Прокурордун өлүмүнө шектелген чиновниктин жакыны: "Биздин каршылыгыбызга карабай инимди аңчылыкка прокурорлор өздөрү чакырып кеткен"

Баткен облусунун прокурорунун өлүмүнө шектүү катары кармалган облустук капиталдык курулуш башкармалыгынын башчысы М.Калыковдун жакындары бүгүн, 19-ноябрда үн катты. Эжеси Дариха Калыкованын SUPER.KG'ге билдиришинче, Калыков жакындарынын каршылыгына карабай аңчылыкка прокурорлордун чакыруусу менен кеткен.

"Окуядан бир күн мурун иним менен тойдо отурдук. Ошол учурда иним "прокурор аңчылык уюштуруп бер деп чакырып жатат" деп айтып калды. Апам экөөбүз "алар менен эмне тиешең бар, барбайсын" деп айтканбыз. "Барбасам болбойт" деп 17-ноябрь күнү эртең менен аңчылыкка чыгып кеткен. Тилекке каршы, эми минтип прокурордун өлүмүнө шектелип жатат. Ал жерде жалгыз эле менин иним эмес, облустун жана райондордун 7-8 прокурору болгон экен. Ошончо киши өз жетекчисин коргой албаса, биздин укугубузду кантип коргойт?

Иним мындай кылмышка барганына ишенбейбиз. Жакшылык кылса кылат, бирок жамандыкка колу барбайт. Керек болсо адам өлтүрмөк турсун, тоок, кой соё албайт. Ал үйдө жалгыз уул болгондуктан, өтө кичи пейил болчу", - деди эжеси Калыкова.

Облустук милициядан кабарлашкандай, прокурор Мамажакыповдун Лексус 470 үлгүсүндөгү унаасы 17-ноябрь күнү кечинде Баткен шаарынын Т.Турмаматов көчөсүнөн табылып, сыртында канга окшогон тактар бар экендиги билинген. Издөө иштеринин натыйжасында прокурордун жансыз денеси 18-ноябрь күнү таңкы саат 6:30да шаардын Кызыл-Жол кварталынын батыш тарабындагы Танги-Өтөк участкасы жактан табылган. Анын өлүмү боюнча эки кылмыш иши ачылып, шектүү катары Баткен облустук капиталдык курулуш башкармалыгынын башчысы М.Калыков кармалып камакка алынды.

Баткен облусунун прокурору киши колдуу каза болду

Автор: Жамалидин Парманкулов

07:33 20-11-2018

Жазылуу

Тектеш кабарлар:

Башкы прокуратура: "Баткен облусунун прокурорун өлтүрүүнү өзүнүн орун басары уюштурган деген маалыматтар аныкталган жок"

Баткен облусунун прокурору Анарбай Мамажакыповдун өлүмү боюнча соттук отурум башталды

ИИМ: "Баткен облусунун прокурорунун өлүмүнө Калыковдун түздөн-түз тиешеси бар"

Баткен облусунун прокурорунун өлүмүнө шектүүнүн жакындары жардам сурап эл аралык уюмдар менен 20дай элчиликке кат жазды

Баткен облустук прокурорунун өлүмүнө байланыштуу анын эки орун басары жана бөлүм башчылары жумуштан алынды

Президент прокурордун өлүмү тууралуу: "Шектелген киши менен чогуу жүргөн туура эмес"

Киши колдуу болгон облустук прокурордун өлүмү: Окуянын чоо-жайын билүү үчүн башкы прокурор Баткенге барды

Баткен облустук прокурорунун өлүмүнө шектүү Калыковдун арызы анын катышуусу жок каралууда

Киши колдуу болгон прокурордун атасы: "Уулум окуядан бир жума мурун келин алып, той өткөргөн. Ал коррупциянын курмандыгы болуп калды"

Баткен облусунун прокурору киши колдуу болуп каза болду. Анын жансыз денеси суу сактагычтын жанынан табылды

РУБРИКАДАГЫ СОҢКУ КАБАРЛАР

19:58 2025-06-09 | Саясат

Адылбек Касымалиев Өзбекстанга жумуш сапары менен барат 21 0

19:36 2025-06-09 | Коом жана турмуш

Чолпон-Атада Азия өлкөлөрүнүн өкүлдөрү ак илбирсти коргоо үчүн чогулушту 83 0

19:12 2025-06-09 | Коом жана турмуш

«Окууга эч качан кеч болбойт». Ошто 88 жаштагы студент Мамат Кулматов окуусун аяктады 442 0

18:52 2025-06-09 | Коом жана турмуш

10-июнга карата аба ырайы 214 0

18:07 2025-06-09 | Коом жана турмуш

Бишкекке июлда жаңы 90 электробус келет 273 0

17:47 2025-06-09 | Коом жана турмуш

Ошто жаңыланган Жапалак унаа базары жакында ачылат (видео) 520 0

Архив

Комментарийлер (10)

KRIMINAL

2018-11-19 16:58:17

Lexus470 мм....

rysik79

2018-11-19 17:23:10

Жаткан жериниз жайлуу болсун!

Abdizhapar

2018-11-19 17:28:45

Актана берет да ошол тоок кой соё албагандардын ХХХХХХХХХ

PROS

2018-11-19 17:45:09

Тоок, кой соё албаган адам, аңчылыкка жаныбар атканы барбаса керек эле? Бул жерде көп кыңыр иш бардай го…

Chagylgan2

2018-11-19 18:05:27

Эмне, облус акимият кызматкерлери, прокурорлор суббота куну иштешпейби?!!

Экинчиден анчылык кылуу учун кайсы биринин лицензиясы бар экен?!!

Ушул 2 суроого жооп берип койгулачы, актанаардан мурун.......

Tyty1990

2018-11-19 19:17:27

Оа тим эле периште. Энеси өппөгөн кыздай таза. Прокурору да таза эмес. Прокурорлорду билип эле жүрөбүз 200.000деп долларларды алып эртеси ооруп калгандарын.

tynara81

2018-11-19 19:44:08

Кандай негиз менен ошончо адамдын ичинен ошол киши кармалган өзү ?

Gulnyr19

2018-11-19 20:17:47

Болушу мүмкүн көптөп өлтүрүшүп койуп

Mars575

2018-11-20 10:40:22

Ишенбесер айтсын мыкаачы ининиз, ал жалгыз эмес. Чындыкты айтсын анда, жарылсын

Altun76

2018-11-20 11:59:18

Mars575,Туура айтасын, ачыгын айтпаса жон чыгууга жол жок

Комментарий калтыруу үчүн өз ысымыңыз менен кириңиз же каттоодон өтүңүз.