Сапар Исаковдун тарапташы: "5 ай өкмөт башчы болуп иштеген Исаков 9 айдан бери камакта отурат"

Тектеш кабарлар: Бишкек ЖЭБи боюнча соттук иштер (254 материал)

Бүгүн, 27-февралда Бишкек шаарындагы Свердлов райондук сотунда ЖЭБди жаңылоодо "коррупция" беренеси менен айыпталган Сапар Исаковдун жана дагы 7 аткаминердин иши боюнча соттук уктуруу өтүүдө. Соттук уктуруу жабык өтөрү белгилүү болду.

Учурда соттун имаратынын алдында айыпталуучулардын жакындары, тарапташтары топтолуп турушат. Алар соттон адилеттүүлүктү күтөрүн айтышат.

Кочкор районунан келдим деген Сапар Исаковдун тарапташы анын жол киресине эч ким акча төлөп бербегенин, жаш саясатчынын келечеги үчүн күйүп өзү келгенин айтты.

"Мен бул баланы кичинекей кезинен бери эле билем, үй-бүлөсүн да билем. Мекенчил жигит. ЖЭБди жаңылоо ошол учурдун башкы талабы болгон, мындан улам ал жаңылоо үчүн аракеттерди көргөн. 5 ай өкмөт башчы болуп иштеп 9 айдан бери камакта жатат. Соттук кароолор аябай созулууда. Исаков чет тилдерин билет, чет өлкөгө барып деле иштесе болмок, бирок ал Кыргызга кызмат кылгысы келген", - деди ал.

2018-жылы 29-майда Сапар Исаковго карата Бишкек ЖЭБине байланыштуу козголгон "коррупция" беренеси боюнча айып тагылып, 5-июнда камакка алынган.

Сапар Исаков бул окуя боюнча суракка келип жүргөн учурунда журналисттерге "саясий куугунтук болуп жатат" деп айткан.

Бишкек ЖЭБин жаңылоодо "коррупция" беренеси менен айыпталып жаткандар мурунку премьер-министрлер Жантөрө Сатыбалдиев, Сапар Исаков, депутат Осмонбек Артыкбаев, Улуттук энергохолдингдин мурунку директору Айбек Калиев, "Электр станциялары" ишканасынын мурунку жетекчиси Салайдин Авазов, "Электр станциялары" ишканасынын башчысынын мурдагы орун басары Жолдошбек Назаров, Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкулов жана мурдагы каржы министри Ольга Лаврова.

10:50 27-02-2019

Автор: Наргиза Өмүрбек кызы

Жазылуу

РУБРИКАДАГЫ СОҢКУ КАБАРЛАР

11:46 2024-05-03 | Коом жана турмуш

"Урааным Манас" кароо-сынагы республика боюнча токтотулду 118 0

11:24 2024-05-03 | Саясат

Акылбек Жапаров Өзбекстандагы Олимпиада шаарчасынын курулуш долбоору менен таанышты (фото) 164 0

11:16 2024-05-03 | Кылмыштар, кырсыктар

Бишкекте 40 жаштагы жаран телефон уудаганга шектелип кармалды 142 0

11:07 2024-05-03 | Коом жана турмуш

Казакстан жогорку окуу жайларында билим алууну каалаган кыргызстандыктар үчүн 50 орун берди 123 0

11:02 2024-05-03 | Коом жана турмуш

"Жеке көзөмөлгө алдым". Тазабек Икрамов Сузактагы окуя боюнча үн катты 514 0

10:35 2024-05-03 | Спорт

“Мен чемпионмун”: Эркин күрөш боюнча мелдештер жыйынтыкталды 251 0

Архив

Комментарийлер (12)

Povetkin

2019-02-27 10:55:50

Беш ай эмес бир ай иштеседа ошибка есть ошибка бардыгын таза дебейм по закону жооп бердирип атат. Бул окмотда ушундай эле окмот кетсе буларда жооп берет.

Erik2018

2019-02-27 11:57:33

ЖЭБ боюнча Сапар Исаков керт башы менен жооп берүүгө милдеттүү. Ошого ал ар бир ишине көз салып тургандыктан ар бир ишине жоопкер.

interpol

2019-02-27 12:43:37

Эч кимди жактабайм болгону сот адилеттүү чечим чыгарса болду. Ошонун өзү чоң жаза болот.

Jelezo

2019-02-27 12:44:09

ЖЭБди С. Жээнбеков премьер кезинде кабыл алганго эмне учун жок дегенде кубо катаары суралбайт ушунчалык таза туура иштесе ошол убакта кемчиликтерин айтып чыккан эмес кумонум бар.

Azat.97

2019-02-27 14:08:49

Jelezo,туура айтасыз суралсын Соке дагы.Атамбаев менен ушул иштин айынан урушту да куноосун моюнуна алгысы келбей.Абылгазиевке караганда Исаков жакшы иштеген.

Erik2018

2019-02-27 14:24:48

Jelezo, ЖЭБге Сапар Исаков кол койгон. Ошол толук жазасын алып чыгыш креек.

Erik2018

2019-02-27 14:23:48

Сапар Исаков кайсы арына таза иштеген. Ал деген пиар менен эле алек болуп туруп алды. Абылгазиев деген пиар кылганды билбейт экен ошого.

-5

Asyl10

2019-02-27 16:57:13

Карт борулор жешин жеп, Сапар Исаковду "козёл отпущения" кылып жатышат. 5 ай иштеген болсо ал миллиондорду жегенге улгургон да эмес,анын айланасында жургондор Исаковду пайдаланып калышты,абакка болсо Исаков кетти, анкени миллондорду сугунгандар учун Сапар Исаковдун абакта отурганы выгодно. Исаков миллиондорду кымырып алганда, ага кылмыш иши козголо баштаганын билгенде эле суракка келбей А.Шадиевге окшоп канал,дарыяларды жоо кечип, океандардын ары жагына качып,шапар тээп журмок.

Janibek_Mamytov

2019-02-27 17:11:08

Кылгылыкты президентик апарат башчы болуп турганда кылган.бардык жерде аты чыгып атпайбы. Колу менен кылганды мойну менен тартсын. Ишенген адамы да карабай койдуго....

Kuyoo_bala

2019-02-27 17:54:22

Сапарды тарых актайт.Акталат ал.

-1

Azatbek.Svoboda.

2019-02-27 19:43:58

Вор должен сидеть в тюрьме!

i1urp

2019-02-27 20:32:54

Чыныгы уурулар Жээнбековтор экени талашсыз.

-1

Комментарий калтыруу үчүн өз ысымыңыз менен кириңиз же каттоодон өтүңүз.