Бүгүн, 23-январда Биринчи Май райондук сотунун имаратында кримтөбөл Азиз Батукаевдин абактан мыйзамсыз бошотулушу боюнча соттук отурум уланууда. Отурум жабык эшик артында өтүүдө.
Биринчи Май райондук сотунун өндүрүшүндө "коррупция" беренеси менен айыпталып жаткан Улуттук гематология борборунун мурдагы жетекчиси Абдухалим Раимжанов: "Соттук процесс мен үчүн оор эле өтүүдө. Себеби буга чейин төрт жолу операция жасаткам, эми дагы эки операция жасалуу алдында турам", - дейт.
- Соттон ден соолугуңузга байланыштуу жеңилдик берүүсүн сурандыңыз беле?
- Ооба, бирок мыйзам боюнча, учурда катышып жаткан үч адамдын бирөө эле катышпай койсо, сот процесси токтоп калат экен.
- Сизге тагылган айыптар менен макулсузбу?
- Жок каршымын. Батукаев боюнча чечим чыгып жатканда мен ооруканада болчумун.