Өмүрбек Текебаев сотко: "Мени "мыйзамдын атасы" дейт. Алдай албайсыңар"

Бүгүн, 27-июлда Бишкек шаарынын Биринчи Май райондук сотунда Өмүрбек Текебаев менен Дүйшөнкул Чотоновдун иши боюнча соттук отурум уланды. Анда Текебаев өзүнүн 3 жактоочусу тең ооруп калганын айтып, отурумду башка күнгө жылдырууну сурады. Бирок ага сот макул болбой, нөөмөттөгү жактоочунун катышуусунда ишти улантууну чечти. Ошол учурда экөөнүн ортосунда пикир келишпестик келип чыкты.

Өмүрбек Текебаев: – Мени мыйзамдын атасы деп коёт. Айылдан келген бир баланы ушинтип алдасаңар болот. 45-берененин 4-бөлүмүндө "сот жактоочуну өзү каалап дайындайт" деген жери жок. Кыргыз Республикасынын Конституциясында адамдарга мамлекет тарабынан кепилденген юридикалык жардам качан берилиши керек экенин мен жазгам. Окуп, кичине уялып койсоңор боло. Кайсы жеринде "сот дайындайт" деп турат. 45-беренени мага окуп берчи?

Айбек Эрнис уулу: – Мен сизге ар бир беренени окуп берүүгө милдеттүү эмесмин.

Ө: – Чечимди окуңуз, 45-берененин 4-бөлүмү мына мен окуп берейин.

А: – Кереги жок отуруңуз!

Ө: – Анан кантип эми бул адвокат мени коргойт. "Түнкү саат 11ге чейин иш менен тааныштым" дейт. Мени менен жолукпаса, кеңешпесе...

А: – Текебаев, отуруңуз!

Ө: – Мен бул адвокат менен иштебейм. Бул менин Конституциялык укугум. Адвокатты мага эч ким өзүмдүн адвокатымдай таап бере албайт.

А: – Отуруңуз!

Ө: – Менин жактоочуларым келмейинче сот өтпөөсү керек.

А: – Эгерде менин чечимиме макул болбосоңуз, Жогорку Сотко даттанууга укугуңуз бар.

Ө: – Качан берем?

А: – Соттук иштин аягында бересиз.

Ө: – Иштин аягында мен Сотторду тандоо кеңешине барып мандатыңды алам.

А: – Менде мандат жок.

Ө: – Кызматыңды алам, өзүңдү жоопко тартам.

А: – Сиздин укугуңуз, мен эч нерсе дей албайм.

Ө: – Отуруп алып "өзүм билем" дегендерди көргөм мен.

А: – Отуруңуз!

Ө: – Отурбайм!

А: – Текебаев, отуруңуз!

Ө: – Отурбайм, бул мыйзамсыз.

А: – Эгерде сот залында...

Ө: – Эмне кыласың, 2 жыл кошуп коёсуңбу? 15 жылдан ашыра албайсың. Эмне кыласың, 16 жыл кылып коёсуңбу?

А: – Текебаев, сотту укпасаңыз сот залынан чыгарып коём!

Ө: – Чыгарып кой, өткөрө бер!

Сот Айбек Эрнис уулу конвойлорго Текебаевди залдан чыгарып коюуну айтты.

Текебаев "Өткөрө бергиле, Дүйшөнкул да чыгат" деп залдан конвойлордун коштоосунда чыгып кетти.

Айта кетсек, Өмүрбек Текебаев менен сот Айбек Эрнис уулу 12-июлдагы соттук отурумда да кайым айтышып кетишкен.

Текебаев сотко нааразы болду

Автор: Илязбек Балташев

19:24 27-07-2017

Жазылуу

Тектеш кабарлар:

Чотоновдун жактоочусу: "Ишти кароодо тергөөчү жана соттор Жазык-процесстик кодексте көрсөтүлгөн талаптарды сакташкан эмес"

Текебаев сотто акыркы сөзүн сүйлөп жатат (аудио)

Сот Текебаевдин жактоочуларынын дагы бир өтүнүчүн четке какты

Ай-Данэк Текебаева: "Атам менен жолугуп чыктым, абалы жакшы экендигин айтты"

Текебаев менен Чотоновдун соту 21-сентябрда уланат. Отурумду жылдырууга соттун сасык тумоо оорусу жактоочуга жугуп калганы себеп болду

Жактоочу Текебаевди соттоо боюнча сценарийди ким түзгөнү боюнча пикирин айтты

Өмүрбек Текебаев: "2010-жылы 13-майда "Хаятт" мейманканасында жыйынга катышканымды прокуратура жокко чыгарып жатат"

Текебаев менен Чотоновдун соту жактоочунун жоктугуна байланыштуу башка күнгө жылдырылды

Леонид Маевский сотто: "Мен берген акчаны Модин Текебаев менен Чотоновго тапшырган"

Депутат Өмүрбек Текебаев түзөтүү абагына которулду

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 946 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 832 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3549 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1029 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1744 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 642 0

Архив

Комментарийлер (15)

Nargiza1987k

2017-07-27 19:52:39

Сотттор мойнунан жетелеген иттерден да томон болуп кеттинерго.

+12

muslim87

2017-07-27 20:10:27

Текебаев азамат темир тордун аркасында туруп да укугун коргоп атат. Сот Эрнис уулу креслодо отуруп сот залын башкарып атып да өз укугун билбей кожоюнунун көзүн караган ахотаха ээрчитилген иттей болуп жүрөт. Прокрор эмне десе ошону кылып.

+11

Kuba-savai87

2017-07-27 20:15:33

Урматтуу сот жана бийлик эл билип, коруп эле турат мыйзамсыз иштеп атканынарды жана максатынарды. Уялбайсынарбы, же АША озу айткандай бир жерлерин кысып иштешпесе жаман болот. Кудай колдойт Омурбек.

+11

Mers124

2017-07-27 20:57:26

Текебаевдей болуп, ар ким озунун укугун коргосо соттор онолот беле.

+10

zhyldyzbek88

2017-07-27 22:06:19

Азамат ушул Текебаев. Ушул кишидей оз укугун коргогон,сотко тике карап укугун талашкан киши аз элего элибизде.Мыйзамсыз иштеген сотторду Аллахым озу жазаласын. Ак ийилет бирок сынбайт.

islam2016

2017-07-27 22:20:48

текебаевди бийлик тараптан кысып жатышат ептеп шайлоого катыштырбас учун.текебаев чыгат коросунор.егер атамбаев озунун адамын президентке олтургузалбаса анда олду дейбергиле текеден сузуло берип олот.

portugalia

2017-07-28 09:21:39

Соттор келечегинерди ойлосонор боло.Силер да камаласынар бир кун ак иштебесенер.

dinikyz

2017-07-28 10:19:51

Соттой албагандан кийин эмнеге эле сотун узартып жатасынар

Best.bakyt

2017-07-28 11:44:08

Байкуш сот шефтин буйругун аткарам дем журуп, шеф кткенде Текебаев моюнунду бурап салаар бекен. Арына ченеп эле иш кылсанчы омур бою сот болуп турчудай кердендебей.

Дарыгер

2017-07-28 12:16:30

Текебаевди эн туура кылып камап жатышат. Убагында коллегаларын, ЖКнын депутаттарын Аида С. Камап жалган жалаа жаап жатканда Текебаев унчукпай отурган. Эми ууру түрмөдө отурушу керек. Ушул соттук процесс жөн эле жерден чыккан жок. Соттолуучулардын күнөөсү бар да

Дарыгер

2017-07-28 12:16:54

Соттор азаматсыңар

-3

SansaNePredaiJohna

2017-07-28 14:03:31

конституция жоголуп кетти элего .
анан же текебаев камалбады же ушул сот кетпеди.
атамбаев дагы отпускага чыгыптыр. 3айда бир конференция откоруп коет. атамбаевда уйат деген барбы? дем алыш ала береби.
кароч мне лично пофиг у меня ест работа. просто калган Кыргызстандык карапайым элди коруп борун ачыйт. Бир онолотурган капатаси жок.
Анан оштун аеропортундагылар айбансынар . аны себебин кийинкиде айтып берем

legion-arbat

2017-07-28 14:10:58

Теке жаман озун герой сезип алганбы атасымын деп..

daniel87

2017-07-28 21:20:59

legion-arbat,Текебаев атасы туура Текебаев Крдин конституциясынын 80%жазат анан Ким атасымын деп талашат?

bakulya2015

2017-07-29 12:04:55

Бул бийлик азыркы кундөрүн ойлоп жатат. Кийин өкүнүп калуулары мумкун.

Комментарий калтыруу үчүн өз ысымыңыз менен кириңиз же каттоодон өтүңүз.