ЖЭБ боюнча сотто Сапар Исаков судьяга кайрылуу жасады

Бүгүн, 3-апрелде Бишкектин Свердлов райондук сотунда Бишкек ЖЭБин жаңылоодогу "коррупция" боюнча айыпталган мурдагы 8 аткаминердин иши боюнча соттук отурум болуп өттү.

Бүгүн эки жактоочу келбей калганына байланыштуу соттук отурум кийинки аптага жылдырылды. Буга башка жактоочулар нааразычылыгын билдиришти. Мындан сырткары айыпталуучуларды көрөбүз деп коридорго чогулган туугандары да залга кирбей калып судьяга нааразы болушту. Ортодон тартипти сактап турган милиция кызматкерлери уруш угуп, айрым аялдар аларды каргаганга чейин барышты.

Соттук отурумда "коррупция" беренеси менен айыпталып жаткандар мурунку премьер-министрлер Жантөрө Сатыбалдиев жана Сапар Исаков судьяга кайрылуу жасады.

Сапар Исаков өз сөзүндө сот ачык өтүп жатканына байланыштуу ага айыпталуучулардын тарапташтарына да катышууга мүмкүнчүлүк берилиши керектигине токтолду. Андан сырткары ал залдан журналисттер чыгарылганы туура эмес экенин белгиледи.

"Сотко биздин тарапташтар да сөзсүз катышуусу зарыл. Баары ачык болушу керек деген ойдомун. Соттук отурумга журналисттер да өздөрү катышып, айыпталуучуларга кайсы кылмыштар боюнча күнөө коюлуп жатканын, мамлекеттик айыптоочулар эмне деп жатканын көрүшсүн, жазышсын", - деди Сапар Исаков.

Окуянын чоо-жайына кайрылсак:

Былтыр 26-январда Бишкек ЖЭБинде өндүрүштүк кырсык болуп, шаардагы үйлөргө берилген жылуулук 7 күнгө төмөндөгөн. Кытайдан алган 386 миллион доллар менен жаңыланган ЖЭБге карата сын-пикирлер күчөгөн. Бул факт боюнча кылмыш иши козголуп, тергөөнүн жүрүшүндө бир топ жооптуу кызматкерлер кармалган. Кийин КСДП бул боюнча билдирүү таратып, өндүрүштүк кырсык Бишкек ЖЭБинин жаңыланган бөлүгүндө эмес, эски бөлүгүнөн чыкканын белгилеген. Анда: "1961-жылы пайдаланууга берилген ЖЭБди реконструкциялоо шаарды кыйроодон аман алып калды. Мына ошол кыйроонун алдын алгандар бүгүн камакта отурушат" деп жазылган.

Андан кийин Жогорку Кеңеш ЖЭБдеги аварияга байланыштуу өкмөттүн 2017-2018-жылдардагы күз-кыш мезгилдерге даярдыгын "жетишерлик эмес" деп таап, күнөөлүүлөрдү жоопко тартуу боюнча токтомду караган.

Бишкек ЖЭБин жаңылоодо "коррупция" беренеси менен айыпталып жаткандар мурунку премьер-министрлер Жантөрө Сатыбалдиев, Сапар Исаков, депутат Осмонбек Артыкбаев, Улуттук энергохолдингдин мурунку директору Айбек Калиев, "Электр станциялары" ишканасынын мурунку жетекчиси Салайдин Авазов, "Электр станциялары" ишканасынын башчысынын мурдагы орун басары Жолдошбек Назаров, Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкулов жана мурдагы каржы министри Ольга Лаврова.

Бишкек ЖЭБин жаңылоодогу коррупция боюнча соттук отурум өттү

Автор: Мальвина Уметбекова
Фото: Мальвина Уметбекова

15:47 03-04-2019

Жазылуу

Тектеш кабарлар:

ЖЭБди модернизациялоо боюнча айыпталуучулардын сурагы соңуна чыкты. Кийинки отурум 14-ноябрда уланат

ЖЭБ соту: Сапар Исаков ага карата коюлган күнөөнү моюнга албай тургандыгын айтты

ЖЭБ соту: Сапар Исаков:"Энергетика тармагындагы коллапс апрель революциясына алып келген"

ЖЭБ соту: Свердлов райондук сотунун алдына айыпталуучулардын жакындары митингге чыгышты (сүрөт)

Жактоочу: "Бүгүн, 23-мартта ЖЭБ иши боюнча чечим чыгат"

Райондук сот Жантөрө Сатыбалдиев, Айбек Калиев жана Салайдин Авазовдун абакта калуу мөөнөтүн узартты

ЖЭБ соту: Отурумга келгендер өкүмдү 4 сааттан бери күтүп жатышат

ЖЭБ иши боюнча биринчи өкүмдү шаардык сот күчүндө калтырды. Бир гана Айбек Калиевдин мөөнөтү бир жылга кыскарды

Бишкек ЖЭБиндеги кырсыкка байланыштуу сот отуруму өтөт

ЖЭБ соту: Жантөрө Сатыбалдиев ошол кездеги финансы министринин ишмердүүлүгү жөнүндө айтты

РУБРИКАДАГЫ СОҢКУ КАБАРЛАР

17:51 2025-04-27 | Саясат

Рим папасын акыркы сапарга узатуу зыйнатына Кыргызстандан кимдер барды? 2363 0

16:41 2025-04-27 | Түркүн дүйнө

Канадада маданий фестиваль учурунда унаа жарандарды тебелеп кетти (видео) 1286 0

16:02 2025-04-27 | Спорт

Камчыбек Ташиев кыргыз премьер-лигасынын клуб жетекчилерине жыйын өттү 1070 0

14:45 2025-04-27 | Коом жана турмуш

Зардалыга салынып жаткан жолдун курулушу кызуу жүрүүдө (видео) 2144 0

14:28 2025-04-27 | Коом жана турмуш

Айгүл гүлүн үзгөндөрдүн сүрөтү коомчулуктун сынына калды 3975 1

13:24 2025-04-27 | Кылмыштар, кырсыктар

"Жерден бир нерсе издеп". Милиция кызматкерлерин тапанча менен коркуткандар кармалды (видео) 2298 0

Архив

Комментарийлер (9)

Nursbaike

2019-04-03 15:54:41

Эчнерсе болбойт Атамбайдын убагында да ушинтип какшанган саясий курмандар ошондо силер унчукпай олтургансынар Эми коп какшанбагыла пешененерге жазганын коросунор дагы илгеркидей эмес

yrmat88

2019-04-03 17:57:01

Nursbaike, Жок калп. Сапардын эч куноосу жок. Жээнбековтун эл арасында эч кандай кадыр баркы жок эле. Атамбаевтин аркасы менен бийлике жетип, эми элдин эч бир умутун актаган жок. Тескерсинче С. Исаковго окшогон таза иштеген адамды коро албай саясий буюртмаларлын ишке ашырууда. Атамбаев бекер ушул Жээнбековту бийлике алып келген. Жээнбеков колунан эч нерсе деле келбейт. Жээнбековду азыр эч ким колдобойт.

Tolkun555

2019-04-03 18:52:06

yrmat88,Сапаш Ашанын курмандыгы болуп жатат

-5

Aza17

2019-04-04 06:24:11

Tolkun555, курмандыгы болгудай сапаш кой беле

-1

Erik2018

2019-04-03 16:00:39

Кыргыз эли ушундай саясатчылардын айынан артка кетип жатабыз. Мамлекетке барып алышып, миллиондорду сол чөнтөккө салышып ири зыянга учуратып, кийин баарын жеп ичип алгандан кийин саясий буйрутма деп алакандарын жайышат аман эле болгула.

Mirlan27011987

2019-04-03 19:03:00

Сапар Исаковтун эч куноосу жок. Жээнбековтордун куугунтуктоо саясаты. Жээнбековторду короюн деген коз жок.

elchi84

2019-04-03 21:13:10

АШАнын убагында да ушинтип соттогонсунар анча мынча чон чиновниктерди эми гана чырылдап калбастан озунор дагы даамын татып когуло да.

-3

aydinnur

2019-04-04 22:21:36

Сапар курдаш келечекте президент болчу адам! Жээнбеков-Атамбаев тирешинин курмандыгы болду ((

munar1980

2019-04-05 04:38:06

А балии Сапар эми эсине кирипсин Неге Садыр Жапаровтун соту болуп жатканда азыркы суранычтарынды пикиринди айтпагансын Журналистер жана Садырдын тарапташтары кирсин деген

Комментарий калтыруу үчүн өз ысымыңыз менен кириңиз же каттоодон өтүңүз.