"Жардам бергендер муздаткычтан бери ачып, текшергенден кийин азык-түлүктү беришет экен" дейт үч баланын энеси

"Карантинге чейин эле мага окшогон энелерге иштеп, балдарын багуу оор болуп келген эле" деп баштады сөзүн Майрам Жумабаева аттуу жалгыз бой эне. Ал үч баланын энеси экенин жана балдары менен батирде жалгыз турарын SUPER.KG порталына айтып берди.

Азыркы абал Кыргыз өлкөсүндө жардамга муктаж үй-бүлөлөр дагы деле көп экенин көрсөтүп койду деген эне башынан өткөн жагымсыз окуя тууралуу айтып берди.

"Биз жашаган айылдын квартал башчысы келип, батирде жашагандардын тизмесин алып кеткен. Ал бизге "Азык-түлүк жактан жардамга муктаж жарандардын аты-жөнүн тактап жатам, жардам берилип калса, ушул тизме боюнча берилет" деп айткан. Кийинчерээк квартал башчысына кайрылганымда, жардам шаардагыларга берилбейт экен деген жообун айткан. Андан кийин дагы бардым. "Азык-түлүк өтө зарыл дегендерге эле берилип жатат. Анда дагы ар бир үйгө кирип, муздаткычтарын текшерип көрүп, эч нерсеси жок болгондорго гана бир аздан бердик" деген жооп алдым. Чынын айтканда бул сөз мага аябай оор тийди. Көңүлүм ооруп кайра келдим, өзүм үчүн гана эмес мага окшогон миң сандаган энелер үчүн көзүмө айласыз жаш тегеренди.

Карантин болбосо да жумушта иштеп, азык-түлүк таап кетмекпиз. Ансыз деле буга чейин чүрпөлөрүмдү эч кимден жардам сурабай, өзүм эле багып келгем. Эми биз эмне кылышыбыз керек? Бир кап ун үчүн муздаткычыбызды текшертип, үйүбүздү текшертебизби? Балдарымдын улуусу 14 жашта, кийинкилери 13 жана 3 жашта. Жолдошум кетип калган. Ага карабай, белди бекем бууп, балдарымдын келечеги үчүн күчтүү болууга туура келди. Мурунку жолдошум жардам көрсөтпөйт. Бирок мен эч кимден үмүт кылбай, балдарымды багып келгем. Карантин башталгыча "Мадина" базарына жумушка кирип иштеп, сүйүнүп алганбыз. Айла жок, үйдө отуруп калдык. Мындай шартта бардык эле үй-бүлөгө оор болуп жатса керек. Мен дагы учурда оор абалга туш келгендиктен, жардам сурап кайрылууга мажбурмун", - деп сөзүн аяктады ал.

Үч баласы менен батирде жашап жаткан энеге жардам бергиси келгендер 0552 251-135 номерине байланышсаңыздар болот.

Автор: Бактыгүл Султаналиева

16:00 09-04-2020

Жазылуу

Тектеш кабарлар:

Министрлик коронавирустан каза болгондорду көмүүдөгү эрежелерди айтты

Борбор калаада коменданттык сааттын эрежесин 43 адам бузду

Финляндия кайрадан 10 өлкөнүн жарандарынын кирүүсүнө чектөө коёт

Депутат Сулайманов: "Тышкы карызды төлөө боюнча каникул сурашыбыз керек"

Акыркы бир сутка ичинде Италияда коронавирустан бейтаптардын рекорддук көрсөткүчү айыгып чыкты

Коронавирустан дагы 6 адам каза болду

Өзбекстанда 25 миңден ашуун бейтап COVID-19дан сакайганы айтылды

Өзбекстанда жалпы 9400дөн ашык бейтап COVID-19 илдетинен сакайды

Кыргыз өлкөсүнө эл аралык өнүктүрүү ассоциациясы 12 миллион 150 миң доллар бөлөт

Сыймык Жапыкеев коронавируска каршы вакцина алды

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (14)

janka7

2020-04-09 16:19:07

Ушул эжеге окшогон жалгыз бой энелер биз жакта да бар,мумкун болсо кайрылышып коесуздар.

janka7

2020-04-09 20:08:20

janka7,3баланы тарбиялаган жалгыз бой эне.Тел:0702301465

janka7

2020-04-09 20:23:01

Уч баланы жалгыз баккан жалгыз бой эне,кичуусу 2жашар ,жардамга аябай муктаж .Тел:0702301461ушул ном байланышсанар болот

Diyana

2020-04-09 23:44:11

janka7,бул номер вотсапка кирбейт турбайбы. Чет жерде болгонум учун туз байланыша албайткем.

janka7

2020-04-10 13:59:11

Diyana,0705741756

Diyana

2020-04-09 23:45:19

janka7, Вотсап номерлери болсо жакшы болмок, аз болсо да жардам кылмакпыз

janka7

2020-04-10 00:39:57

Diyana,сизге рахмат эртен сурап берейин ватсап номерин

Samatalibei

2020-04-09 17:15:19

Алар келгенде азык түлүктү катып койгондорго а жок экен деп бере салат турбайбы!

janka7

2020-04-09 20:16:38

Уч баланы тарбиялаган жалгыз бой эне,кичуусу 1жаштан отту .Тел:0702301461

Goodyer

2020-04-09 22:29:29

Ушул кантип болсун уйун холодильнигин текшерип

meku89

2020-04-10 08:48:05

Менин дагы бир таанышым айтты уйдогу оокаттарын дагы карап беришет экен. Эгер уйун толо оокат(телевизор,холодильник, диван ж.б.у.с) бирок ачка отурсан ала албайт экенсин. Жон эле абалды коруп туруп берип коюшса болмок.

zamir_kgz

2020-04-10 10:27:44

Куйоосун ажылдай берип,журок оору кылып олтуруп алса керек же ажырашып кеткен тилинин узундугунан? Куйоосу эмне болгон билип бергиле? Кээ бир аялдар турмуш сыноосуна чыдай албайт, ошондой эле эркектер да бар. Ортодо балдарга кыйын!

-8

Jasi.jasi

2020-04-10 15:46:42

zamir_kgz,оозуна келгир!!!Ушундай оор кырдаалда жаман соз айтпай турсан болбойбу.

Alia82

2020-04-10 11:17:18

Атайын счетке тушуп аткан акчалардан бербей эмне кылып атышат...

Комментарий калтыруу үчүн өз ысымыңыз менен кириңиз же каттоодон өтүңүз.