Жактоочу: "Атамбаев кийинки соттук процесстерге катыша берсе болот"

Бүгүн, 21-январда УКМКнын имаратында кримтөбөл Азиз Батукаевдин абактан мыйзамсыз бошотулушу боюнча соттук отурум болуп өттү. Отурум жабык эшик артында болду. Ага мурдагы башкы прокурор Индира Жолдубаева жана Улуттук гематология борборунун мурдагы жетекчиси Абдухалим Раимжанов катышты. Мурдагы өлкө башчы Алмазбек Атамбаевдин бул процесске дагы катышпаганын анын жактоочулары айтышты.

Соттук отурумдан чыккан жактоочу Сергей Слесарёв эгер Атамбаевдин өз каалоосу болсо, сот аны четтеткенине карабай, кийинки отурумдарга катыша берсе боло тургандыгын билдирди. Мындан тышкары, жактоочу ишке төрагалык кылган сот жактоочуларга ишмердүүлүгүн жүргүзүүгө мүмкүнчүлүк бербей жатканын айтты.

"Соттук процесстин жүрүшүндө ишке төрагалык кылган сот көп жолу жактоочу тараптын өз ыйгарым укуктарын аткаруусуна тоскоол болуп жатты. Алсак, процессте сот өтүнмөлөрдү келтирүүгө уруксат бербей жатты. Мыйзам боюнча процесстин бардык катышуучулары, анын ар бир статьясында өтүнмө келтирсе боло берет. Ошондой эле сот жактоочудан сүйлөбөстөн, отуруусун талап кылып жатты. Мыйзамда төрагалык кылган сотко карата нааразычылыктар болсо, ал протоколго киргизилиши керек. Бирок андай болгон жок. Анын ордуна жактоочунун айткан эскертүүлөрү протоколго жазылды. Жыйынтыгында соттук процесс жактоочунун, тактап айтканда, менин сот процессинин эрежелерин бузгандыгыма байланыштуу токтотулду", - дейт жактоочу.

Буга чейин УКМКнын имаратында өтүп келген соттук отурум, 23-январдан баштап Биринчи Май райондук сотунун имаратында өтөрүн жактоочулар билдиришкен.

Автор: Бактыгүл Султаналиева
Фото: Бактыгүл Султаналиева

20:21 21-01-2020

Жазылуу

Тектеш кабарлар:

Батукаевдин иши боюнча Бишкек шаардык соту райондук соттун өкүмүн күчүндө калтырды

Алмазбек Атамбаевдин соттук отуруму 6-декабрга жылдырылды

Жактоочу: "Алмазбек Атамбаев Батукаевдин өлкөдөн мыйзамсыз чыгып кетиши боюнча соттук отурумга келүүдөн баш тартты"

Бүгүн Азиз Батукаевдин мыйзамсыз бошотулушу боюнча соттук отурум өтөт

Жактоочу: "Батукаевдин иши боюнча соттук отурум Раимжановдун ооруканага жатып калышына байланыштуу жылдырылды"

Атамбаев алып келинген соттун имаратынан Индира Жолдубаева чыгып кетти

Батукаев боюнча соттук иш: Жарыш сөз аяктап, айыпталуучулар акыркы сөздөрүн айтышууда

Кримтөбөл Батукаевдин иши боюнча кийинки отурум Биринчи Май райондук сотунда өтмөй болду

Батукаев боюнча соттук отурум өтөт делген залга журналисттер киргенде ал жакта эч ким жок болуп чыкты

Кримтөбөл Батукаевдин иши: Алмазбек Атамбаевдин кан басымы төмөндөп, отурумга келбегендиги айтылды

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 722 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 100 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 560 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 1717 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 762 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1864 0

Архив

Комментарийлер (6)

Alimbek1000

2020-01-21 21:04:29

АША жаман каадаландың го сен! Жөнөкөй жарандар унчукпай мыйзамга баш ийип эле жашап келе жатат го. Сен эмне асмандан түшкөнсүңбү? Мыйзамды сыйлабай кантип президент болуп жүрдүң экен?

iryi1

2020-01-21 23:37:23

Alimbek1000,
АШАны коюп Сооронбай өзүн карап алсын. Сооронбай АШАнын колдоосу болгон үчүн багы ачылып кетти го. Сооронбай келип эмнени жыргатты. Бүт баарын бүлүндүрүп бүттү. Сокеден өткөн мыкты адамдар бар эле. АШАнын чоң катасы болду. Сооронбайды колдобош керек болчу. Азыркы Сокенин сасыган саясаты элдин кыжырын күн сайын келтирип жатат. Жакында СОКЕ кетпесе оңолбойбуз.

Alimbek1000

2020-01-21 21:05:06

Атамбаев каадалана бербечи адамдын нервине ойноп!

Jaznura

2020-01-21 21:11:08

Атамбаев мындай жактоочулар менен алыска барбай калды го.

-1

Jelezo

2020-01-21 21:58:23

Өзү бышырган кашаны эми өзү жеп жатат,элдин оюна койгондо каалаган талапкерди тандап алышмак. Атамбаев эс алууга чыгып жыргап жатмак.

chake

2020-01-22 09:35:00

АлМас агынан уруп Шоопурга мамлекетти башкартып коюп чартаңбай тээп жургон кундорунун жемишин коруп жатат

Комментарий калтыруу үчүн өз ысымыңыз менен кириңиз же каттоодон өтүңүз.