ЖЭБге кеткен миллиондорду иликтеген депутаттык комиссиянын жыйыны үзгүлтүккө учурады

Бүгүн, 3-апрелде Бишкек жылуулук электр борборунун 386 миллион долларлык курулушун иликтеген депутаттык комиссиясынын жыйыны үзгүлтүккө учурады. Буга Кытайга барып, ТВЕА компаниясы менен таанышып келген депутаттардын бүгүнкү жыйынга чакырылып, бирок келбегени себеп болду. Алар: Чыныбай Турсунбеков, Азамат Арапбаев, Мурадыл Мадеминов жана Исхак Пирматов.

Кытайга барып келген Осмонбек Артыкбаев гана жыйынга катышты. Ал 2013-жылы ТВЕАнын ишмердүүлүгү менен таанышып келүү үчүн Кытайга эки депутаттык делегация барганын айтты.

Депутаттык комиссиянын мүчөсү Мыктыбек Абдылдаев жыйынга чакырылган депутаттардын келбей калышына нааразы болду.

“Чакырылган кесиптештерибиздин келбей калышы өтө өкүнүчтүү. Биз ЖЭБдеги кырдаал боюнча аткаруу бийлигиндеги адамдарды гана укпастан өз кесиптештерибиздин да калыс сөздөрүн угуп коюуну туура көргөн болчубуз. Ошондуктан алардын да оюн угуп, андан кийин жыйынтыктоо керек деп ойлогонбуз”, - деди Абдылдаев.

Комиссия төрагасы Улан Примов башка күнү комиссиянын кезексиз жыйынын өткөрүүнү сунуштады. “Ар кандай себептерден улам келе алышкан жок. Бирок комиссиянын корутундусу даярдалып жатат. Эртең же дагы башка күнү кезексиз жыйынга чогулуп, алардын оюн угуп, чечим кабыл алабыз”, - деди Примов.

Комиссиянын мүчөсү Алмазбек Токторов эртең парламенттин жалпы жыйынында бул маселени кароону сунуштады. Примов бул сунушту эртеңки жыйында көтөрө турганын айтты.

Эске салсак, 26-январда Бишкек ЖЭБинде авария болуп, шаардагы үйлөргө берилген жылуулук 7 күнгө төмөндөгөн. 386 миллион долларлык ЖЭБдин курулушу, ЖЭБдеги авария, өкмөттүн күз-кыш мезгилине даярдыгын иликтеп чыгуу боюнча парламентте депутаттык комиссия түзүлгөн.

Депутаттык комиссиянын курамына төмөнкүлөр кирет:

"Өнүгүү-Прогресс" фракциясынан - Исхак Масалиев;

КСДП фракциясынан - Төрөбай Зулпукаров, Данияр Аттокуров, Аида Касымалиева, Улан Примов, Аалы Карашев;

"Бир Бол" фракциясынан - Мыктыбек Абдылдаев;

"Ата Мекен" фракциясынан - Сайдулла Нышанов;

"Республика-Ата Журт" фракциясынан - Айбек Алтынбеков, Акылбек Жамангулов, Умбеталы Кыдыралиев;

"Кыргызстан" фракциясынан - Исланбек Сарсейитов, Алмазбек Токторов.

Автор: Жамалидин Парманкулов
Фото: Жамалидин Парманкулов

15:40 03-04-2018

Жазылуу

Тектеш кабарлар:

Улуттук энергетикалык холдинг: "ЖЭБдеги камералардын баасы 14,5 миң доллар эмес, 300 доллар. Аларды орнотууга 1 миллион доллардан ашуун каражат кеткен"

ЖЭБ чыры: Депкомиссиянын мүчөсү келишимде мүчүлүштүк кетирген чиновниктерди атады

Курманкул Зулушев: "ЖЭБди жаңылоого жумшалган каражаттар боюнча чекит коюшубуз керек"

Сапар Исаков: "Эмне үчүн жаңыланган от казандары дароо ишке киргизилбегени боюнча менде да суроо туулуп жатат"

Кытайдын элчиси "Жогорку Кеңештеги биз тууралуу айтылган сындар бизди капа кылууда" деп айтканы белгилүү болду

Жогорку Кеңеш Бишкек ЖЭБдеги кырсык боюнча маселеге кайрылат

Бишкек ЖЭБге Кытайдан жабдыктарды алып келүү иштери бажы жана башка салыктардан бошотулган

Өкмөттүн күз-кыш мезгилине даярдыгына "жетишерлик эмес" деген баа берүү сунушталды

ЖЭБ: Осмонбек Артыкбаев ЖЭБ боюнча Исаковдун колу менен президенттин тапшырмасы келгенин айтты

КСДП: "Сапар Исаков Кытайга 46 же 16 жолу эмес, 4 эле жолу барган"

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2184 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 224 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1195 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2862 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1188 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1158 0

Архив

Комментарийлер (9)

Rifle_I

2018-04-03 16:01:59

Арты кир болсо келе албайт кезексиз жыйынга да.
Жегендин баарын камап, төлөтүш керек. Карыз энесинин оюну эмес.

kechirmeni

2018-04-03 16:09:52

АША нын таасири явно билинип атат, себеби иликтесе барып ошого такалып атат да анан буларды давить этип атса керек

+13

nur...nur.

2018-04-03 16:22:08

Эх акыры жабылат экен да, жегендерди толотсо болот эле корунуп эле турат акча жеп койушканы

kechirmeni

2018-04-03 16:25:06

АША турганда Кыргызстан онукпайт окшойт, комиссиянын деле оозун жаап коюшат го бул кетиште

Rifle_I

2018-04-03 16:39:01

Самалет кулаганда топтолгон акчалар каякка жумшалды ?

nurbekasr

2018-04-03 16:47:54

Бул немени АША уюштуруп жатат белгилүү эле себептери.Биздин саткын депутаттарды АША чычып богуңу же десе жейт.Эмне үчүн Атамбайыпка тең келе турган адам жок ия?жиндиге жинди адам эмне үчүн чыкбай жатат.Мынтип олтурсак ХХХХХХХХХХ өнүкбөйбүз.Мирзоёевди көр 45 күндө бир айылды курду,аа биздикилер ХХХХХХХХ албай жүрүшөт.Админ кечиресиңер күйгөнүмдөн алам болуп ыйлап жаздым качан оңолобуз деги?Чоңдор эсиңерге келип иштегилечи таза,акыры адамбыз го монстр эмесбиз.

ady-88

2018-04-03 16:52:23

Чогуу эле жегенбиз деп ачыгын эле айтып койбойбу кыйналбай

arawan

2018-04-04 03:27:47

акыры бир сом учун жооп бересинер кытайлыктардын сыйын коруп алып булардын кылган ишин кара жээнбеков эл учун иштеп жаткан болсон эрдигинди коргозчу бийлик колдо го эх депутаттар 120 суук болбосо быйыл ким билди болмок экен да

arawan

2018-04-04 03:35:22

ар кимдин оз намысына коюш керек эч кимиси куноолуу эмес болуп чыга келет мирзиоёев путин рахмон бердымухамедов назарбаевтерден улгу алган бир чиновник жок жесе дагы кылып жесе сонун болот эле го акыркы 10жылда бир завод же бир спортивный зал сала алдыкпы албетте жок газпромду эске албаганда коншу олколор олимп оюндарын откоруп жатышат

Комментарий калтыруу үчүн өз ысымыңыз менен кириңиз же каттоодон өтүңүз.