УКМК: "Бишкек ЖЭБин модернизациялоодо мамлекетке 111 миллион доллардан ашык зыян келтирилген"

Тектеш кабарлар: Бишкек ЖЭБи боюнча соттук иштер (254 материал)

Бишкек ЖЭБдеги модернизациялоодогу коррупция боюнча козголгон кылмыш иши боюнча тергөө аяктаганын УКМКнын басма сөз кызматы 8-январда кабарлады.

Анда тергөөнүн жыйынтыгында мурдагы өкмөт башчы Сапар Исаков башында турган бир катар кызмат адамдары бийликтеги ыйгарым укуктарынан пайдаланып кытайлык TBEA компаниясы менен мамлекеттин кызыкчылыгына ылайык келбеген келишим түзгөнү аныкталган.

Анын жыйынтыгында мамлекет жалпы 111 миллион 252 миң 797 доллар чыгым тарткан. "Тактап айтканда, 2010-жылдын февраль айында Өнүктүрүү, инвестиция жана инновациялар боюнча борбордук агенттигинин Байланыш кызматынын жетекчиси Сапар Исаковдун катышуусунда Бишкек ЖЭБин модернизациялоо маселеси каралып, Дүйнөлүк банк 150 миллион доллар жана ТВЕА компаниясы 200 миллион доллар сунуш кылган. Жыйынтыгында ТВЕА компаниясынын сунушун кабыл алуу боюнча чечим чыккан.

Бирок Сапар Исаков 2013-жылы президенттик аппараттын тышкы саясат бөлүмүнүн башчысы болуп турганда долбоорду ишке ашырууну өз көзөмөлүнө алып, 386 миллион долларга бааланган долбоорду ишке ашыруу укугун ТВЕА компаниясына берген. Бирок ТВЕА компаниясынын бул багытта тажрыйбасы жоктугуна көңүл бурган эмес. Долбоорду ишке ашырууга коротулчу акча Кытайдын ЭКСИМ Банкынан насыя катары 2 пайыз жылдык үстөк менен 20 жылга алынган. Насыя 2014-жылы алынып, андан бери Кыргыз өлкөсү Кытайга 22 миллион 814 миң 328 долларды төлөп берди", - деп билдиришти УКМКдан.

Учурда айыпталуучулар жана алардын жактоочулары козголгон кылмыш иштин материалдары менен таанышып жатышат. Алар таанышып чыккан соң материалдар Башкы прокуратура менен сотко өткөрүлүп берилет.

жаңыланды 07:30 09-01-2019
кошулду 20:48 08-01-2019

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

17:26 2024-05-03 | Саясат

Арзыбек Кожошев: “Жеткирүү чынжырындагы глобалдык өзгөрүү жаңы транспорттук каттамдарды түзүү жана өнүктүрүү үчүн катализатор болуп калды” 81 0

17:10 2024-05-03 | Коом жана турмуш

"Уккан киши жок". Камчыбек Ташиев "Манас" айтууну өз жолуна коюу керектигин айтты 431 0

16:29 2024-05-03 | Коом жана турмуш

"Президент жөнөттү". Ташиев Сузактагы кырсыкка күнөөлүүлөр жоопко тартыларын айтты 498 0

16:10 2024-05-03 | Коом жана турмуш

Ошто Улуу Ата Мекендик согуштун ардагери Салахидин Токтобаев каза болду. Шаарда бир гана ардагер калды 408 0

15:56 2024-05-03 | Коом жана турмуш

Сузактагы кырсык: Садыр Жапаровдун тапшырмасы менен оор абалдагы балдар Бишкекке алынып келинет 633 0

15:34 2024-05-03 | Коом жана турмуш

4-майга карата аба ырайы тууралуу маалымат 365 0

Архив

Комментарийлер (9)

TalaCSKA

2019-01-08 14:57:09

Негизи эле бир кездерде бийликте иштеп кеткендердин баардыгынын орду турмодо тандабай баарын соттогула Атамбаев Жээнбековту дагы соттогула а то адилетсиз болуп калат

Erik2018

2019-01-08 15:14:39

TalaCSKA,АШАны Бишкек ТЭЦиндеги авария, Дача-СУдагы “сырдуу жүк” сыяктуу иштер уктатпай жатканы жашыруун эмес. Дал ушул ТЭЦти оңдоо ишине аралашып, акыркы 6 жылда Атамбаевге жана анын шоопуруна таянуу менен чоң кызматтарда жүргөн Аскарбек Шадиевдин байлыгы ачыкка чыкты. Бул көрүнүш элдин эсин оодарды десек болот.

Skarlett-Skarlett

2019-01-08 16:28:52

Erik2018,Сен эмне Кара-Кулжадан болосунбу?А эмнеге Шадиевди качырып жиберишти?Нью-Йоркто элдин акчасына чардап журот да.

-3

Take_men

2019-01-08 17:26:57

Skarlett-Skarlett, эми боозуп алып деле Кара Кулжалыктар күнөөлүү дей бер хе хе

Skarlett-Skarlett

2019-01-08 17:50:54

Take_men,Турмуштун эмнеси жакшырды?Коррупционерлер митедей болуп кайра кобойуп жатат.Кана эмне озгорду бир жылдан бери?!Оштун баары МВД Кара-Кулжалыктар отурушат.СНБ,Горсуд,деги эле койчу баарында.Карга карганын козун чукубайт болушуп

-1

Aman_90

2019-01-09 08:44:06

Skarlett-Skarlett,Адам жашоосун озгорткусу келсе озу жакшылап аракет кылыш керек,президент деле аракет кылып жататго болушунча эле,аракет калгандар соонун эле жашап атышат,жалкоолор журбойбу баарын президентке шылтап коюшуп .

AksyKum

2019-01-08 14:59:23

Кустурсун эми камабасадагы

Erik2018

2019-01-08 15:15:30

ТЭЦти оңдоону Атамбаевдин кадрлары ишке ашырды, алар бүгүнкү күндө да иштеп жатат. Ал жерде авария болгондон кийин коррупциялык иштер калкып чыкты. Эми күнөлүүлөрдүн баары ачыка чыгыш керек. Ошондо кимдин уурдаганы ачыкка чыгат.

ruslanz

2019-01-09 14:20:58

Баары мен жеген эмесмин дешет,анан ким жеди башка планетадан келип жеп кетишдиби.Атамбаев менен Исаков точно бар.

Комментарий калтыруу үчүн өз ысымыңыз менен кириңиз же каттоодон өтүңүз.