Раиса Атамбаева жолдошу менен жолугуп чыкты

Тектеш кабарлар: Атамбаевдин кармалышынын чоо-жайы жана андан кийинки камакка алуулар (265 материал)

Камакта отурган мурунку президент Алмазбек Атамбаев менен анын жубайы Раиса Атамбаева жолугушту. Бул тууралуу SUPER.KG порталына жактоочу Замир Жоошев билдирди.

Анын айтымында, жубайлар эки күн мурун жолугушкан.

“Раиса Атамбаева жолдошу Алмазбек Атамбаев менен алардын кезигишүүсүнө уруксат берилгендиктен, 2 күн мурун жолугушкан. Алардын эмне тууралуу сүйлөшкөнү белгисиз”, - деди ал.

Алмазбек Атамбаев 8-августта ИИМдин атайын операциясынан кийин колго түшүп, УКМКнын тергөө абагына киргизилген. Андан кийин анын баш коргоо чарасын Биринчи Май райондук соту карап, камактагы мөөнөтү 2019-жылдын 26-октябрына чейин узартылган.