super.kg logo
  Саясат  

Курчап турган чөйрөнү коргоо жана токой чарба агенттигинин директору Абдыкалык Рустамов: "Бишкектин абасы нормадан 20 эсе көп булганыч деген маалымат жалган"

 

Кыргыз жериндеги "МувГрин" жаштар кыймылы Бишкектин абасынын булганганына байланыштуу маалыматтарды интернетке жарыялады. Андан Бишкектин айрым жерлеринин абасы нормадан 20 эсе булганганын байкоого болот. Буга чейин да борбор калаанын абасында уулуу заттар көбөйгөнү айтылып, ага 70 пайыз автоунаалардан чыккан түтүн себепчи экени белгилүү болгон. Андан сырткары мындай булганууга Бишкек жылуулук электр борборунун да тиешеси бар экени айтылган.

SUPER.KG порталынын "Бишкектин абасы нормадан 20 эсе көп булганыч экени айтылууда. Бул көйгөйдү ким жана кантип чечиши керек?" деген соболуна курчап турган чөйрөнү коргоо жана токой чарба агенттигинин директору Абдыкалык Рустамов жооп берди.

Ал Бишкек шаарындагы абанын булгануусу негизинен автоунаалардын көптүгүнө байланыштуу болуп жатканын билдирди.

"Өзгөчө кырдаалдар министрлигинин алдындагы Гидрометеорология агенттигинин Бишкек боюнча көмөк чордондору (подстанция) бар. Ал жактан тийиштүү маалыматтар келип, Кыргыз Республикасы боюнча анализ жүргүзүлөт. Ал эми Бишкектин абасы нормадан 20 эсе көп булганган деген маалымат туура эмес. Ар бир жыйынтык жүргүзүлгөн талдоолордун негизинде гана чыгарылып, расмий маалымат берилет", - дейт Рустамов.

Жогорку Кеңештин депутаттары Дастан Бекешев, Тазабек Икрамов, курчап турган чөйрөнү коргоо жана токой чарба агенттигинин директору Абдыкалык Рустамов, эколог Бактыгүл Стакеева, экология тармагындагы эксперт Азамат Темиркулов, жарандык активист Мураталы Үчкемпировдунпикири бул шилтемеде.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
126672;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: