Текебаевдин сотунда сот отурумду түнкү саат 12ге чейин өткөрүүгө даяр экенин айтты

Бүгүн, 11-августта Жогорку Кеңештеги “Ата Мекен” фракциясынын лидери Өмүрбек Текебаевдин жана мурдагы элчи Дүйшөнкул Чотоновдун үстүнөн козголгон кылмыш иши боюнча соттук отурум өтүүдө.

Өмүрбек Текебаев сотто жарыш сөзүн улантып жаткан учурда жактоочу Бактыбек Жумашев иш убактысы бүткөнүн негиз кылып, отурумду башка күнгө калтырууну өтүндү. Текебаевдин жактоочусу Чынара Жакупбекова да кесиптешин колдоп бүгүн отурум саат сегиз жарымда башталганын айтты. “Бүгүн сот саат 8:30да башталды. Азыр саат 17:30 болду. Иш убактысы бүттү. Мен кесиптешимди колдойм. Жактоомдогу Текебаев эртеден бери сүйлөп жатат. Мыйзамда төрт сааттан ашык сүйлөөгө болбойт”, - деди.

Ал эми сот Айбек Эрнис уулу: “Бул төрт саат деп чектегидей сурак болгон жок, улантыңыз, эгер токтотсоңуз сизди жарыш сөздөн баш тартты деп эсептейбиз. Керек болсо жарыш сөздү түнкү саат 12ге чейин угабыз”, - деди жактоочуга.

Жыйынтыгында Текебаев жарыш сөзүн улантууга аргасыз болду.

Эскерте кетсек, 2017-жылдын 25-февралында Кыргыз Республикасынын Башкы прокуратурасы тарабынан "Ата Мекен" фракциясынын лидери Өмүрбек Текебаевге "коррупция" жана "алдамчылык" беренелери боюнча кылмыш иши козголуп, ошол эле күнү УКМКнын Тергөө башкармалыгына өткөрүлүп берилген. 26-февралда козголгон кылмыш ишинин алкагында Текебаев менен Чотонов камалган.

Башкы көзөмөл органдын маалыматы боюнча аларга орусиялык ишкер Леонид Маевскийдин арызынын негизинде иш козголгон. Маевский өз арызында Текебаев "Мегаком" иши боюнча 1 миллион доллар алып, аны кайтарбай койгонун айткан.

Прокурор соттон Өмүрбек Текебаевди 10 жылга, Дүйшөнкул Чотоновду 8 жылга эркинен ажыратууну сураган.

Автор: Мунарбек Жоргомов
Фото: Игорь Коваленко

17:47 11-08-2017

Жазылуу

Тектеш кабарлар:

Текебаевдин сотунда Абдрахманов менен Модиндин беттешкен видеосу көрсөтүлүп, көрсөтмөлөрдө дал келбестик чыкты

Сотко нааразы болгон Текебаев менен Чотонов сот залынан чыгарылды

Текебаев: "Маевский Кыргызга 500 миң евро жибергенин Орусиянын коопсуздук кызматы далилдеген жок"

Өмүрбек Текебаевдин иши боюнча биринчи сот отуруму башталууда

Текебаев: "Маевский менен 2 жолу жолуккам. Анын максаты Орусиядан колдоо табуу болчу"

Өмүрбек Текебаев соттон өз паспортун берүүсүн талап кылды

Сайдулла Нышанов: "2011-жылы Өмүрбек Абдрахманов Текебаевден өч алуу үчүн баарына даяр болчу"

Өмүрбек Текебаев мамлекеттик жактоочудан баш тартты

"Мегакомдун" жетекчиси Азат Базаркулов: "Талант Маматкеримов Текебаевге акча берилгендигин айткан"

Жактоочу: "Текебаев менен Чотоновдун ишинде көрсөтүлгөн 55 далилдин баары такталбаган, жалган дооматтар"

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 782 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 695 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3486 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 908 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1684 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 568 0

Архив

Комментарийлер (6)

Leilektik

2017-08-11 17:49:22

Тундосу камайт екенда акыры

Aizattt

2017-08-11 17:51:08

Олуп эле кеткилечи. Колунардан бок келбейт. Чондорубуздун, сотторубуздун кейпи бул болсо башкалар эмнени кылбайт кантип онолобуз. Бул кейпибизде онугуп оспойбуз. Жата бергиле соттошуп. Бети жоктор элди ойлошпойт

meni_kut

2017-08-11 17:59:31

Айба адамгерчиликти биринчи орунга кой,бетеге кетет бел калат,бектер кетет эл калат.

Leilek-razzakov

2017-08-11 18:11:25

Мынчалык эмне шашылыш тунку 12 ге чейин, озунорго керек болсо туну болсо да иштейт экенсинерго. Карапайым элдин иши тушсо саат 17:00 до жумуш убагынар бутот же короткий день деп 14:00 до жоксунарда. Акыры бир нерсени корорунор калдыгоо чиркин.

kirgizstan

2017-08-11 18:15:04

Жаман соттодунарда.
Ушул копко чозулган соттунар же акыйкаттуу чечилсе олойун.
Соттогон киши болуп чайналып эле журо бергиле акчалуунун пешенесин сылап

fora

2017-08-11 18:20:57

Ушул сотко каргыш тиймей болду бирнерсе болотго бул буйрукту аткарам деп

Комментарий калтыруу үчүн өз ысымыңыз менен кириңиз же каттоодон өтүңүз.