болду

Текебаев "Мегакомдун" жетекчиси Азат Базаркуловдун соттогу көрсөтмөсүндө айткан маалыматтарын четке какты

Маевский: "Текебаев мага "Мегакомдун" 15 пайыз активин бересиң" деген, бирок биз макул болгон жокпуз"

Сот Текебаев менен Чотоновдун иши боюнча отурумду журналисттердин сүрөткө жана видео тартуусуна тыюу салды

Сот Өмүрбек Текебаевди кыргыз тилинен сынакка катышуу үчүн БШКга баруусун камсыздап берүүдөн баш тартты

Текебаевдин сотунда негизги күбө Алексей Модин жанында алып жүргөн 300 миң доллар кайсы түстөгү баштыкта болгонун эстей албады

Өмүрбек Текебаев менен Дүйшөнкул Чотоновдун соту уланууда

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 946 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 832 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3549 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1029 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1744 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 642 0

Архив

Комментарийлер (20)

kechirmeni

2017-07-27 11:06:35

Сот, бийлик аман эле болгула. Бетинер эмес бетинердин соогу да калбаптыр.

+26

arawan

2017-07-27 11:08:24

жогорку жактын буюругун аткарышып жатышат да убакыт отуп ашанын доору буткондо жооп берер кун келет аша болсо кыргыз элибизди 37 миллион долларга карыз кылып кетип жатат

+19

Ibanurkb

2017-07-27 12:43:48

arawan,уфф бардыгына эле Атамбаевди куноологонду
Токтоткулачы !Азыр Бакиев президент болсо корот
Элек эмне болмок Кыргызстан жок калмак ошол учун
Шугур дегиле!

-16

daniel87

2017-07-27 20:55:35

Ibanurkb,эмнеге токтотобуз?АША кыргыз Эли учун эмне кылып койду?мага козго басар хотябы 1ишин факт менен корсотуп койчу! Элдин баары окмотко ишенбейт,колунан Иш келгендер баары талаалап кетиштиго!кайсы заводду иштеттти?1завод ишке кирдиби

Anikin83

2017-07-27 11:16:42

Акыры жооп бересинер саясий заказды аткарып мыйзамды тебелегенинер учун

+11

keba300989

2017-07-27 11:23:23

Бул соттор Сооронбайга ишенип атат окшой, биринчи шайлоодон отсун бийлике анан ишенгиле Кудай буйруса кучтуу президент келет деп умут кылабыз. Атамбаев эки созду бириктирип суйлой албайт Сооронбай кыйратмак беле.

+15

nurbekasr

2017-07-27 11:23:57

Сот эмес эле ХХХ болдуңар.Бетиңер бетондон да катуу экен.Силердин да жооп бере турган күнүңөр келет.Жок дегенде Аллахтан корксоңор боло.Абийри жок өлгөн жеткен ыйманы жок макулук болдуңар сот.Эң төмөнкү ыплас жаман кир сөздөр сот силерге ылайык болду.

+20

kechirmeni

2017-07-27 11:24:36

Охооо Текебаев эптеп чыгып алса жаман кылат го, Ашаны баш кылып Айбекти тош кылып. Чыгып эле алсам чекеден жейм деп ызырынып атса керек

+18

Abdusamat.kg

2017-07-27 11:39:53

Чотонов молодец. А сотко сөз жок.

+11

admiral

2017-07-27 11:42:40

Президенттик шайлоо болуп корбогондой, акылга сыйгыз болуп арам отот да Сооронбайчик уялбай президент болот. Сооронбайдын президент деген эле аты болбосо, аны АША башкарып турары белгилуу болуп калды. Бул бийлик Сооронбектен башканы эл башына койдурбайт! Кыскасы кузундо Кыргызстандын тагдыры чечилет. Адилеттуу келечек учун корошушубуз керек!

+16

Elif2015

2017-07-27 12:00:40

admiral,Ачып айкын жазыпсын. Эч кимди ээрчибей туура тандайлы .Таза шайлоо болсун Аллах жардам Берип Кыргыз элим кыйналбай жакшы жашоо учун курошолу .

tynara81

2017-07-27 14:57:25

Elif2015,сатылбай туура тандайлы деген менен баары бир шайлоо таза өтпөйт. Референдумга деле 80% адам каршы эле, өттү го.

daniel87

2017-07-27 20:57:02

admiral,туура АША болбоду келечек учун акчага алданбай келечекке жакшы умут кылып Таза куйгон инсанды тандайлы

CEO

2017-07-27 11:57:44

Мындай акмак соттор бар экенин коруп билип оозум ачылып отурамын... Айыпталуучу мамлекеттик жактоочуну кабыл алып албоо оз эрки, аны ага тагуулаган мындай т...й сот Кыргызстанда эле табылат...

Айыпталуучулардын озу жок сот отурумун откон сотторду коруп аргасыз баш чайкайсын....

Атамбаев, сен бул сотторду кайсы "мусордон" таап келдин эле айтчы?!!!!

Begmat1992

2017-07-27 12:16:30

Ой акмактар куйбогон жеринди куйгузушотда ушинтип уят озунор арызынды жазып иштен бошоп кетпейсинби ата энене соз тийгизип олтурганча ар намыс барбы бул сот прокрорлордо?

fora

2017-07-27 12:20:12

Аша менен ушул сотда соттолучу убакыт келерин унутбаса Кудай буйруп башка президент келсе жооп берет деген умутобуз

bolush11

2017-07-27 14:40:32

Менин оюмча Политика жүрүп атат Чыныбайды калп эле жамандап өзү президенттике аттанат деп Сооронбайды СДПК койду деп элге жарыя анан эле өзү аттанган Чыныбай президент болуп чыга келсе таң калбаймын бул менин жеке оюм

-1

Razzak.kg

2017-07-27 17:31:04

bolush11,жоок уже мектеп, садиктерде собрание откорушуп СДПКны колдойсунар, Жээнбековду шайлайсынар деп мам.к ишканаларды милдеттендирип эле жатышат булар

Arsenim

2017-07-27 17:08:15

Sot Aibek Ernis uulu senida bir ene kiynalyp toroso kerek kudai bar oilonup iw kylsan bolmok akyikat korunup ele turatko Tekebaev aiyptuu emes al president boluwka tatyktuu alga biz siz menen

daniel87

2017-07-27 20:52:26

Кырг жашоо ушунчалык оор болуп калдыго,байдыкы барман менен,жоктуку Арман менен болуп жатат!Урматтуу Атамбаев кичине уялсаныз ушунчалыкка да барасызбы?сизге каршы чыккандын баарын камай бересизби?сиз Кыргызстан учун эмне кылдыныз?эллин таалалап ар Ким ОЗУ менен озу болуп эптеп тиричилик кылып жатат!кандай онугууу жонундо соз болушу мумкун эмес?эмне кылдыныз

Комментарий калтыруу үчүн өз ысымыңыз менен кириңиз же каттоодон өтүңүз.