"Ош базарындагы" жыл башынан бери төртүнчү өрт кырсыгы. Ый менен таңды тоскон соодагерлер

Бишкектеги "Ош базарынын" аймагында 4-декабрга караган түнү жыл башынан бери төртүнчү ирет өрт кырсыгы катталды. Ый менен таңды тоскон соодагерлер учурда өрттүн калдыктарын тазалоо менен алек.

Алдын ала берилген маалыматтарга ылайык, өрттүн кесепетинен орто эсеп менен 40ка жакын соодагер жабыркаган. Алардын басымдуу бөлүгү товарларын, ага сарпталган каражатты насыяга алгандарын айтууда.

Үн-сөзсүз ыйлап, маңдай тер менен жылдап чогултулган акчага алган товары күл, кара көөгө айланганына ичи ачышкан Уулкан эже көпкө чейин жолдун четинде көз жашын аарчып турду. Жанына басып барганыбызда гана күйүтүн айтып жеңилдегиси келдиби, терең үшкүрүнүп "Кудай сактасын! Бизде өрт болбойт" деп иштеп келгенин айтты.

"Акыркы 4 жылдан бери жынсы шымдарды, күрмөлөрдү сатып келгем. Түндө кошуналарым "өрттөнүп жатат" деп чалды. Түнкү 1де бул жерге келсем, эч нерсе калбаптыр. Анын үстүнө бизди ичине киргизбей койду. Жакында эле уулумдун атынан 500 миң сомго насыя алган болчубуз. Жекшемби күнү 32 миң сомго жынсы шымдарды алып келип контейнерге койгом. Андан сырткары толтура күрмөлөрүм күйүп кетти, жайкы кийимдер да бар болчу. Эми эмне кылам? Эч нерсем калган жок! Бир тыйыным жок калдым!" - дейт ызаланган Уулкан эже.

Анын айтымында, буга чейин базар ичинде өрттөн жабыркагандарга эч кандай жардам берилген эмес.

"Эч нерсем калган жок, баары күйүп кетти" дейт жарым миллион сомго жакын товары күйүп кеткен Элчибек мырза.

Дагы бир соодагер баарын жоготконун айтып ыйлап жатты. Аны сооротууга бир топ бейтааныш адамдар жана анын жанында иштегендер дагы аракет кылды, бирок ал басылган жок.

Белгилей кетсек, 4-декабрга караган түнү "Ош базарында" өрт чыккан. Өрт чыкканы тууралуу маалымат Өрт өчүрүү кызматына саат 23:39дар чамасында келип түшкөн. Аймактык тескөөчү кечээ базар жабык болгонун жана өрт чыккан аймакта ширетүү иштери жүргүзүлгөнүн билдирген.

Жыл башынан бери аталган базарда төртүнчү жолу өрт кырсыгы катталууда. Буга чейин "Ош базарында" 3 жолу өрт кырсыгы болгон. Биринчи жолу 30-январда эртең менен базардын борбордук бөлүгүнүн кире бериш жериндеги Киев-Бейшеналиева көчөлөрүнүн кесилишиндеги павильондон чыккан. Андан кийин март айында ошол эле жер, "Сейтек" соода борбору өрттөнгөн. 13-апрелде базардагы "Берекет" соода түйүнүндө өрт чыгып, бир нече соодагерлер миллиондогон чыгымга учурашкан.

Ош базарындагы өрт 40 соодагерди жумушсуз калтырды

Ош базарындагы өрт кырсыгы

Автор: Мальвина Уметбекова
Фото: Мальвина Уметбекова

07:32 05-12-2018

Жазылуу

РУБРИКАДАГЫ СОҢКУ КАБАРЛАР

18:13 2025-07-05 | Түркүн дүйнө

Трамп TikTok'ту сатып алуу келишими даяр экенин айтты 1080 0

17:10 2025-07-05 | Коом жана турмуш

Таңкы рейдде Оштун мэри дагы бир көчөгө асфальт басууну чечти (видео) 1514 0

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 1906 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 1736 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 867 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 1732 0

Архив

Комментарийлер (8)

Elaman_Arypov

2018-12-04 15:27:22

Акча табылат, Ден соолук табылбайт Аман калганынарга шугур кылгыла

aidinaernur

2018-12-04 15:29:24

Мумкун кырсык мумкун атайын жасалган иштир
Эмнеси болсо да карапайым эл азабын тартып атат.

Kyrgyz_bloger

2018-12-04 15:34:41

Тортунчу ирет кырсык болушу мумкун эмес атайын эле орттоп жатышат 3-4 кабаттуу соода борборлорун салат дагы бир чон бизнесмен

Paprikafm

2018-12-04 16:05:26

Ош базарынан бир отоло чыгып кеткилечи

-3

taalay25

2018-12-04 16:08:21

Соода укук маданияты качан бизде ишке ашат. Жоопкерчиликти эми эч мойнуна албайт. Страховка жок. Базар башчысы да мамлекет да жоопкерчилик тартбайт.

33SUUN

2018-12-04 23:19:43

Алтын башын аман болсо акча табылат.Эч нерсем калбады деп окуруп бакырып ыйлаган болбойт.

-1

sabyr86

2018-12-05 08:35:15

Ушунча куйуп эчнерсе жок калгыча пожарный деген каякты карайт тушунбойсун. бир байкуш мамлекет болдук го жада калса базардан чыккан ортту очуро албаган соссуз эле кул болуп калыш керек бизде.

kimsanbek

2018-12-05 10:05:11

базардын ичине пожарный эмес адам зорго кирет анан кантип очурсун!

Комментарий калтыруу үчүн өз ысымыңыз менен кириңиз же каттоодон өтүңүз.