Бишкектеги Чыгыш-5 кичи районунда абанын булганышы нормасынан жогору

Тектеш кабарлар: Бишкекте абанын булганышы чектен ашып жатат (124 материал)

Бүгүн, 24-июлда саат 9:15ке карата Бишкектеги Чыгыш-5 кичи районунда абанын булганышы нормасынан жогору. Мындай маалыматты "МувГрин" жаштар кыймылынын интернет баракчасынан көрүүгө болот.

Ага ылайык, Бишкектин бир нече жерине абанын булганышын ченөөчү приборлор орнотулган. Приборлордогу маалыматтарды Эйрказ.орг сайтынан онлайн түрүндө көрүп турууга мүмкүн.

Чыгыш-5 кичи районундагы учурдагы көрсөткүч - 32 микрограмм (сутка ичиндеги орточо көрсөткүч – 40). Дүйнөлүк саламаттыкты сактоо уюмунда орточо эсеп менен куб метрге 25 микрограмм болгон көрсөткүч норма катары саналат.

Көк-Жар кичи району - 30 микрограмм (сутка ичиндеги орточо көрсөткүч - 41).

Бөкөнбаев-Калык Акиев көчөлөрүнүн кесилиши - 28 микрограмм (сутка ичиндеги орточо көрсөткүч - 38).

"МувГрин" жаштар кыймылынын мындай маалыматтарын Курчап турган чөйрөнү коргоо жана токой чарба агенттиги четке кагып келет. Агенттиктин директору Абдыкалык Рустамовдун айтымында, ар бир жыйынтык жүргүзүлгөн талдоолордун негизинде гана чыгарылып, Гидрометеорология агенттиги тарабынан расмий маалымат берилет.