super.kg logo

Албек Ибраимовдун жактоочусу сотко ишенбөөчүлүк жарыялады

 

Бүгүн, 30-январда Октябрь райондук сотунда Бишкектин мурдагы мэри Албек Ибраимовдун соттук отуруму өтүп жатат.

Ибраимовдун жактоочусу Сергей Слесарев сотко ишенбөөчүлүк жарыялады.

"Иштин 8 томдук материалдары колуңузга тийген күнү эле тергөө иштери туура жүргөн деген чечим чыгардыңыз. Менин оюмча, 8 томдук материалдар менен дароо таанышып бүтө алгандай сиздин өзгөчө мүмкүнчүлүктөрүңүз жок. Буга байланыштуу сиздин бул ишти адилеттүү карай тургандыгыңыздан шек санайм. Ошондуктан сотко ишенбөөчүлүк көргөзөм", - деди Слесарев.

Соттолуучу Ибраимов жактоочусунун пикирин колдой турганын билдирди. Ал эми калган жактоочулар жана соттолуучулардын айрымдары Слесаревдин пикирин колдобой турган болсо, айрымдары сот кандай чечим чыгарса ошого макул экендигин билдиришти. Учурда сот чечим чыгаруу учун башка бөлмөгө кирип кетти.

Окуянын чоо-жайы:

2018-жылдын 28-майында УКМК тарабынан “Дастан” ишканасын Албек Ибраимов жетектеп турган учурдагы сатып алуулар боюнча “ишенип берилген мүлктү ыйгарып алуу же жок кылуу” беренеси менен кылмыш иши козголгон. 19-июлда ал ушул эле кылмыш ишинин негизинде камакка алынган. 23-июлда Албек Ибраимовго карата УКМК тарабынан Бишкек шаарындагы жер тилкелерге байланыштуу коррупция боюнча жаңы айып угузулган. Экс-мэр ушул күнгө чейин УКМКнын тергөө абагында кармалууда.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
122648;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: