"Жайкы бут кийимчен кызматкерлер". УКМК Зилалиевдики делген акчалар банктан качан чыгарылып кеткенин айтпай жатат (толукталды)

Кечээ, 11-декабрда УКМК коммерциялык банктардын биринде мурдагы вице-премьер-министр Дүйшөнбек Зилалиевдики делген 889 миң 900 доллар акча чыгарылып жатканда тартылган видеону интернетке тараткан.

Анда бул акчаны Зилалиев 2018-жылдын сентябрына чейин сактап жүргөнү айтылат. Мындан тышкары видеодо кызматкердин "15-августтан тарта 76-буйруктун негизинде бүгүн Зилалиев Дүйшөнбек Текшербековичтин банктагы ячейкасын ачып жатабыз" деп айтканын угууга болот.

Видео жарыялангандан кийин интернет-колдонуучулар кызматкерлердин жайкы бут кийимине көңүл буруп, "акчалар банктан жай айларында эле чыгарылганбы?" деп суроо салышууда. Аталган суроолор менен SUPER.KG бүгүн, 12-декабрда УКМКга кайрылды. Бирок бул мекеменин басма сөз кызматынын жетекчиси Рахат Сулайманов тергөөнүн кызыкчылыгы үчүн мындай маалыматтар берилбей турганын билдирсе, дагы бир өкүлү Кубан Арзыкулов видео Дүйшөнбек Зилалиев кармалгандан кийин тартылганын айтууда.

Мурдагы вице-премьердин жактоочусу Учкун Каримов SUPER.KG'ге Зилалиев ал акчаларды кайдан тапканын так айта алган жок. Бирок Зилалиевдин сөзүнө таянып, ал акчаларды кандай жагдайда иштеп тапканы боюнча тийиштүү документтери бар экенин белгиледи.

"Зилалиев ал акчаларды мал-мүлкүн сатып жыйнагандыр. Өзүнүн жана жакындарынын айтканына караганда, ал акчалар кайдан келгени боюнча тийиштүү документтер бар экен. Эгерде документтери бар болгон болсо, тергөөдө көрсөтүшөт. Эгерде документтер жок болуп калса, анда суроо жаралат", - деди Каримов.

Ал эми банктагы акча боюнча видео банк кызматкерлери тарабынан мурун эле тартылган болушу мүмкүн экенин кошумчалады.

"Кайсы бир адам банкка акча салса, сөзсүз келишимдин негизинде салат. Ал үчүн банкка акча төлөп берип турушу керек болот. Эгерде ошол акчаны убагында төлөбөй калса, банк эскертүүнүн негизинде тактап коюу үчүн ячейканы ачып андагы акчаны санап чыгып кайра салып коёт. Интернеттеги видео банк тарабынан буга чейин эле тартылып, эми УКМКга өткөрүлүп берилип жаткан болушу мүмкүн", - деген ойдо жактоочу.

Ушул жылдын 7-декабрында "мыйзамсыз байыган" деген айып менен Дүйшөнбек Зилалиев УКМК тарабынан кармалган.

УКМК Дүйшөнбек Зилалиевдин коммерциялык банктардын биринен табылган акчасын көрсөттү

Автор: Жамалидин Парманкулов
Фото: Жамалидин Парманкулов

23:55 12-12-2018

Жазылуу

Тектеш кабарлар:

Зилалиевдин соту: "Бомба" деп угуп калган курсант кыз көрсөтмө берди (толукталды)

Зилалиев: "Мен "бомба жарылат" деген эмесмин. Кызга комплимент гана айткам"

"Жайкы бут кийимчен кызматкерлер". УКМК Зилалиевдики делген акчалар банктан качан чыгарылып кеткенин айтпай жатат (толукталды)

Мурдагы вице-премьер-министр Дүйшөнбек Зилалиев 2 айга камакка алынды

Мурдагы вице-премьер-министр Дүйшөнбек Зилалиевдин камакка алынганы айтылды

УКМК: "ИИМ Академиясынын курсантынын айтымы боюнча, жардыруучу зат тууралуу маалыматты Дүйшөнбек Зилалиев айткан"

УКМК Дүйшөнбек Зилалиевдин кармалышы жана ага караштуу делген байлыктары боюнча маалымат таратты

Зилалиевдин соту 10-сентябрга жылдырылды. Соттук отурумга ИИМ академиясынын курсант кызы чакырылды

Зилалиевдин соту 24-августка жылдырылды

Мурдагы вице-премьер-министр Дүйшөнбек Зилалиевдин эмне себептен кармалганын жактоочусу айтып берди

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 111 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 556 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 689 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 288 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 417 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 700 0

Архив

Комментарийлер (5)

bond02

2018-12-12 12:25:53

Элдин башын айлантмай.

Bishkek_312

2018-12-12 12:29:21

Дагы башкаларын текшерсе чекесинен чыга берет чиновниктердики, бул башкаларга эскертуу болуп жатат акча байлыктарынарды каткыла же закондоштургула же качкыла деп убакыт берип жатышат.

ekaterinburg

2018-12-12 12:29:24

ХХХХ Ушинтип согуп атам тиги жегичтерди! УКМК ны баш кылып. Кечирип койгула!Башкача соксом болбой калчудай.

deva

2018-12-12 13:52:18

Зилалиевдин акчалары, мүлктөрү интернетке тарагандан бери менде уйку жок, курсагымдын тойгонуна ыраазы болуп жүргөн турбаймынбы деп. Эмнеге мен бул кишидей болуп тытынып иштей албайм деп)) Буга чейин деле башкалардыкын чукуп чыгышкан,бирок мындай абалда болгон эмес элем))

mederkg

2018-12-12 20:10:08

120сын тең текшериш керек мындан да көп чыкса керек баарынын үйүнөн банктан же ушуну көрүп башка жака жылдырып ийиштиби

Комментарий калтыруу үчүн өз ысымыңыз менен кириңиз же каттоодон өтүңүз.