Чүй ОИИББи: "Бурулайдын өлүмүнө шектелген жигит аны ала качканын билет, бирок өлтүргөнү эсинде жок"

Бурулайдын өлүмүнө шектелген жигит күнөөсүн толугу менен моюнуна алган жок. Бул тууралуу Чүй ОИИББинин тергөө бөлүмүнүн башчысынын орун басары Жыпара Исабекова 17-июлда өткөргөн маалымат жыйынында билдирди.
Анын айтымында, шектүү тергөөчүлөргө берген көрсөтмөсүндө кызды ала качканы гана эсинде бар экенин айтууда.

"Ал берген көрсөтмөсүндө кызды унаага олтургузуп ала качканын гана айтып жатат. Ал эми денесине оор залал келтирип өлтүргөнү эсинде жок. Ага атайын психиатриялык экспертиза жүргүзүлдү, акыл-эси ордунда экен", - деди Исабекова.

Жыпара Исабекова маалымат жыйынында SUPER.KG'нин берген суроолоруна жооп берип жатып кылмыш ишине катыштыгы бар деп шектүү баланын досу да кармалып камакка алынганын айтты.

Эске салсак, ушул жылдын 27-майында 29 жаштагы жигиттин кызды ала качып бара жаткандыгы боюнча Биринчи Май РИИБине кабар келип түшкөн. Мындан көп узабай Сосновка айылындагы посттон Чүй ОИИББинин кызматкерлери Subaru Outback үлгүсүндөгү унааны токтотуп, 29 жаштагы жигиттин 20 жаштагы кызды үй-бүлө куруу максатында ала качып бара жатканын аныктап, Жайыл РИИБине жеткиришкен. Милиция бөлүмүндө жигит кызды бычактап, андан кийин өзүнө да бир нече жолу бычак сайып жиберген. Кыз алган жаракатынан улам көз жумган. Ал эми жигиттин кесиптештери анын ичимдик ичпеген, ишине так бала экенин билдиришкен. Анын абалы оор экенин Жайыл райондук ооруканасынын башкы дарыгери айткан.

Бул окуя боюнча Жайыл райондук прокуратурасы Кылмыш-жаза кодексинин 316-беренеси (шалаакылык) боюнча Жайыл РИИБинин кызматкерлерине кылмыш ишин козгогон.

Автор: Жамалидин Парманкулов

22:38 17-07-2018

Жазылуу

Тектеш кабарлар:

Бурулайдын өлүмү боюнча соттук отурумда эки тарап жарыш сөзгө чыгат

Милиция бөлүмүндө бычакталып каза болгон кыздын атасы: "Буга чейин да ал жигит кызымды эркине каршы ала качкан"

Милиция бөлүмүндө Бурулай Турдали кызын өлтүрдү деп шектелген Марс аттуу жарандын апасы окуя боюнча пикирин билдирди

Бурулайдын өлүмү боюнча соттук отурум: Марс Бөдөшов "Бурулайга бычак сайган эмесмин" дейт

Бурулайдын өлүмүнө шектүү Марс Бөдөшовду өмүр бою эркинен ажыратуу суралды

Төкмө акын Бурулайга арнап ыр төктү

Милиция бөлүмүндө алгач кызга, андан соң өзүнө бычак сайган жигит жандандыруу бөлүмүнөн палатага которулду

Бурулайдын өлүмү. Жабырлануучу тарап райондук соттун чечимине каршы арызданышпайт

Бурулайдын өлүмү боюнча милиция кызматкерлеринин жоопкерчилигин караган соттук отурум 28-январда уланат

Бурулайдын өлүмү боюнча соттук отурум: Айыпталуучулардын жактоочусу соттук кароо бир тараптуу жүрүп жатканын айтып нааразы болду

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 827 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 518 0

16:22 2025-05-09 | Супер-Инфо

Геморрой жана анын түрлөрү 549 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1801 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 641 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1188 0

Архив

Комментарийлер (14)

Gulnyr19

2018-07-17 22:42:05

Чырактай мөлтүрөгөн сулуу кыз эххх жаткан жериң жайлуу болсун. Күнөөкөрлөрдү Аллахым өзү жазаласын.

mentol

2018-07-18 04:06:51

Gulnyr19, жаткан жери жайлуу болсун! Чырактай молтурогон кыз болгону учун конул буруу коп болду, болбосо кыз алакачуу деп мындай эле четте калып кетмек олуп атса деле

asman.81

2018-07-17 22:43:53

Бироонун алпештеп баккан чырактай кызын олтуруп алып,билмексен болот,айбан!.Ушинтсем жазадан оной кутулам деп ойлоп атса керек да.Пенденин,соттун жазасы эч нерсе эмес,Кудайдын жазасын тартып кал!!!

RuslanaG1

2018-07-19 12:25:12

asman.81,ошону айтсан эчтеке билбейм деп

O.dembele

2018-07-17 22:53:45

Милициалар өздөрү күнөөлүү окшойт

+13

Matahara1980

2018-07-17 23:04:36

Иииии шумшук да шумшук ууру тойгончо жеп олгончо карганат болбогучачы арамдар, мойнуна алып койда кылганын эгоистенип олтуруп салдын бироонун татына кызын, эми мойнуна алып чирип жжата берда турмодо. Олгондун оз шору дейт, кызга жалко, абдан жалка , олтуруп коюпта мойнуна алгысы келбей жатат какбаштын

Elnura08

2018-07-17 23:15:20

Ала качканын билип,олтургонун билбей аткан болсо,анда,милициялар да аралашкан,если ОЗУ олтургон болгондо коркконунан мойнуна сразу эле алат болчу да,бул жерде милициялардын секрети бар.

+14

Matahara1980

2018-07-17 23:23:01

Балакеттей эле эсинде да, анткорлонбо шумшук билбейм демиш болуп кутулуп кетеин деп атасынбы башынды жегир, бирок кан кутултбайт., кудай кутказбайт, ушуну бил шумшук, сенинда эже карындашыны олтуруп кетиши мумкун, жашоо бумеранг шакал

Colella

2018-07-18 00:08:09

Бир нерсеге тушунбойм, милициялар аралашты дешет, эмне себебтен милициялар кызды олтуруп коюшу мумкун?!

karakyz23

2018-07-18 00:24:08

Элдер мен дагы ушундай деп ойлойм милицияларда кунооооо

Oreanda

2018-07-18 00:46:20

Менин да аябай башым катат,милициялардын кандай кызыкчылыгы бар Бурулайды олтургонго деп,тиги балага да аябай уйротушконго ушундай корсотмо бересин,башка эч нерсе айтпайсын деп.Татаалдашып баратат,Алла Таалам колдоп,акыйкат иликтенип,ушул кылмышка аралашкандар баары жазаларын алышсын.Ата энеси, жакындары кан жутуп отурушат, акыйкаттык болсо экен.

umar.kgz

2018-07-18 00:55:30

милициялар күнөөлүү

RusMos76

2018-07-18 00:59:53

Акыл эси жайында болсо не ала качат

Ergeshev.77

2018-07-18 04:53:59

Тан калыштуу эмнеге жаш кыздар каза болсо бут олко угат ага себепкерлер табылбайт бул жерде милиция гана кунолуу кокурогуно Б+Н дер жазганга чейин маркумдан ун чыккандыр кыйналып атканда же бизде милицияда дулойлор иштейби???

Комментарий калтыруу үчүн өз ысымыңыз менен кириңиз же каттоодон өтүңүз.