Бишкек шаардык сотунда Сапар Исаковдун баш коргоо чарасы жабык өтүүдө

Бүгүн, 13-июнда Бишкек шаардык сотунда мурдагы премьер-министр Сапар Исаковдун баш коргоо чарасы жабык өтүүдө.

Соттук отурумга анын жактоочусу Нурбек Токтакуновду киргизбей койгонуна сотко келген жарандар нааразы болду. Жыйынтыгында соттун уруксаты менен Токтакунов кирди.

Сотко Жогорку Кеңештин КСДП фракциясынан депутат Мурадыл Мадеминов, Асел Кодуранова келди.

Эске салсак, Исаковго 29-май күнү "коррупция" беренеси менен айып тагылган. Учурда тергөө иштери уланууда.

Айта кетсек, 5-июнда Сапар Исаков УКМКга бешинчи ирет суракка чакырылып, ошол күнү соттун чечими менен тергөө абагына камакка алынган.

Буга чейин 26-апрелде Сапар Исаков Бишкек ЖЭБ боюнча козголгон кылмыш ишинин негизинде күбө катары УКМКда сурак берген. "Бишкек ЖЭБи боюнча менин күнөөм бар деген сөздөр чындыкка дал келбейт", - деп билдирген. 14-майда Сапар Исаков экинчи жолу суракка барган. Анда УКМКга кирип баратып "саясий куугунтук болуп жатат" деп айткан.

Белгилей кетсек, 26-январда Бишкек ЖЭБинде өндүрүштүк кырсык болуп, шаардагы үйлөргө берилген жылуулук 7 күнгө төмөндөгөн. Мындан улам бир жыл мурун Кытайдан алынган 386 миллион доллар менен жаңыланган ЖЭБге карата сын-пикирлер күчөгөн. Бул факты боюнча кылмыш иштери козголуп, тергөөнүн жүрүшүндө бир топ жооптуу кызматкерлер кармалган.

Автор: Бекболсун Молдояр уулу
Фото: Бекболсун Молдояр уулу

17:39 13-06-2018

Жазылуу

Тектеш кабарлар:

Бүгүн Сапар Исаковдун камактагы мөөнөтү узартылышы мүмкүн

Бүгүн Биринчи Май райондук сотунда Сапар Исаковдун баш коргоо чарасынын мөөнөтүн узартуу боюнча арыз каралат

Сапар Исаков бүгүн эртең менен ооруканадан УКМКнын СИЗОсуна которулду

Сапар Исаковдун адвокаттары Нурсулуу Ахметованы суракка чакырууну өтүнүштү

Бишкек ЖЭБиндеги коррупция. Айыпталуучулар 15 жылдан ашуун убакытка эркинен ажыратылышы мүмкүн

Карамушкина: "Сапар Исаков, Кубанычбек Кулматов, Осмонбек Артыкбаев менен жолугуп келдик. Алар мыйзам бузган болсо жооп берүүгө даяр экендигин айтып жатышат"

Бишкек шаардык соту Сапар Исаковду эки ай камакта калтыруу чечимин күчүндө калтырды

Сапар Исаков УКМКга суракка кайрадан чакырылды

Сапар Исаков: "Саясий куугунтук болуп жатат"

УКМК: "Сапар Исаковго Тарых музейи боюнча да айып тагылды"

РУБРИКАДАГЫ СОҢКУ КАБАРЛАР

14:54 2025-05-02 | Спорт

Денис Петрашов АКШда өткөн мелдеште алтын медаль утуп, Кыргызстандын рекордун жаңылады 30 0

14:30 2025-05-02 | Коом жана турмуш

Кыргызстандык окуучулар Балкан математика олимпиадасында 5 медалга ээ болушту 117 0

13:58 2025-05-02 | Коом жана турмуш

Көк өрүктүн базарда каптарга салынып сатылып жаткан видеосу тарады (видео) 607 0

13:21 2025-05-02 | Түркүн дүйнө

Май айында беш күн магниттик бороон болору айтылды 545 0

12:47 2025-05-02 | Кылмыштар, кырсыктар

Бишкекте оюн-зоок унаасы менен самокат сүзүштү (фото) 515 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 485 0

Архив

Комментарийлер (2)

Ermekbai

2018-06-13 17:49:52

Колдоп келген адамдар каяктан келишти Сапардын жегенин элдин баары көрүп турса. Бир пачкасын берсе келебереби же.

Azatbek.Svoboda.

2018-06-13 22:00:16

Мамлекетибизде жумуш орундары жок. Карапайым калк ким акча берсе ошону ээрчип кете беришет.Эмне кылышсын айла жок күнөөсү бар экенин билишсе да күнөөсүз деп кыйкырып кыйкырып койушуп акчасын алып келе беришет акча берсе күндө да чыга беришет. Аны жемкорлор билишет кантип элди колдонушту!

Комментарий калтыруу үчүн өз ысымыңыз менен кириңиз же каттоодон өтүңүз.